ທາງການ ຕໍາຫຼວດລາວ ຈັບກຸມ ນັກຄ້າຢາເສບຕິດ ໄດ້ເກືອບ
2,000 ຄົນໃນປີ 2013 ທີ່ຜ່ານມາ ແລະໃນຂະນະດຽວກັນ ກໍ
ຍັງສາມາດ ຍຶດອຸບປະກອນຜະລິດເຮໂຣອີນ ໄດ້ເປັນເທື່ອທໍາ
ອິດໃນລາວອີກດ້ວຍ.
ເຈົ້າໜ້າທີ່ຕໍາຫຼວດໃນໜ່ວຍປາບປາມຢາເສບຕິດ ເປີດເຜີຍວ່າ
ການກວດຄົ້ນສະຖານທີ່ຕ່າງໆ ຊຶ່ງສົງໄສວ່າໄດ້ທໍາການລັກລອບ
ຜະລິດຢາເສບຕິດ ໃນຕະຫຼອດປີ 2013 ທີ່ຜ່ານມານອກຈາກຈະສາມາດຈັບກຸມນັກຄ້າ
ແລະຍຶດຢາເສບຕິດຂອງກາງໄດ້ຢ່າງຫຼວງຫຼາຍແລ້ວກໍຍັງເຮັດໃຫ້ຮັບຮູ້ເປັນເທື່ອທໍາອິດ
ວ່າ ໄດ້ມີການລັກລອບຜະລິດເຮໂຣອີນແລະຢາບ້າຢູ່ໃນລາວແລ້ວ ອີກດ້ວຍ.
ທັງນີ້ໂດຍໜ່ວຍປາບປາມຢາເສບຕິດ ໄດ້ກວດພົບອຸບປະກອນຜະລິດເຮໂຣອີນ ແລະ
ເຄື່ອງອັດເມັດຢາບ້າຈໍານວນຫຼາຍເຄຶ່ອງ ທີ່ສາມາດເຄື່ອນຍ້າຍເພື່ອຫຼົບໜີການຈັບກຸມໄດ້
ຢ່າງສະດວກ ແລະເປັນເທັກໂນໂລຈີ່ສະໄໝໃໝ່ ທີ່ຖືກນໍາມາໃຊ້ໃນ ການຜະລິດເຮໂຣອີນ
ແລະຢາບ້າ ໂດຍອຸບປະກອນ ດັ່ງກ່າວມີຂະໜາດພໍດີ ທີ່ສາມາດເຄື່ອນຍ້າຍແລະຊຸກເຊຶ່ອງ
ໄວ້ໃນລົດຕູ້ໄດ້ນັ້ນເອງ.
ຍິ່ງໄປກວ່ານັ້ນ ໜ່ວຍປາບປາມຢາເສບຕິດຂອງລາວ ກໍຍັງສາມາດຈັບກຸມນັກຄ້າຢາເສບ
ຕິດໄດ້ 1,971 ຄົນ ພ້ອມກັບຍຶດເຮໂຣອີນໄດ້ 165 ກິໂລ ຢາບ້າ 15 ລ້ານກວ່າເມັດ ກັນຊາ
ແຫ້ງກວ່າ 5 ໂຕນ ຝິ່ນ 89 ກິໂລ, ຢາໄອ້ຊ໌ 27 ກິໂລ ໂຄເຄນກວ່າ 10 ກິໂລ ສານເຄມີທີ່
ໃຊ້ໃນການຜະລິດຢາບ້າ ແລະເຮໂຣອີນ 122 ກິໂລ ເຄຶ່ອງຈັກແລະອຸບປະກອນທີ່ໃຊ້ໃນ
ການຜະລິດຢາເສບຕິດ 4 ໜ່ວຍ ແລະອາວຸດສົງຄາມ ຫຼາຍກວ່າ 100 ລາຍການ ພ້ອມກັບ
ລູກປືນອີກ 2,000 ກວ່ານັດ.
ນອກຈາກນັ້ນ ກໍຍັງສາມາດ ຍຶດລົດຍົນໄດ້ 72 ຄັນ ພ້ອມດ້ວຍເງິນສົດ ຫຼາຍກວ່າ 365
ລ້ານກີບ, 36 ລ້ານບາດ, 4 ລ້ານໂດລ່າ, 1,000 ລ້ານດົງ ແລະ 5 ແສນກວ່າຢວນ ຊຶ່ງກໍ
ເຮັດໃຫ້ທາງການລາວເຊື່ອວ່າ ຜູ້ຕ້ອງຫາທີ່ຈັບໄດ້ດັ່ງກ່າວ ກໍຄືສະມາຊິກຂອງຂະບວນ
ການຄ້າຢາເສບຕິດຂ້າມຊາດນັ້ນເອງ.
ກ່ອນໜ້ານີ້ ຄະນະກໍາມະການຄວບຄຸມ ແລະກວດກາຢາເສບຕິດແຫ່ງຊາດລາວ ກໍໄດ້ລາຍ
ງານວ່າ ເຂດຊາຍແດນທາງບົກ ລະຫວ່າງລາວກັບຫວຽດນາມ ໄດ້ຖືກຂະບວນການຄ້າຢາ
ເສບຕິດຂ້າມຊາດ ສວຍໃຊ້ເປັນເສັ້ນທາງລັກລອບຂົນສົ່ງຢາເສບຕິດ ຈາກເຂດສາມຫຼ່ຽມ
ຄໍາໄປຕ່າງປະເທດຫຼາຍຂຶ້ນນັບມື້ ໂດຍເສັ້ນທາງທີ່ແກ໊ງຄ້າຢາເສບຕິດນໍາໃຊ້ຫຼາຍທີ່ສຸດ
ໃນລາວ ກໍຄືຖະໜົນເລກ 13 ຈາກພາກເໜືອ ຕໍ່ມາຍັງຖະໜົນເລກ 9 ໃນແຂວງສະຫວັນ
ນະເຂດ ຕໍ່ໄປຍັງຫວຽດນາມ ແລະປະເທດທີ່ 3 ຕາມລໍາດັບ.
ໂຮງຮຽນ ແຫ່ງນຶ່ງ ໃນລາວ ທີ່ດໍາເນີນໂຄງການປອດຢາເສບຕິດ
ຍິ່ງໄປກວ່ານັ້ນ ການທີ່ຂະບວນການ ຄ້າຢາເສບຕິດຂ້າມຊາດ
ໄດ້ຫັນມາໃຊ້ເຂດແດນລາວ ເປັນເສັ້ນທາງໃນການລັກລອບຂົນ
ສົ່ງຢາເສບຕິດ ຈາກເຂດສາມຫຼ່ຽມຄໍາໄປຍັງປະເທດທີ່ 3 ຫຼາຍ
ຂຶ້ນດັ່ງກ່າວນີ້ ຍັງເປັນປັດໄຈສໍາຄັນ ທີ່ຊຸກຍູ້ໃຫ້ເຍົາວະຊົນລາວ
ພາກັນຫັນໄປຊົມໃຊ້ ຢາເສບຕິດເພີ່ມຂຶ້ນນັບມື້ອີກດ້ວຍ ໂດຍ
ສະເພາະແມ່ນການເສບຢາບ້າ ໃນກຸ່ມນັກຮຽນ-ນັກສຶກສານັ້ນ
ຖືເປັນບັນຫາທີ່ໜ້າເປັນຫ່ວງທີ່ສຸດ.
ໂດຍເຖິງແມ່ນວ່າ ກະຊວງສຶກສາທິການແລະກິລາ ຈະໄດ້
ພະຍາຍາມແກ້ໄຂບັນຫາດັ່ງກ່າວແລ້ວກໍຕາມ ແຕ່ກໍຍັງບໍ່ສາມາດເຮັດໃຫ້ສະພາບການດີ
ຂຶ້ນໄດ້ເລີຍ ດັ່ງທີ່ນາຍຄູທ່ານນຶ່ງ ໄດ້ຢືນຢັນວ່າ:
“ພວກຂ້າພະເຈົ້າກະພະຍາຍາມແກ້ ຕັ້ງແຕ່ຮອດສະຖານທີ່ຫຼິ້ນທ່ຽວ ນອກຈາກນັ້ນ
ກໍກວດກາຈຸດເດັກນ້ອຍມັກເຂົ້າໄປຫຼິ້ນ ຈັດແບ່ງເດັກນ້ອຍພວກນີ້ໃຫ້ມັນໄດ້ ໃນລະ
ດັບໃດຫຼ່ະ ຄວນສຶກສາອົບລົມສໍ່າໃດ ໃນລະດັບໃດຄວນຮຽກເຊີນພໍ່ແມ່ຜູ້ປົກຄອງ
ມາເວົ້າມາວ່າມາຕັກມາເຕືອນ ຕາມນະໂຍບາຍທີ່ວ່າ ສັງຄົມ ຄອບຄົວ ໂຮງຮຽນ
ຊ່ວຍກັນອົບລົມ.”
ຄະນະກໍາມະການຄວບຄຸມແລະກວດກາຢາເສບຕິດແຫ່ງຊາດ ໄດ້ດໍາເນີນການສຸ່ມກວດ
ນໍ້າປັດສາວະ ຂອງນັກຮຽນ-ນັກສຶກສາ ໂດຍບໍ່ໄດ້ແຈ້ງລ່ວງໜ້າ ຢູ່ໃນເຂດ 145 ເມືອງໃນ
ທ້າຍປີ 2012 ຊຶ່ງພົບວ່າ ມີນັກຮຽນ-ນັກສຶກສາຫຼາຍກວ່າ 6 ໝື່ນຄົນ ທີ່ໃຊ້ຢາເສບຕິດ
ໂດຍເພີ່ມຂຶ້ນຈາກປີ 2011 ຫຼາຍກວ່າ 1 ໝື່ນຄົນ ຈຶ່ງເຊື່ອວ່າ ມີນັກຮຽນ-ນັກສຶກສາລາວ
ຫຼາຍກວ່າ 8 ໝື່ນຄົນ ທີ່ຊົມໃຊ້ຢາເສບຕິດໃນທຸກມື້ນີ້.
2,000 ຄົນໃນປີ 2013 ທີ່ຜ່ານມາ ແລະໃນຂະນະດຽວກັນ ກໍ
ຍັງສາມາດ ຍຶດອຸບປະກອນຜະລິດເຮໂຣອີນ ໄດ້ເປັນເທື່ອທໍາ
ອິດໃນລາວອີກດ້ວຍ.
ເຈົ້າໜ້າທີ່ຕໍາຫຼວດໃນໜ່ວຍປາບປາມຢາເສບຕິດ ເປີດເຜີຍວ່າ
ການກວດຄົ້ນສະຖານທີ່ຕ່າງໆ ຊຶ່ງສົງໄສວ່າໄດ້ທໍາການລັກລອບ
ຜະລິດຢາເສບຕິດ ໃນຕະຫຼອດປີ 2013 ທີ່ຜ່ານມານອກຈາກຈະສາມາດຈັບກຸມນັກຄ້າ
ແລະຍຶດຢາເສບຕິດຂອງກາງໄດ້ຢ່າງຫຼວງຫຼາຍແລ້ວກໍຍັງເຮັດໃຫ້ຮັບຮູ້ເປັນເທື່ອທໍາອິດ
ວ່າ ໄດ້ມີການລັກລອບຜະລິດເຮໂຣອີນແລະຢາບ້າຢູ່ໃນລາວແລ້ວ ອີກດ້ວຍ.
ທັງນີ້ໂດຍໜ່ວຍປາບປາມຢາເສບຕິດ ໄດ້ກວດພົບອຸບປະກອນຜະລິດເຮໂຣອີນ ແລະ
ເຄື່ອງອັດເມັດຢາບ້າຈໍານວນຫຼາຍເຄຶ່ອງ ທີ່ສາມາດເຄື່ອນຍ້າຍເພື່ອຫຼົບໜີການຈັບກຸມໄດ້
ຢ່າງສະດວກ ແລະເປັນເທັກໂນໂລຈີ່ສະໄໝໃໝ່ ທີ່ຖືກນໍາມາໃຊ້ໃນ ການຜະລິດເຮໂຣອີນ
ແລະຢາບ້າ ໂດຍອຸບປະກອນ ດັ່ງກ່າວມີຂະໜາດພໍດີ ທີ່ສາມາດເຄື່ອນຍ້າຍແລະຊຸກເຊຶ່ອງ
ໄວ້ໃນລົດຕູ້ໄດ້ນັ້ນເອງ.
ຍິ່ງໄປກວ່ານັ້ນ ໜ່ວຍປາບປາມຢາເສບຕິດຂອງລາວ ກໍຍັງສາມາດຈັບກຸມນັກຄ້າຢາເສບ
ຕິດໄດ້ 1,971 ຄົນ ພ້ອມກັບຍຶດເຮໂຣອີນໄດ້ 165 ກິໂລ ຢາບ້າ 15 ລ້ານກວ່າເມັດ ກັນຊາ
ແຫ້ງກວ່າ 5 ໂຕນ ຝິ່ນ 89 ກິໂລ, ຢາໄອ້ຊ໌ 27 ກິໂລ ໂຄເຄນກວ່າ 10 ກິໂລ ສານເຄມີທີ່
ໃຊ້ໃນການຜະລິດຢາບ້າ ແລະເຮໂຣອີນ 122 ກິໂລ ເຄຶ່ອງຈັກແລະອຸບປະກອນທີ່ໃຊ້ໃນ
ການຜະລິດຢາເສບຕິດ 4 ໜ່ວຍ ແລະອາວຸດສົງຄາມ ຫຼາຍກວ່າ 100 ລາຍການ ພ້ອມກັບ
ລູກປືນອີກ 2,000 ກວ່ານັດ.
ນອກຈາກນັ້ນ ກໍຍັງສາມາດ ຍຶດລົດຍົນໄດ້ 72 ຄັນ ພ້ອມດ້ວຍເງິນສົດ ຫຼາຍກວ່າ 365
ລ້ານກີບ, 36 ລ້ານບາດ, 4 ລ້ານໂດລ່າ, 1,000 ລ້ານດົງ ແລະ 5 ແສນກວ່າຢວນ ຊຶ່ງກໍ
ເຮັດໃຫ້ທາງການລາວເຊື່ອວ່າ ຜູ້ຕ້ອງຫາທີ່ຈັບໄດ້ດັ່ງກ່າວ ກໍຄືສະມາຊິກຂອງຂະບວນ
ການຄ້າຢາເສບຕິດຂ້າມຊາດນັ້ນເອງ.
ກ່ອນໜ້ານີ້ ຄະນະກໍາມະການຄວບຄຸມ ແລະກວດກາຢາເສບຕິດແຫ່ງຊາດລາວ ກໍໄດ້ລາຍ
ງານວ່າ ເຂດຊາຍແດນທາງບົກ ລະຫວ່າງລາວກັບຫວຽດນາມ ໄດ້ຖືກຂະບວນການຄ້າຢາ
ເສບຕິດຂ້າມຊາດ ສວຍໃຊ້ເປັນເສັ້ນທາງລັກລອບຂົນສົ່ງຢາເສບຕິດ ຈາກເຂດສາມຫຼ່ຽມ
ຄໍາໄປຕ່າງປະເທດຫຼາຍຂຶ້ນນັບມື້ ໂດຍເສັ້ນທາງທີ່ແກ໊ງຄ້າຢາເສບຕິດນໍາໃຊ້ຫຼາຍທີ່ສຸດ
ໃນລາວ ກໍຄືຖະໜົນເລກ 13 ຈາກພາກເໜືອ ຕໍ່ມາຍັງຖະໜົນເລກ 9 ໃນແຂວງສະຫວັນ
ນະເຂດ ຕໍ່ໄປຍັງຫວຽດນາມ ແລະປະເທດທີ່ 3 ຕາມລໍາດັບ.
ຍິ່ງໄປກວ່ານັ້ນ ການທີ່ຂະບວນການ ຄ້າຢາເສບຕິດຂ້າມຊາດ
ໄດ້ຫັນມາໃຊ້ເຂດແດນລາວ ເປັນເສັ້ນທາງໃນການລັກລອບຂົນ
ສົ່ງຢາເສບຕິດ ຈາກເຂດສາມຫຼ່ຽມຄໍາໄປຍັງປະເທດທີ່ 3 ຫຼາຍ
ຂຶ້ນດັ່ງກ່າວນີ້ ຍັງເປັນປັດໄຈສໍາຄັນ ທີ່ຊຸກຍູ້ໃຫ້ເຍົາວະຊົນລາວ
ພາກັນຫັນໄປຊົມໃຊ້ ຢາເສບຕິດເພີ່ມຂຶ້ນນັບມື້ອີກດ້ວຍ ໂດຍ
ສະເພາະແມ່ນການເສບຢາບ້າ ໃນກຸ່ມນັກຮຽນ-ນັກສຶກສານັ້ນ
ຖືເປັນບັນຫາທີ່ໜ້າເປັນຫ່ວງທີ່ສຸດ.
ໂດຍເຖິງແມ່ນວ່າ ກະຊວງສຶກສາທິການແລະກິລາ ຈະໄດ້
ພະຍາຍາມແກ້ໄຂບັນຫາດັ່ງກ່າວແລ້ວກໍຕາມ ແຕ່ກໍຍັງບໍ່ສາມາດເຮັດໃຫ້ສະພາບການດີ
ຂຶ້ນໄດ້ເລີຍ ດັ່ງທີ່ນາຍຄູທ່ານນຶ່ງ ໄດ້ຢືນຢັນວ່າ:
“ພວກຂ້າພະເຈົ້າກະພະຍາຍາມແກ້ ຕັ້ງແຕ່ຮອດສະຖານທີ່ຫຼິ້ນທ່ຽວ ນອກຈາກນັ້ນ
ກໍກວດກາຈຸດເດັກນ້ອຍມັກເຂົ້າໄປຫຼິ້ນ ຈັດແບ່ງເດັກນ້ອຍພວກນີ້ໃຫ້ມັນໄດ້ ໃນລະ
ດັບໃດຫຼ່ະ ຄວນສຶກສາອົບລົມສໍ່າໃດ ໃນລະດັບໃດຄວນຮຽກເຊີນພໍ່ແມ່ຜູ້ປົກຄອງ
ມາເວົ້າມາວ່າມາຕັກມາເຕືອນ ຕາມນະໂຍບາຍທີ່ວ່າ ສັງຄົມ ຄອບຄົວ ໂຮງຮຽນ
ຊ່ວຍກັນອົບລົມ.”
ຄະນະກໍາມະການຄວບຄຸມແລະກວດກາຢາເສບຕິດແຫ່ງຊາດ ໄດ້ດໍາເນີນການສຸ່ມກວດ
ນໍ້າປັດສາວະ ຂອງນັກຮຽນ-ນັກສຶກສາ ໂດຍບໍ່ໄດ້ແຈ້ງລ່ວງໜ້າ ຢູ່ໃນເຂດ 145 ເມືອງໃນ
ທ້າຍປີ 2012 ຊຶ່ງພົບວ່າ ມີນັກຮຽນ-ນັກສຶກສາຫຼາຍກວ່າ 6 ໝື່ນຄົນ ທີ່ໃຊ້ຢາເສບຕິດ
ໂດຍເພີ່ມຂຶ້ນຈາກປີ 2011 ຫຼາຍກວ່າ 1 ໝື່ນຄົນ ຈຶ່ງເຊື່ອວ່າ ມີນັກຮຽນ-ນັກສຶກສາລາວ
ຫຼາຍກວ່າ 8 ໝື່ນຄົນ ທີ່ຊົມໃຊ້ຢາເສບຕິດໃນທຸກມື້ນີ້.
