ໃນຄຳປາໄສ ຕໍ່ກອງປະຊຸມສະມັດຊາໃຫຍ່ ອົງການສະຫະ
ປະຊາຊາດ ໃນວັນ ພຸດວານນີ້ ພະນະທ່ານຈູມມະລີ ໄຊຍະສອນ
ປະທານປະເທດ ສປປ ລາວໄດ້ເລີ້ມຕົ້ນ ດ້ວຍການກ່າວຂອບອົກ
ຂອບໃຈ ພະນະທ່ານ Mogens Lykketoft ທີ່ໄດ້ຖືກເລືອກໃຫ້
ເປັນປະທານກອງປະຊຸມສະມັດຊາໃຫຍ່ສະຫະປະຊາຊາດສະ
ໄໝທີ 70 ແລະໄດ້ກ່າວຊົມເຊີຍ ພະນະທ່ານ Sam Kahamba
Kutesa ທີ່ໄດ້ປະຕິບັດໜ້າທີ່ ເປັນປະທານກອງປະຊຸມສະມັດຊາໃຫຍ່ ສະຫະປະຊາຊາດ ສະໄໝທີ 69 ດ້ວຍຄວາມສຳເລັດຜົນເປັນຢ່າງດີ.
ພະນະທ່ານຈູມມະລີກ່າວວ່າ ປີນີ້ແມ່ນຂີດໝາຍຄົບຮອບ 70 ປີ ໃນການສ້າງຕັ້ງ ອົງການ
ສະຫະປະຊາຊາດ ຫລັງຈາກສົງຄາມໂລກຄັ້ງທີສອງ ສິ້ນສຸດລົງ ຊຶ່ງເປົ້າໝາຍຫລັກ ຂອງ
ອົງການຂອງພວກເຮົາແມ່ນເພື່ອສົ່ງເສີມສັນຕິພາບ ຄວາມໝັ້ນຄົງສາກົນ ແລະການຮ່ວມ
ມື ການພັດທະນາແນໃສ່ເຮັດໃຫ້ມວນມະນຸດ ດຳລົງຊີວິດ ຢູ່ດ້ວຍທ່າມກາງສັນຕິພາບ ສະ ຖຽນລະພາບ ແລະເງື່ອນໄຂອຳນວຍຢ່າງຊອບທຳ.
ພະນະທ່ານຈູມມະລີ ກ່າວວ່າ:
ພະນະທ່ານຈູມມະລີ ໄດ້ກ່າວເຖິງຫລາຍໆເລື້ອງ ຮວມທັງວາຣະການພັດທະນາແບບຍືນຍົງ ຂອງສະຫະປະຊາຊາດ ທີ່ຕັ້ງເປົ້າໝາຍໃສ່ ປີ 2030 ຂໍ້ຕົກລົງນິວເຄລຍສາກົນ ກັບອີຣ່ານ ການແກ້ໄຂບັນຫາປາແລສໄຕ ການຟື້ນຟູຄວາມສຳພັນ ລະຫວ່າງສະຫະລັດກັບຄິວບາ ການປ່ຽນແປງຂອງດິນຟ້າອາກາດ ການເຂົ້າກຳຕຳແໜ່ງປະທານວຽນອາຊ່ຽນຂອງ ສປປ ລາວ ຄັ້ງທີສອງ ໂອກາດຄົບຮອບ 40 ປີ ໃນການສ້າງຕັ້ງ ສປປ ລາວ ບັນຫາລະເບີດທີ່ບໍ່ທັນແຕກ ແລະການເຂົ້າເປັນສະມາຊິກສະຫະປະຊາຊາດຄົບຮອບ 60 ປີຂອງລາວ ຕະຫລອດທັງບັນຫາທ້າທາຍອື່ນໆ.
