ກ້ອຟ ເປັນກິລາເກົ່າແກ່ຊະນິດນຶ່ງ ທີ່ເລີ້ມຂຶ້ນຢູ່ໃນສັດຕະວັດ ທີ່
15 ໃນສະກອ໊ດແລນ. ແຕ່ວ່າມັນບໍ່ໄດ້ເລີ້ມເປັນທີ່ນິຍົມຈົນກວ່າ
ຕອນທ້າຍຂອງສັດຕະວັດທີ່ 19 ຢູ່ທີ່ປະເທດອັງກິດ. ຫລັງຈາກ
ນັ້ນຈຶ່ງຖືກແຜ່ຜາຍຂະຫຍາຍອອກໄປທົ່ວໂລກ. ລັກສະນະສະ
ເພາະຂອງການຕີກ້ອຟນັ້ນ ກໍຄືມັນເປັນກິລາທີ່ ຫລີ້ນຜູ້ດຽວຊ່ວຍ
ຕົນເອງ ຕ້ອງຕັ້ງສະມາທິ ເພື່ອຕີລູກກ້ອຟ ໃຫ້ໄປເຖິງຂຸມເປົ້າໝາຍ.
ໃນຕອນຕົ້ນຂອງປະວັດສາດນັ້ນ ກ້ອຟຖືວ່າ ເປັນກິລາຂອງພວກ
ຂຸນນາງເທົ່ານັ້ນ. ໃນລະຍະບໍ່ເທົ່າໃດປີທີ່ຜ່ານມານີ້ ເປັນທີ່ສັງ
ເກດໃຫ້ເຫັນວ່າ ຢູ່ໃນ ສປປ ລາວ ໄດ້ມີການສ້າງເດີ່ນຕີກ້ອຟ
ຫລາຍຂື້ນ ເພື່ອເປັນບ່ອນພັກຜ່ອນຢ່ອນອາຣົມ ໃຫ້ ແກ່ບັນດາ
ນັກທ່ອງທ່ຽວແລະຕ້ອນຮັບແຂກຕ່າງປະເທດ. ພ້ອມໆດຽວກັນນີ້
ປະຊາກອນລາວ ຢູ່ໃນຍຸກສະໄໝໃໝ່ນີ້ ບໍ່ວ່າແຕ່ຢູ່ໃນເມືອງລາວ ແລະຢູ່ທົ່ວໂລກຕ່າງກໍພາກັນເລີ້ມນິຍົມ ຫລີ້ນກິລາຕີກ້ອຟນີ້ຫລາຍຂື້ນ.
ໃນ ວັນທີ 11 ຫາວັນທີ 26 ເດືອນພະຈິກນີ້ ຢູ່ທີ່ ສປປລາວ ຈະມີການແຂ່ງຂັນ ກິລາຕີ
ກ້ອຟ ມິດຕະພາບ ລະຫວ່່າງ ປະຊາຄົມລາວ-ອາເມຣິກັນ ແລະປະຊາຄົມລາວ ທີ່ ສປປ ລາວ. ນັກຕີກ້ອຟ ເຊື້ອສາຍລາວ ຈາກ ອາເມຣິກາ ການາດາ ແລະ ຝຣັ່ງ ປະມານ 50 ຄົນ ພ້ອມດ້ວຍ ສະມາຊິກ ຄອບຄົວ ຮ່ວມທັງໝົດຮ້ອຍກວ່າຄົນ ຈະເລີ້ມອອກເດີນທາງ
ຈາກ Washington D.C. ລັດ Virginia, Maryland, North Carolina, Connecticut, Georgia, Minnesota, Colorado, Arkansas, ກັບປະ ເທດ Canada ແລະ France ໄປຍັງ ສປປ ລາວ ເພື່ອເຂົ້າຮ່ວມແຂ່ງຂັນ ຕີກ້ອຟມິດຕະພາບ.
ການແຂ່ງຂັນຕີກ້ອຟ ມິດຕະພາບ ດັ່ງກ່າວນີ້ ເປັນຄັ້ງແລກໃນປະຫວັດສາດ ໂດຍການປະສານງານຈາກ ສະຖານເອກອັກຄະລັດຖະທູດ ສປປລາວ ທີ່ ນະຄອນ ຫລວງ ວໍຊິງຕັນ ດີ.ຊີ. ເພື່ອສ້າງໂອກາດໃຫ້ແກ່ບັນດາຊາວລາວ ທີ່ຢູ່ຕ່າງປະເທດ ມີໂອກາດເດີນທາງ ກັບຄືນໄປ ຢ້ຽມຢາມບ້ານເກີດເມືອງນອນ.
ການແຂ່ງຂັນຈະໄດ້ຈັດຂື້ນທີ່ ເດີ່ນຕີກ້ອຟ ທີ່ແຂວງວຽງຈັນ ຫລວງພຣະບາງ ແລະຈໍາປາສັກ. ຮວມຢູ່ໃນລາຍການນັ້ນ ບັນດານັກຕີກ້ອຟ ຈາກຕ່າງປະເທດ ຈະມີໂອກາດໄປຢ້ຽມ
ຢາມ 5 ແຂວງ ອັນມີ ວຽງຈັນ ຫລວງພະບາງ ຄໍາມ່ວນ ສະຫວັນນະເຂດ ແລະຈໍາປາສັກ.
ຮ່ວມຢູ່ໃນຄະນະຕີກ້ອຟຊຸດນີ້ ມີຫລາຍໆທ່ານ ເຄີຍໄດ້ໄປຢ້ຽມຢາມເມືອງລາວມາກ່ອນແລ້ວ ໂດຍສະເພາະ ທ່ານ Sam ສັງບົວສີ ຫົວໜ້ານໍາພາຄະນະ ຈາກເຂດ ວໍຊິງຕັນ ດີ.ຊີ ທີ່ໄດ້ໃຫ້ສໍາພາດ ແກ່ວີໂອເອ ກ່ຽວກັບການເດີນທາງໃນຄັ້ງນີ້ວ່າ:
ນອກນັ້ນ ກໍຍັງມີຫລາຍໆທ່ານ ທີ່ຍັງບໍ່ເຄີຍກັບໄປຢ້ຽມຢາມເມືອງລາວຈັກເທື່ອ ນັບຕັ້ງແຕ່ເຂົາເຈົ້າໄດ້ເຂົ້າມາຕັ້ງຖິ່ນຖານໃໝ່ ຢູ່ໃນສະຫະລັດ ອາເມຣິກາ ເມື່ອຫລາຍສິບປີກ່ອນ. ຜູ້ນຶ່ງໃນນັ້ນ ກໍຄືທ່ານ ເພັດ (Ong) ມູນຂະຕິ ທີ່ບໍ່ເຄີຍໄດ້ກັບຄືນເມືອຢ້ຽມຢາມເມືອງລາວຈັກເທື່ອ ທ່ານໄດ້ກ່າວຕໍ່ ວີໂອເອ ວ່າ:
ທ່ານ Tony Ngamsanith ກໍແມ່ນອີກທ່ານນຶ່ງທີ່ເດີນທາງມາຢູ່ ສະຫະລັດ ກັບຄອບຄົວ ຕັ້ງແຕ່ອາຍຸ 14 ປີ ແລະບໍ່ມີໂອກາດໄດ້ເດີນທາງໄປຢ້ຽມຢາມເມືອງລາວ. ທ່ານກ່່າວຕໍ່ ວີໂອເອ ວ່າ:
ຫລັງຈາກການແຂ່ງຂັນສີ້ນສຸດລົງແລ້ວ ບັນດານັກຕີກ້ອຟ ແລະຄອບຄົວ ຈະຖື ໂອກາດດຽວກັນນີ້ທ່ອງທ່ຽວ ບຸນພະທາດຫລວງປະຈໍາປີ ທີ່ ນະຄອນຫລວງ ວຽງຈັນ ແລະຫລັງຈາກນັ້ນ ກໍຈະໄດ້ກັບຄືນສູ່ ສະຫະລັດອາເມຣິກາ.
15 ໃນສະກອ໊ດແລນ. ແຕ່ວ່າມັນບໍ່ໄດ້ເລີ້ມເປັນທີ່ນິຍົມຈົນກວ່າ
ຕອນທ້າຍຂອງສັດຕະວັດທີ່ 19 ຢູ່ທີ່ປະເທດອັງກິດ. ຫລັງຈາກ
ນັ້ນຈຶ່ງຖືກແຜ່ຜາຍຂະຫຍາຍອອກໄປທົ່ວໂລກ. ລັກສະນະສະ
ເພາະຂອງການຕີກ້ອຟນັ້ນ ກໍຄືມັນເປັນກິລາທີ່ ຫລີ້ນຜູ້ດຽວຊ່ວຍ
ຕົນເອງ ຕ້ອງຕັ້ງສະມາທິ ເພື່ອຕີລູກກ້ອຟ ໃຫ້ໄປເຖິງຂຸມເປົ້າໝາຍ.
ໃນຕອນຕົ້ນຂອງປະວັດສາດນັ້ນ ກ້ອຟຖືວ່າ ເປັນກິລາຂອງພວກ
ຂຸນນາງເທົ່ານັ້ນ. ໃນລະຍະບໍ່ເທົ່າໃດປີທີ່ຜ່ານມານີ້ ເປັນທີ່ສັງ
ເກດໃຫ້ເຫັນວ່າ ຢູ່ໃນ ສປປ ລາວ ໄດ້ມີການສ້າງເດີ່ນຕີກ້ອຟ
ຫລາຍຂື້ນ ເພື່ອເປັນບ່ອນພັກຜ່ອນຢ່ອນອາຣົມ ໃຫ້ ແກ່ບັນດາ
ນັກທ່ອງທ່ຽວແລະຕ້ອນຮັບແຂກຕ່າງປະເທດ. ພ້ອມໆດຽວກັນນີ້
ປະຊາກອນລາວ ຢູ່ໃນຍຸກສະໄໝໃໝ່ນີ້ ບໍ່ວ່າແຕ່ຢູ່ໃນເມືອງລາວ ແລະຢູ່ທົ່ວໂລກຕ່າງກໍພາກັນເລີ້ມນິຍົມ ຫລີ້ນກິລາຕີກ້ອຟນີ້ຫລາຍຂື້ນ.
ໃນ ວັນທີ 11 ຫາວັນທີ 26 ເດືອນພະຈິກນີ້ ຢູ່ທີ່ ສປປລາວ ຈະມີການແຂ່ງຂັນ ກິລາຕີ
ກ້ອຟ ມິດຕະພາບ ລະຫວ່່າງ ປະຊາຄົມລາວ-ອາເມຣິກັນ ແລະປະຊາຄົມລາວ ທີ່ ສປປ ລາວ. ນັກຕີກ້ອຟ ເຊື້ອສາຍລາວ ຈາກ ອາເມຣິກາ ການາດາ ແລະ ຝຣັ່ງ ປະມານ 50 ຄົນ ພ້ອມດ້ວຍ ສະມາຊິກ ຄອບຄົວ ຮ່ວມທັງໝົດຮ້ອຍກວ່າຄົນ ຈະເລີ້ມອອກເດີນທາງ
ຈາກ Washington D.C. ລັດ Virginia, Maryland, North Carolina, Connecticut, Georgia, Minnesota, Colorado, Arkansas, ກັບປະ ເທດ Canada ແລະ France ໄປຍັງ ສປປ ລາວ ເພື່ອເຂົ້າຮ່ວມແຂ່ງຂັນ ຕີກ້ອຟມິດຕະພາບ.
ການແຂ່ງຂັນຕີກ້ອຟ ມິດຕະພາບ ດັ່ງກ່າວນີ້ ເປັນຄັ້ງແລກໃນປະຫວັດສາດ ໂດຍການປະສານງານຈາກ ສະຖານເອກອັກຄະລັດຖະທູດ ສປປລາວ ທີ່ ນະຄອນ ຫລວງ ວໍຊິງຕັນ ດີ.ຊີ. ເພື່ອສ້າງໂອກາດໃຫ້ແກ່ບັນດາຊາວລາວ ທີ່ຢູ່ຕ່າງປະເທດ ມີໂອກາດເດີນທາງ ກັບຄືນໄປ ຢ້ຽມຢາມບ້ານເກີດເມືອງນອນ.
ການແຂ່ງຂັນຈະໄດ້ຈັດຂື້ນທີ່ ເດີ່ນຕີກ້ອຟ ທີ່ແຂວງວຽງຈັນ ຫລວງພຣະບາງ ແລະຈໍາປາສັກ. ຮວມຢູ່ໃນລາຍການນັ້ນ ບັນດານັກຕີກ້ອຟ ຈາກຕ່າງປະເທດ ຈະມີໂອກາດໄປຢ້ຽມ
ຢາມ 5 ແຂວງ ອັນມີ ວຽງຈັນ ຫລວງພະບາງ ຄໍາມ່ວນ ສະຫວັນນະເຂດ ແລະຈໍາປາສັກ.
ຮ່ວມຢູ່ໃນຄະນະຕີກ້ອຟຊຸດນີ້ ມີຫລາຍໆທ່ານ ເຄີຍໄດ້ໄປຢ້ຽມຢາມເມືອງລາວມາກ່ອນແລ້ວ ໂດຍສະເພາະ ທ່ານ Sam ສັງບົວສີ ຫົວໜ້ານໍາພາຄະນະ ຈາກເຂດ ວໍຊິງຕັນ ດີ.ຊີ ທີ່ໄດ້ໃຫ້ສໍາພາດ ແກ່ວີໂອເອ ກ່ຽວກັບການເດີນທາງໃນຄັ້ງນີ້ວ່າ:
ນອກນັ້ນ ກໍຍັງມີຫລາຍໆທ່ານ ທີ່ຍັງບໍ່ເຄີຍກັບໄປຢ້ຽມຢາມເມືອງລາວຈັກເທື່ອ ນັບຕັ້ງແຕ່ເຂົາເຈົ້າໄດ້ເຂົ້າມາຕັ້ງຖິ່ນຖານໃໝ່ ຢູ່ໃນສະຫະລັດ ອາເມຣິກາ ເມື່ອຫລາຍສິບປີກ່ອນ. ຜູ້ນຶ່ງໃນນັ້ນ ກໍຄືທ່ານ ເພັດ (Ong) ມູນຂະຕິ ທີ່ບໍ່ເຄີຍໄດ້ກັບຄືນເມືອຢ້ຽມຢາມເມືອງລາວຈັກເທື່ອ ທ່ານໄດ້ກ່າວຕໍ່ ວີໂອເອ ວ່າ:
ທ່ານ Tony Ngamsanith ກໍແມ່ນອີກທ່ານນຶ່ງທີ່ເດີນທາງມາຢູ່ ສະຫະລັດ ກັບຄອບຄົວ ຕັ້ງແຕ່ອາຍຸ 14 ປີ ແລະບໍ່ມີໂອກາດໄດ້ເດີນທາງໄປຢ້ຽມຢາມເມືອງລາວ. ທ່ານກ່່າວຕໍ່ ວີໂອເອ ວ່າ:
ຫລັງຈາກການແຂ່ງຂັນສີ້ນສຸດລົງແລ້ວ ບັນດານັກຕີກ້ອຟ ແລະຄອບຄົວ ຈະຖື ໂອກາດດຽວກັນນີ້ທ່ອງທ່ຽວ ບຸນພະທາດຫລວງປະຈໍາປີ ທີ່ ນະຄອນຫລວງ ວຽງຈັນ ແລະຫລັງຈາກນັ້ນ ກໍຈະໄດ້ກັບຄືນສູ່ ສະຫະລັດອາເມຣິກາ.
