ທ່ານນາງ ບຸນເພງ ມູນໂພໄຊ ລັດຖະມົນຕີ ປະຈໍາສໍານັກງານນາຍົກລັດຖະມົນຕີ ແລະໂຄສົກລັດຖະບານລາວໄດ້ຖະແຫລງຢືນຢັນວ່າ ທ່ານ ທອງສິງ ທໍາມະວົງ
ນາຍົກລັດຖະມົນຕີລາວ ໄດ້ມີຄໍາສັ່ງໃນໂອກາດກອງປະຊຸມຄະນະລັດຖະບານປະ
ຈໍາເດືອນກຸມພານີ້ ເພື່ອຂໍໃຫ້ໜ່ວຍງານຂອງລັດຖະບານ ແລະຂັ້ນແຂວງ ໃນທົ່ວປະ
ເທດ ຮ່ວມມືກັນເຂົ້າໃນການກວດລ້າງ ປະກົດການຫຍໍ້ທໍ້ ແລະບັນຫາສັງຄົມ ແລະ
ບັນຫາໄພສັງຄົມ ໃນທຸກຮູບແບບຢ່າງເຂັ້ມງວດ.
ໃນການເນີນມາດຕະການ
ດັ່ງກ່າວນີ້ ທ່ານ ທອງສິງ
ໄດ້ເນັ້ນຢໍ້າວ່າ ທຸກພາກ
ສ່ວນຈະຕ້ອງເລີ້ມປະຕິບັດ
ຕົວຈິງ ນັບແຕ່ເດືອນມີນາ
ເປັນຕົ້ນໄປ ເພື່ອເຮັດໃຫ້
ສາມາດຮັບປະກັນໄດ້ຢ່າງ
ຄົບຖ້ວນ 100% ເຕັມວ່າ
ຈະບໍ່ມີປາກົດການຫຍໍ້ທໍ້
ແລະບັນຫາໄພສັງຄົມເກີດ
ຂຶ້ນໃນໂອກາດທີ່ລັດຖະບານ
ລາວ ຈະເປັນເຈົ້າພາບຈັດ
ກອງປະຊຸມສຸດຍອດລັດຖະບານອາຊຽນ-ຢູໂຣບຄັ້ງທີ 9 ຊຶ່ງກໍານົດຈະມີຂຶ້ນ ຢ່າງເປັນ
ທາງການໃນລະຫວ່າງ ວັນທີ 5-6 ພະຈິກປີນີ້ ຢູ່ນະຄອນວຽງຈັນ ດັ່ງທີ່ທ່ານນາງບຸນເພງ ໄດ້ຖະແຫລງຢືນຢັນວ່າ:
“ທ່ານນາຍົກລັດຖະມົນຕີຍັງໄດ້ເນັ້ນໜັກໃຫ້ຕັ້ງໜ້າແກ້ໄຂບັນຫາປາກົດການຫຍໍ້ທໍ້ ໃນສັງຄົມໃນຕົວເມືອງໃຫຍ່ຕ່າງໆ ໂດຍເພີ້ມທະວີການຊີ້ນໍາບັນຊາການ ແລະນໍາເອົາກໍາລັງລົງແກ້ໄຂຕົວຈິງ ເປັນຕົ້ນແມ່ນບັນຫາ ຢາເສບຕິດ ການປຸ້ນຈີ້ ຊິງຊັບ ສະຖານມົ້ວສຸມຕ່າງໆ ເພື່ອສ້າງສະພາບແວດລ້ອມ ອັນເອື້ອອໍານວຍ ໃຫ້ແກ່ການເປັນເຈົ້າພາບຈັດກອງປະຊຸມສຸດຍອດ ASEM ທີ່ຈະມາເຖິງນີ້.”
ກ່ອນໜ້ານີ້ ເຈົ້າໜ້າທີ່ຕໍາຫຼວດໃນຄະນະກໍາມະການກວດກາ ແລະຄວບຄຸມຢາເສບຕິດ
ແຫ່ງຊາດລາວ ຍອມຮັບວ່າການລັກລອບຂົນສົ່ງ ແລະການຄ້າຢາເສບຕິດໃນລາວ ໄດ້
ກາຍເປັນບັນຫາທີ່ມີລະດັບຄວາມຮຸນແຮງເພີ່ມຫຼາຍຂຶ້ນນັບມື້. ເນື່ອງຈາກວ່າບັນດາກຸ່ມ
ແກ້ງຄ້າຢາເສບຕິດໃນລາວ ບໍ່ພຽງແຕ່ຈະຂະຫຍາຍພື້ນທີ່ການຄ້າຢາເສບຕິດຂອງພວກ
ຕົນຈາກເຂດຕົວເມືອງ ໄປຍັງເຂດຊົນນະບົດຂອງລາວເທົ່ານັ້ນ ຫາກແຕ່ຍັງປະກົດວ່າກຸ່ມ
ແກ້ງຄ້າຢາເສບຕິດໄດ້ເພີ່ມປະລິມານຢາເສບຕິດ ທັງທີ່ລັກລອບຂົນສົ່ງເພື່ອຂາຍພາຍໃນ
ລາວ ແລະທີ່ສົ່ງອອກໄປຕ່າງປະເທດອີກດ້ວຍ.
ຕົວຢ່າງກໍຄື ກໍລະນີທີ່ທາງການລາວສາມາດຈັບກຸມຜູ້ຕ້ອງຫາໄດ້ 4 ຄົນ ໃນຂະນະທີ່ ກໍາລັງລັກລອບຂົນສົ່ງຢາບ້ານໍ້າໜັກລວມກວ່າ 2 ໂຕນຂ້າມນໍ້າຂອງໄປຕ່າງປະເທດ
ເມື່ອກາງປີ 2010 ຊຶ່ງກໍນັບເປັນການລັກລອບຂົນສົ່ງຢາເສບຕິດທີ່ມີປະລິມານຫຼາຍທີ່
ສຸດ ທີ່ທາງການລາວສາມາດຈັບກຸມໄດ້ອີກດ້ວຍ ແລະເຖິງແມ່ນວ່າຜູ້ຕ້ອງຫາທັງ 4 ດັ່ງກ່າວຈະຖືກສານປະຊາຊົນລາວໃນນະຄອນຫຼວງວຽງຈັນຕັດສິນປະຫານຊີວິດໄປ
ແລ້ວກໍຕາມ ຫາກແຕ່ວ່າຄະດີຄວາມກໍຍັງບໍ່ເຖິງທີ່ສຸດແຕ່ຢ່າງໃດ ເນື່ອງຈາກຜູ້ຕ້ອງຫາ ໄດ້ຍື່ນຄັດຄ້ານການຕັດສິນດັ່ງກ່າວ ຕໍ່ສານອຸທອນຢ່າງເປັນທາງການແລ້ວນັ້ນເອງ.
ການຍອມຮັບດັ່ງກ່າວນີ້ຂອງເຈົ້າໜ້າທີ່
ຕໍາຫຼວດລາວຍັງຖືວ່າສອດຄ່ອງກັນ
ກັບການລາຍງານຂອງທ່ານ Leik
Boonwaat ຜູ້ຕາງໜ້າຂອງອົງການ
ຄວບຄຸມຢາເສບຕິດ ແລະອາດຊະຍາ
ກໍາແຫ່ງສະຫະປະຊາຊາດ (UNODC)
ປະຈໍາປະເທດລາວ ຊຶ່ງໄດ້ລະບຸວ່າ ທາງ
ການລາວສາມາດຈັບກຸມ ແລະຍຶດຢາ
ເສບຕິດໄດ້ຫຼາຍຂຶ້ນຢ່າງຕໍ່ເນື່ອງ ໃນ
ຕະຫຼອດໄລຍະ 3 ປີ ທີ່ຜ່ານມາ ໂດຍ
ຈະເຫັນໄດ້ຈາກການຍຶດເຮໂຣອິນໄດ້ເພີ່ມຂຶ້ນຈາກ 17.5 ກິໂລກຼາມໃນປີ 2008 ເປັນ
84.34 ກິໂລກຼາມໃນປີ 2010 ຫຼືເພີ່ມຂຶ້ນເກືອບ 4 ເທົ່າ.
ສ່ວນຢາບ້ານັ້ນກໍຖືເປັນຢາເສບຕິດທີ່ເພີ່ມຂຶ້ນໄວທີ່ສຸດເມື່ອປະກົດວ່າໃນໄລຍະ 3 ປີທີ່
ຜ່ານມານີ້ ທາງການລາວສາມາດຍຶດຢາບ້າໄດ້ເພີ່ມຂຶ້ນຈາກ 1.23 ລ້ານເມັດໃນປີ 2008
ເປັນຫຼາຍກວ່າ 24.5 ລ້ານເມັດໃນປີ 2010 ຫຼືເພີ່ມຂຶ້ນຫຼາຍກວ່າ 18 ເທົ່າ.
ທາງດ້ານກະຊວງຍຸດຕິທໍາຂອງລາວກໍລາຍງານວ່າໃນໄລຍະ 6 ເດືອນຂອງແຜນການປະ
ຈໍາປີ 2011-2012 ນີ້ ສານປະຊາຊົນລາວໃນທົ່ວປະເທດ ໄດ້ມີຄໍາຕັດສິນຄະດີອາຊະຍາ
ກໍາຕ່າງໆ ໄປແລ້ວຈໍານວນທັ້ງໝົດ 9,893 ກໍລະນີ.
