ລິ້ງ ສຳຫລັບເຂົ້າຫາ

ລາຍການສຽງເພງຈາກແດນໄກຂອງ VOA ໃນຄໍ່າຄືນມື້ນີ້ ວັນນະສອນມີເພງຕາມຄໍາຂໍ ມາກ່ອມອາລົມທ່ານຜູ້ຟັງອີກ ຂໍເຊີນຮັບຟັງໄດ້ ໃນອັນດັບຕໍ່ໄປ

ສະບາ​ຍດີທຸກໆ​ທ່ານ ວັນນະ​ສອນ​ຫວັງ​ຢ່າງ​ຍິ່ງ​ວ່າທຸກໆທ່ານ​ສະບາຍດີ ພ້ອມ​ດ້ວຍ
ພາລະ​ໜ້າ​ທີ່ ຈະ​ເລີ​ນງອກ​ງາມ​ທຸກ​ປະການ ​ແລະ​ທີ່​ສໍາຄັນ​ຍິ່ງ​ໄປ​ກວ່າ​ນັ້ນ ກໍ​ຄື​ການ
ມີ​ສຸກຂະ​ພາບທີ່​ແຂງ​ແຮງ. ​ເພງ​ "ສາວ​ບໍ່​ແກ້ວ​" ນີ້ ຂໍ​ຈັດ​ພິ​ເສດໃຫ້ຜູ້​ຟັງ ນ້ອງ​ຄໍາ​ຫຼ້າ
ຈາກ​ແຂວ​ງສະ​ຫວັນນະ​ເຂດພຸ້ນ ພ້ອມ​ດຽວ​ກັນ​ນີ້ ກໍ​ຂໍ​ຈັດ​ໃຫ້​ທ່ານ​ຜູ້​ຟັງ​ທີ່​ເຮັດ​ຫົວ​ໃຈ
ຫຼົ່ນ​ໄວ້​ໃນ ບໍ່​ແກ້ວພຸ້ນ​ລະ ​ເອົາ​ໄປ​ຟັງ​ກັນ​ໄດ້​ເລີຍ ​ເປັນ​ຜົນງານ​ເພງ​ຂອງ​ແສງ​ດາວວີ
ຊຸບ​ເປີ​ສອງ​ສີ.

ເພງ: "ສາວ​ບໍ່​ແກ້ວ​" ໂດຍ ແສງ​ດາວວີ ຊຸບ​ເປີ​ສອງ​ສີ

ສ່ວນນ້ອງ ​ເວີນ​ສອນ ຜູ້​ຟັງ​ທີ່​ຕິດ​ຕາມ​ຮັບ​ຟັງ VOA ​ເປັນ​ປະ​ຈໍາ​ນັ້ນ ຊຶ່ງ​ກໍາ​ລັງ​ສຶກ​ສາ
ຢູ່​ທີ່​ມະຫາວິທະຍາ​ໄລ​ໃນ ພິລິບ​ປີນ​ພຸ້ນ ຂໍ​ຟັງ​ເພງ "ກໍາລັງ​ຂ້າງ​ໆ" ຂອງ​ສາວ​ໝອນ
ເພື່ອ​ມອບ​ເປັນ​ກໍາລັງ​ໃຈ​ໃຫ້ ພວກ​ເຄົາ​ຮ້າຍ​ທີ່​ປະສົບ​ໄພ​ກັບ​ນໍ້າ​ຖ້ວມ​ໃນ​ເອ​ເຊຍ​
ໂດຍສະ​ເພາະ​ໃນ​ລາວ. ໜ້າ​ເສຍດາຍ​ທາງ​ເຮົາ​ບໍ່​ມີ​ເພ​ງນີ້​ຈຶ່ງ​ຂໍ​ຈັດ​ເພງ "ສຽງ​ແຄນ​ລາວ"
ຂອງ​ນ້ອງ​ຕ່າຍ ດອກ​ເກດ ໃຫ້​ແທນ ​ໂອກາດ​ໜ້າ​ຈະ​ຫາ​ເພງມາ​ເປີດ​ໃຫ້​ຟັງ​ອີກ ​ແລະ​ວ່າ
ນ້ອງ​ຄົງ​ຈະ​ຕັ້ງ​ໃຈ​ສຶກສາ​ແລະ​ຈົບ​ໄວ​ໆ.

ເພງ: "ສຽງ​ແຄນ​ລາວ" ໂດຍ ຕ່າຍ ດອກ​ເກດ

ສ່ວນ​ເພງ​ສຸດ​ທ້າຍ​ນີ້ ​ເປັນ​ຜົນງານ​ເພງ​ຂອງ​ສິນລະປິນ ອາ​ວຸ​ໂສ ທີ່​ມີ​ຜົນງານ​ເພງ​
ຂອງ​ເພິ່ນ​ໄດ້​ຖືກ​ນໍາ​ມາ​ຮ້ອງ​ແລ້ວຮ້ອງ​ອີກ ຫຼາຍໆ​ຮຸ່ນ ຊຶ່ງ​ຜູ້ຟັງ​ເຈົ້າ​ ອິນ​ທະ​ສອນ
ຈາກ​ຫຼວງ​ພະ​ບາງ ຂໍ​ຟັງ​ມາ ​ເພງ​ນີ້​ເອື້​ອຍ ວັນນະສອນ ກໍ​ມັກ​ເປັນ​ພິ​ເສດ ຂໍ​ກ່ອມ​
ທ່ານ​ດ້ວຍ​ສຽງ​ເພງ​ຫວານໆ​ນີ້​ "ອ້າຍ​ອາດ​ມາ​ຊ້າ" ທີ່ຂັບຮ້ອງໂດຍ ວໍຣະເດດ
ດິດທະວົງ
ແລະ​ຂໍໃຫ້ທຸກໆທ່ານ​ນອນ​ຫຼັບ​ຝັນ​ດີ.

ເພງ: "ອ້າຍ​ອາດ​ມາ​ຊ້າ" ໂດຍ ວໍຣະເດດ ດິດທະວົງ

XS
SM
MD
LG