ລິ້ງ ສຳຫລັບເຂົ້າຫາ

logo-print

ຊາວລາວ-ອາເມຣິກັນ ສະຫລອງ ບຸນປີໃໝ່ ພ.ສ 2556 ທີ່ວັດລາວ ພຸດທະວົງ ລັດເວີຈີເນຍ (ສະໄລດ໌/ວີດິໂອ)


ການສະຫລອງບຸນປີໃໝ່ລາວ ພ.ສ 2556 ທີ່ວັດລາວພຸດທະວົງ ລັດເວີຈີເນຍ ຂົງເຂດນະຄອນຫລວງ ວໍຊິງຕັນ ດີ.ຊີ.
ໃນ​ວາ​ລະ ລາດູ​ບານ​ໃໝ່ນີ້ ​ຊາວ​ລາວ​ຢູ່​ທົ່ວ​ໂລກຕ່າງ​ກໍ​ພາ​ກັນ​
ສະ​ຫລອງ​ບຸນ​ປີໃໝ່​ລາວ ຢູ່​ໃນເຂດ​ທ້ອງ​ຖິ່ນ​ຂອງ​ໃ​ຜ​ລາວ ໂດຍ
​ສະ​ເພາະ​ຢ່າງ​ຍິ່ງ ຢູ່ທີ່​ວັດ​ລາວ​ພຸດ​ທະ​ວົງ ເຂດ​ນະ​ຄອນ​ຫລວງ
ວໍ​ຊິງ​ຕັນ ທ່າ​ມ​ກາງ​ບັນ​ຍາ​ກາດ​ເຢັນ​ສະ​ບາຍ ​ທ້ອງ​ຟ້າ​ແຈ່ມ​ໃສ
ມີຝູ​ງ​ຊົນຫລາຍ​ພັນ​ຄົນມາທ່ຽວ​ຊົມ​ເບິ່ງ​ ການສ​ະ​ແດງຮ້ອງ​ລຳ​
ທຳ​ເພງ ຊື້​ອາ​ຫານ​ການກິນ ​ແລະພວກ​ພໍ່​ຄ້າ​ແມ່ຄ້າ​ ​ພາ​ກັນ​ນຳ
ເອົາເຄຶ່ອງປູ​ກ​ຂອງ​ຝັງມາ​ວາງ​ຂາຍ. ເດີ່ນ​ວັດ​ລາວ​ພຸ​ດ​ທະວົງ
ໄດ້ກາຍເປັນ​ບ່ອນ​ເຕົ້າ​ໂຮມ​ຊຸມ​ນຸມ ສະ​ຫລອງ​ບຸນ​ປີ​ໃໝ່ທີ່ໃຫ​ຍ່
ແລະຄຶ​ກ​ຄື້ນທີ່​ສຸດ ​ໃນ​ວັນ​ເສົາ ທີ 20 ​ເດືອນ​ເມສາ ທີ່​ຜ່ານ​ມາ​.

ເລິກ​ເຂົ້າ​ໄປ​ໃນ​ຫລັງວັດລາວ​ພຸດ​ທະ​ວົງ ມີ​ເດິ່ນກ​ວ້າງ​ໃຫ​ຍ່ ມີ​ນ້ຳ
​ຫ້ວຍນ້ອຍ​ໄຫລ​ຜ່ານ ພໍ​ແຕ່​ຢ່າງ​ເຂົ້າ​ໄປ​ເຖິງ​ເຂດ​ນີ້ ຈະ​ໄດ້​ຍິນ​ສຽງ​ດົນ​ຕີຂັບ​ລຳ ໄດ້ກິ່ນ ຄວັນ
ໄຟຈາກຜາມ ຂາຍ​ອາ​ຫານ​ລາວແລະ​ໄທ ທີ່​ສົ່ງ​ກິ່​ນ​ຫອມ​ມາ​ໃສ່ດັງ ເຮັດ​ໃຫ້​ທ້ອງ​ເກີດ​ຄວາມ​
ວຸ້ນວາຍຂື້ນທັນ​ທີ່ ​ເພາະຢາກ​ຊີ່ມ​ອາ​ຫານ​ເຫລົ່າ​ນັ້ນ. ​ແຕ່​ລະ​ເຈົ້າ​ຂອງຮ້ານມີ​ສິນ​ຄ້າແຕກ
ຕ່າງ​ກັນ ​ເຊັ່ນ​ວ່າ ​ເຂົ້າ​ຫລາມ ປີ້ງ​ໄກ່ ຊີ້ນ​ສະຫວັນ ແຈ່ວບອງ ໃສ້​ອົ່ວ ເຝີ ຕຳໜາກ​ຮຸ່ງ ນ້ຳ
​ອ້ອຍ​ສົດແລະ​ເຂົ້າ​ໜົມ​ຄົກ. ເຄື່ອງປຸງອາ​ຫານ​ພື້ນເມືອງ​ລາວສຳ​ເລັດ​ຮູບ​ທີ່ນຳເມືອ​ໃຊ້​ໄດ້
​ໂດຍ​ບໍ່​ຕ້ອງ​ເສຍ​ເວ​ລາ​ເຮັດ​ ກໍ​ມີເຂົ້າ​ຂົ້ວ​ໃສ່​ລາບ ໝາກ​ເຜັດ​ປົ່ນ ແລະອາຫານອຶ່ນໆ ກໍ​ມີ
ສົ້​ມ​ປາ ສົ້​ມ​ໄຂ່​ປາ ປາ​ແດກ​ເຄື່ອງ ສົ້ມ​ຜັກ​ ສົ້ມກະ​ລຳ​ໃສ່​ໜັງ​ໝູ ແກງຂີ້​ເຫລັກ ​ແກງ​ໜໍ່​ໄມ້
ແລະ​ອື່ນໆ ທີ່​ຂາຍ​ກັນ​ກັບ​ລະ $5 ໂດ​ລ່າ ແລະ $10 ໂດ​ລ່າ ຊຶ່ງເປັນອາ​ຫານ​ທີ່​ໃຊ້​ເວລາເຮັດ
ດົນ​ ​ແລະຫາ​ກິນ​ຍາກ ເພາະ​ສະ​ນັ້ນບັນ​ດາ​ຜູ້ມ​າ​ທ່ຽວ​ຊົມ​ຕ່າງ​ກໍ​ພາ​ກັນ ຖື​ຖົງຫີ້ວກັບ​ເມື່ອໄວ້
ກິນຢູ່​ບ້ານ.



ຮວມ​ຢູ່​ໃນ​ບັນ​ດາ​ແມ່​ຄ້າ​ທັງ​ຫລາຍ​ເລົ່າ​ນີ້​ ມີນາງ ​ແກ້​ວພານຸ​ວົງ ​ທີ່​ໄດ້ເດີນ​ທາງໂດຍທາງເຮືອ ​
ບິນມາ​ຈາກ​ລັດ New Mexico ​ຊຶ່ງ​ເປັນ​ລັດ​ນຶ່ງທີ່​ຕັ້ງ​ຢູ່​ທາງ​ພາກ​ໃຕ້​ຂອງສະ​ຫະ​ລັດ ຕິດ​ຊາຍ
​ແດນ​ພາກ​ຕາ​ເປັນ​ຕົກ​ຂອງ​ລັດ Texas ທາ​ງ​ໃຕ້ຕິດ​ກັ​ບ​ຊາຍ​ແດນ​ຂອງປະ​ເທດເມັກຊິໂກ.
ລັດ New Mexico ນີ້​ຕັ້ງ​ຢູ່​ຫ່າງ​ຈາກນະ​ຄອນ​ຫລວງວໍ​ຊິງ​ຕັນ 1,886ໄມລ໌ ​ຫລື 3,035 ກິ​ໂລ
​ແມດ. ນາງແກ້ວບໍ່ເຄີຍໄດ້ມາ​ຢ້ຽມຢາມນະ​ຄອນ​ຫລວງວໍ​ຊິງ​ຕັນຈັກ​ເທື່ອ ​ແຕ່ໄດ້​ຍິນ​ຂ່າວ​
ຄວາມ​ໂດ່ງ​ດັງ​ຂອງບຸນ​ວັດ​ລາວ​ພຸກ​ທະ​ວົງ ເພາະ​ສະ​ນັ້ນ ​ນາງ​ຈຶ່ງໄດ້​ສວຍ​ໂດກາດ​ນີ້ນຳສິນ
​ຄ້າຂອງນາງ​ ມາ​ວາງ​ຂາຍ ແລະ ໄດ້​ເລົ່​າ​ສູ່​ ​ວີໂອ​ເອ ຟັງວ່າ:

ນາງ ແກ້ວ
ນາງ ແກ້ວ


ລິງໂດຍກົງ


ຖ້າ​ຫາກ​ວ່າ ​ທ່ານເປັນ​ຄົນ​ມັກ​ປູກ​ຝັງ ເວ​ລາ​ນີ້​ແມ່ນເປັນ​ໂອ​ກາດ
​ທີ່​ມາ​ຊອກ​ຊື້ ພືດ​ຜົນປູກ​ຕ່າງໆ ເຊັ່​ນ​ວ່າຕົ້ນໝາກ​ຂີ້​ຫູດ ຕົ້ນ​ຂີ້​ເຫລັກ ຕົ້ນ​ຜັກ​ຕີ້ວ ຕົ້ນດອກແຄ
ແລະຕົ້ນ​ໜາກ​ຮຸ່ງເຫລົ່າ​ນີ້​ເປັນ​ຕົ້ນ ​ທີ່ນຳ​ມາ​ວາງ​ຂາຍສູງພຽງແອວ ​ໃນ​ລາຄາ $20 ໂດລ່າ ​
ຂື້ນ​ໄປ. ຕົ້ນ​ໄມ້​ເຫລົ່າ​ນີ້​ໄດ້​ແກ່​ໃສ່​ລົດ​ມາ ດົນກວ່າ 10 ​ຊົ່ວ​ໂມງ​ຈາ​ກລັດ Florida ທີ່​ຕັ້ງ​ຢູ່​
ທາງ​ພາກ​ໃຕ້​ສຸດ​ຂອງສະ​ຫະ​ລັດ ຊຶ່ງເປັນ​ລັດທີ່ມີ​ອາ​ກາດ​ຮ້ອນ​ຢູ່​ຕະ​ຫລອດ​ປີ. ນອ​ກຈາກ​
ນັ້ນອີກແລ້ວ ກໍ​ມີ​ແມ່​ຄ້າຂາຍ​ເຄື່ອງ​ນຸ່ງ​ຫົ່ມ ເຄຶ່ອງ​ເອ້ ເຄື່ອງ​ຫັດ​ຖະ​ກຳ​ພື້ນ​ເມືອງ​ລາວ​ຕ່າງໆ
ເຊັ່ນ​ວ່າ ຫວດ​ເຂົ້າ ໝໍ້​ໜື້ງ​ເຂົ້າ ແລະກ່ອງເຂົ້າ ເຫລົ່າ​ນີ້​ເປັນຕົ້ນ.

​ຢູ່​ອີກ​ແ​ຈ​ນຶ່ງ​ໄກ​ອອກ​ໄປ ​ມີ​ສຽງ​ເພງ​ຟົດ​ສະ​ໜັ່ນດັງ​ແຂ່ງ​ກັນອອກ​ມາ ​ຈາກ​ຮ້ານ​ຂາຍ CD ແລະ
DVD ມີ​ທັງເພງ​ລາວ ແລະເພງ​ໄທ. ​ພໍ່​ຄ້າ​ປະ​ຈຳທ້ອງ​ຖິ່ນ ທ່ານ ຊູ​ຊີ​ວອງ ອະ​ດີດດາ​ລາ​ຕະ​ຫລົກ
ລາວ ກໍ​ແມ່ນຜູ້​ນຶ່ງທີ່ໄດ້ນຳ​ເອົາ​ເພງ​ລາວ ແລະ​ເພງ​ໄທ ນິ​ຍົມໃໝ່​ໆ​ມາ​ວາງ​ຂາຍ ແຜ່ນ​ລະ $5 ​
ໂດ​ລາ ​ແລະ $10 ​ໂດ​ລາ ຊຶ່ງ​ທ່ານ​ໄດ້​ກ່າວ​ຕໍ່ ວີ​ໂອ​ເອ ຟັງວ່າ:

ຊູຊີວອງ ແລະ ພັນລະຍາ
ຊູຊີວອງ ແລະ ພັນລະຍາ

please wait

No media source currently available

0:00 0:01:36 0:00
ລິງໂດຍກົງ

ອີກ​ຮ້ານ​ນຶ່ງ​ ກໍ່​ແມ່ນແມ່​ຄ້າຂາຍ​ນໍ້າອ້ອຍ ຊື່ວ່າ ນາງ​ແສງ ນໍ້າອ້ອຍ​ຂອງ​ລາວ​ຫວານ​ສົດ​ແຊບ​ອີ່ຫລີ ​ແລະ​ກໍ​ໄດ້​ຂາຍ​ດິບ​ຂາຍ​ດີ. ຫລຽວ​ເບິ່ງດຸກອງ​ຂີ້​ອ້ອຍ ​ທີ່​ລາວ​ປັ່ນ​ອອກມານັ້ນ ກອງກັນ​ໄວ້​ໃຫ້​ເຫັນ​ຢູ່​ທາງ​ໜ້າ​ຮ້ານ. ​ແມ່​ຄ້າ​ຜູ້​ນີ້ເປັນ​ຄົນດຸ​ໝັ່ນຂະ​ຫຍັນ​ຂັນ​ແຂງ ​ເວລາ​ໃດ​ທີ່ລາວ​ບໍ່​ໄດ້​ມາ​ຂາຍ​ນໍ້າ
ອ້ອຍ​ຢູ່​ບຸນ​ວັດ ລາວກໍ​ຈະ​ຂັບລົດຂາຍອາຫານຂອງລາວ ໄປຂາຍໃນຕອນ​ທ່ຽງ​ວັນ ຢູ່ຕາມ
ຖະໜົນ ໃນນະຄອນຫລວງວໍຊິງຕັນ. ນາງແສງ ​ໄດ້​ຕອບ​ຄໍາ​ຖາມ​ແກ່ ວີ​ໂອ​ເອ ດັ່ງ​ນີ້:


ນາງ ແສງ ແມ່ຄ້າຂາຍນໍ້າອ້ອຍສົດ
ນາງ ແສງ ແມ່ຄ້າຂາຍນໍ້າອ້ອຍສົດ
please wait

No media source currently available

0:00 0:00:27 0:00
ລິງໂດຍກົງ

ລາຍ​ການ​ບຸນ​ປີ​ໃໝ່​ທີ່ວັດ​ລາວ​ພຸດ​ທະ​ວົງ ​ໃນ​ຕອນ​ເຊົ້າ​ມີຕັກ​ບາດ
ຟັງ​ທຳ​ມະ​ເທດ​ສະ​ໜາ ແລະຖະ​ຫວາຍ​ເພນ. ຢູ່ນອກ​ສາ​ລາ​ໂຮງ​ທຳ ​
ກໍ​ມີຜາມສົງ​ພະ​ພຸດ​ທະ​ຮູບ ຜາມສ່ຽງຊີ ແລະ​ຕອນຄ້ອຍ​ແລງ ​ກໍ​ມີ​ພິ​ທີ່​ແຫ່ພະ​ພຸ​ດ​ທະ​ຮູບ ​ນາງ​ສັງຂານ ແລະ​ຕົບ​ພະ​ທາດ​ຊາຍ.

ເຖິງ​ແມ່ນ​ວັນ​ປີ​ໃໝ່​ລາວ​ຈະ​ຜ່ານ​ມາ​ແລ້ວ​ກໍ​ຕາມ ຂ້າພະ​ເຈົ້າ ພ້ອມ​ດ້ວຍຄະ​ນະ​ຈັດ​ທຳ​ລາຍ​ການ ວີ​ໂອ​ເອ ພາກ​ພາ​ສາ​ລາວ ຂໍ​ຖື​ໂອກາດ​ນີ້ ສົ່ງ​ຄຳ​ກອນ​ອ່ວຍ​ພອນ ແຕ່ງ​ໂດຍ ທ່ານ ບຸນ​ຜົງ ພົມ​ທະ​ວົງ ​ເຖິງ​ທ່ານ​ຟັງ​ດັ່ງ​ນີ້:

ເກນ​ເວລາ ລ່ວງ​ຂ້າມ ຍາມ​ປ່ຽນ​ລະດູ​ການ
ສັງຂານ ວັນ​ເດືອນ​ປີ ດັ່ງ​ນາທີ​ລົງ​ແກ້ງ
ອາທິດ ​ແຍງ​ຍັງຟ້າ ນະພາ​ໄລ​ໃສ​ສ່ອງ ຈິງ​ແລ້ວ
ຍາມ​ແສງທອງ ຈາກຟ້າ ຣາຕຣີກ້າວ​ດ່ວນ​ມາ.

ປີ​ເກົ່າ ກາຍ​ຜ່ານ​ພົ້ນ ປີ​ໃໝ່​ກໍ​ມາ​ແທນ ຈິງ​ແລ້ວ
​ ໃນ​ວາ ​ໃນ​ເມືອງ​ຄົນ ​ໂລກ​ຫາກ​ເປັນ​ສັນ​ນີ້
ກາງ​ວັນ ຕາ​ເວັນ​ແຈ້ງ ​ແສງ​ເດືອນ​ດາວ​ຍາ​ມຄໍ່າ
ດິນ ລົມ ​ໄຟ​ຄູ່​ນໍ້າ ສິ່ງ​ນໍາ​ສ້າງ​ໂລກ​ຄົນ ນີ້​ນາ.

​ຟ້າໃໝ່ ປີໃໝ່ຍນີ້ ຂໍນ້ອມກ່າວ ຄໍ່າ​ພອນ
ສົ່ງ​ພອນ​ ຫາ​ຊາວ​ລາວ​ ຊາດ​ປະຊາ​ຊາວ​ເຊື້ອ
ຢູ່​ທິດ​ເໜືອ ​ແດນ​ໃຕ້ ​ເນົາ​ໃນ​ທຸກ​ຫົນ​ແຫ່ງ
ພົງພັນ​ ລາວຊາດ​ເຊື້ອ ຂໍ​ວອນ​ໄຫວ້​ສູ່​ຄົນ ​ແດ່​ເນີ.

ປີໃໝ່ ​ເລີກ​ໃໝ່​ນີ້ ​ໃຫ້​ມີ​ແຕ່​ຄວາມສຸກ
ອັນ​ຕະລາຍ ​ໄພ​ທຸກ ໝູ່​ມານ​ຢ່າ​ມາ​ໃກ້
ໝາຍ​ໃຈ ​ທໍາ​ການ​ສ້າງ ທາງ​ທໍາ​ແນວ​ປະ​ເສີດ
ຈົ່ງ​ເກີດ​ ເປັນ​ດັ່ງ​ເວົ້າ ສົ​ມ​ໃຈ​ເຈົ້າ​ປາຖໜາ.

ຈົ່ງ​ມີ ຍົດ​ລາບ​ລົ້ນ ມີ​ໂຊກ​ໃຫຍ່​ໄຊ​ງາມ
ອາຍຸ​ ຍືນ​ຫລາຍ​ປີ ​ໂຣກ​ໄພ​ຢ່າ​ມາ​ໃກ້
ວັນນະ ​ໃສ​ງາມ​ເຫລື້ອມ ສຸກ​ສັນ​ຢ່າ​ເຂີນ​ຂາດ
ພະລະ ມາດ​ແກ່​ກ້າ ຄົງ​ໝັ້ນ​ຕະຫລອດ​ການ ​ແທ້ນາ.

ວີດິໂອກ່ຽວກັບ ບັນຍາກາດວັນສະຫລອງປີໃໝ່ ຢູ່ວັດລາວພຸດທະວົງ
(ຖ່າຍໂດຍ Reasy Poch ນັກຂ່າວວີໂອເອພະແນກພາສາຂະເໝນ):


ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG