ມື້ນີ້ວັນນະສອນດີໃຈທີ່ໄດ້ກັບມາຈັດເພງໃຫ້ທ່ານຜູ້ຟັງໄດ້ຟັງກັນແລະກໍບໍ່ຕ້ອງນ້ອຍໃຈ
ຖ້າວ່າເພງທີ່ທ່ານຂໍມານັ້ນຍັງບໍ່ໄດ້ຫຼິ້ນໃຫ້ຟັງເທື່ອ ແຕ່ໂອກາດໜ້າໄດ້ຟັງແນ່ນອນເພງ "ເຂີຍໃຕ້ ໃພ້ເໜືອ" ຄົງໂດນໃຈຫຼາຍໆທ່ານ ທີ່ມີຄວາມຫວັງຢາກເປັນເຂີຍໃຕ້ ຫຼືບໍ່ກໍ່ຢາກໄດ້ໃພ້ເໜືອ ເປັນເພງມ່ວນໆສະບາຍໆຂອງນັກຮ້ອງຄູ່ ກິ ດາວເພັດແລະລໍາມຸດ ບຸດສະບາ ຫັວງວ່ານ້ອງສົມເໝາະທີ່ຂໍຟັງມານັ້ນບໍ່ພາດ ເພາະວ່າ ນ້ອງສົມເໝາະໜ້າຮັກຄົນນີ້ ເປັນແຟນປະຈໍາລາຍການ ເຖິງ ແມ່ນວ່າຈະມີພາລະກິດມາກມາຍ ແຕ່ກໍບໍ່ວາຍທີ່ຈະ facebook ເຂົ້າມາ ເອົາຂໍໃຫ້ສົມປະສົງລະກັນ ເພື່ອວ່າມີໜຸ່ມໃຕ້ມາຈີບ ແລະຂໍຂອບໃຈທີ່ຊົມມາ ເອື້ອຍວັນນະສອນສຽງບໍ່ຫວານ ກໍຕ້ອງຫວານຕອນນີ້ລະ
ເພງ " ເຂີຍໃຕ້ ໃພ້ເໜືອ " ໂດຍ ກິ ດາວເພັດເລະລໍາມຸດ ບຸດສະບາ
ຕ້ອງຂໍຂອບໃຈນໍາເອື້ອຍສີປະໄພທີ່ຂຽນຂໍ້ຄວາມໄວ້ໃນ website ຫຼັງຈາກທີ່ໄດ້ອອກເພງ
ກຸຫຼາບຫຼວງພະບາງ ໄປແລ້ວນັ້ນເພາະຄິດວ່າ ນັກຮ້ອງຊື່ ວັນ ທີ່ຮ້ອງເພງນີ້ ເປັນເພື່ອນ
ສະໄໝຮຽນດ້ວຍກັນທີ່ຈໍາປາສັກແລະວ່າ 30 ກ່ວາປີແລ້ວບໍ່ໄດ້ພົບພໍ້ກັນ ດີໃຈເປັນຢ່າງຍິ່ງ
ແລະສົນໃຈຢາກຟັງເພງຂອງຜູ້ກ່ຽວອີກວ່າຊັ້ນແຕ່ໜ້າເສຍດາຍ ທີ່ເຮົາບໍ່ມີເພງຂອງວັນ
ທັງໝົດຊຸດ ມີແຕ່ຮ້ອງກັບສິນລະປິນທ່ານອື່ນໆ ວັນນະສອນກໍເລີຍຂໍມອບເພງ "ສາວສະຫວັນ
ຄອຍຮັກ" ໃຫ້ແທນ ຊຶ່ງເປັນເພງຢູ່ໃນຊຸດນີ້ ທີ່ຂັບຮ້ອງໂດຍ ແດງ ຈໍາພອນ ຂໍມອບເພງ
"ສາວສະຫວັນຄອຍຮັກ" ນີ້ໃຫ້ເອື້ອຍສີປະໄພ ຟັງພ້ອມກັບຍາດມິດພີ່ນ້ອງແລະເພື່ອນມິດ
ສະຫາຍທຸກໆຄົນເລີຍທີ່ຈໍາປາສັກພຸ້ນ.
ເພງ "ສາວສະຫວັນຄອຍຮັກ" ໂດຍ ແດງ ຈໍາພອນ
ສ່ວນເພງ "ບໍ່ລືມວຽງຈັນ" ຂອງດາຣາເພັດ ຈັດມອບໃຫ້ ສິດ ຜູ້ຟັງທີ່ຂຽນເຂົ້າມາແລະ
ຕ້ອງຂໍຂອບໃຈຫຼາຍໆທີ່ອາສາສະມັກທີ່ຈະເຮັດອາຫານລາວແຊບໆໃດ້ຊຸມແຊວກັນ
ໄດ້ເລີຍ ເອື້ອຍຕຽມພ້ອມແລ້ວ ແລະຍາເອື້ອຍດາຣາ ບັກຄໍາ ກໍຕຽມຕົວຕຽມໃຈໄວ້ເຊັ່ນກັນ.
ຫວັງວ່າຄົງໄດ້ພົບກັນໃນໄວໆນີ້ ແລະພິເສດໄປກ່ວານັ້ນ ສິດຍັງບອກມາວ່າ ເພງ"ບໍ່ລືມ
ວຽງຈັນ" ນີ້ຄົງຈະພາໃຫ້ຫຼາຍໆທ່ານນໍ້າຕາໄຫຼ ແລະຍັງປາກຫວານອີກນ໋າ...ວ່າ "ຮັກຄົນ
ລາວທີ່ຢູ່ຕ່າງແດນທຸກຄົນເດີ." ຂໍໃຫ້ທຸກໆທ່ານນອນຫຼັບຝັນຫວານ.
ເພງ: "ບໍ່ລືມວຽງຈັນ" ໂດຍ ດາຣາເພັດ
