ລິ້ງ ສຳຫລັບເຂົ້າຫາ

ວັນສຸກ, ໐໑ ມີນາ ໒໐໒໔

ນາຍົກລັດຖະມົນຕີ ລາວ ກ່າວຄຳປາໄສ ຢູ່ກອງປະຊຸມ ສະມັດຊາໃຫຍ່ ສະຫະປະຊາຊາດ


ທຸງອົງການສະຫະປະຊາຊາດ ປິວສະບັດຢູ່ຫໍປະຊຸມສະມັດຊາໃຫຍ່ ສະຫະປະຊາຊາດ ໃນນະຄອນ ນິວຢອກ, ສະຫະລັດ ອາເມຣິກາ. 23 ກັນຍາ, 2019.
ທຸງອົງການສະຫະປະຊາຊາດ ປິວສະບັດຢູ່ຫໍປະຊຸມສະມັດຊາໃຫຍ່ ສະຫະປະຊາຊາດ ໃນນະຄອນ ນິວຢອກ, ສະຫະລັດ ອາເມຣິກາ. 23 ກັນຍາ, 2019.

ປະເທດລາວ ໄດ້ຂຶ້ນກ່າວບົດປາໄສສຳລັບການດຳເນີນພາກອະພິປາຍທົ່ວໄປຂອງກອງປະຊຸມສະ ມັດຊາໃຫຍ່ ສະຫະປະຊາຊາດ ສະໄໝທີ 76 ໃນວັນທີ 25 ກັນຍາທີ່ຜ່ານມາ. ໂດຍຄັ້ງນີ້ໃຫ້ກຽດກ່າວບົດປາໄສໂດຍ ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ. ເຊິ່ງທ່ານໄດ້ກ່າວຜ່ານທາງການບັນທຶກວິດີໂອ ຍ້ອນບໍ່ໄດ້ເຂົ້າຮ່ວມກອງປະຊຸມດ້ວຍຕົນເອງເພາະການລະບາດຂອງໄວຣັສ COVID-19 ຢ່າງຮຸນແຮງໃນປັດຈຸບັນນີ້.

ໃນການກ່າວບົດປາໄສຂອງທ່ານນັ້ນ, ທ່ານ ພັນຄຳ ໄດ້ເນັ້ນເຖິງຫຼາຍບັນຫາທີ່ສຳຄັນໂດຍສະ ເພາະແມ່ນການລະບາດຂອງພະຍາດໄວຣັສ COVID-19, ການພະຍາຍາມພັດທະນາປະເທດ ໃຫ້ຫຼຸດພົ້ນຈາກສະຖານະດ້ອຍພັດທະນາ, ການປະກອບສ່ວນໃນການພັດທະນາພາກພື້ນອາຊຽນ ແລະ ການສົ່ງເສີມສັນຕິພາບ, ຄວາມໝັ້ນຄົງ ແລະ ສະພາບອາກາດໃນທົ່ວໂລກ.

ທ່ານ ພັນຄຳ ວິພາວັນໄດ້ຮຽກຮ້ອງໃຫ້ບັນດາປະເທດທີ່ພັດທະນາເພີ່ມຄວາມພະຍາຍາມໃນການຮັບມື ແລະຕອບໂຕ້ຕໍ່ COVID-19, ທີ່ໄດ້ສົ່ງຜົນກະທົບຕໍ່ເສດຖະກິດໃນທົ່ວໂລກ, ໂດຍສະເພາະປະເທດລາວຢ່າງໜັກ, ເຊິ່ງທ່ານໄດ້ກ່າວວ່າ “ຂ້າພະເຈົ້າຂໍຮຽກຮ້ອງໃຫ້ວົງຄະນະຍາດສາກົນ, ລວມທັງບັນດາປະເທດທີ່ມີຄວາມກ້າວໜ້າທາງດ້ານວິທະຍາສາດການແພດ, ນັກຄົ້ນຄວາມວິທະ ຍາສາດໃນໂລກ ເພີ່ມທະວີການສຶກສາຄົ້ນຄວ້າ ເພື່ອວາງມາດຕະການຕອບໂຕ້ຮ່ວມກັນ ເປັນຕົ້ນແມ່ນການຄົ້ນຄວ້າພັດທະນາ ແລະ ຜະລິດຢາວັກຊີນ, ຢາປິ່ນປົວ, ສືບຕໍ່ເພີ່ມທະວີການຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ເພື່ອເອົາຊະນະກັບວິດກິດການດ້ານສຸຂະພາບດັ່ງກ່າວ.”

ທ່ານຍັງໄດ້ຮຽກຮ້ອງຕື່ມໃຫ້ບັນດາປະເທດທີ່ພັດທະນາແລ້ວ ຈົ່ງໃຫ້ຄວາມສຳຄັນໃນການຊ່ວຍ ເຫຼືອປະເທດທີ່ກຳລັງພັດທະນາ ແລະ ດ້ອຍພັດທະນາໃນການແກ້ໄຂຜົນກະທົບຂອງໂຣກລະບາດ COVID-19.

ພວກເຮົາຈະມີລາຍລະອຽດ ກ່ຽວກັບ ບົດປາໄສຂອງປະເທດລາວ ໃນກອງປະຊຸມສະມັດຊາໃຫຍ່ ສະຫະປະຊາຊາດມາສະເໜີທ່ານ ໃນວັນພະຫັດນີ້.

XS
SM
MD
LG