ລິ້ງ ສຳຫລັບເຂົ້າຫາ

logo-print

ສະຖານທູດລາວ ປະຈຳ ວໍຊິງຕັນ ຈັດງານລ້ຽງ ສະຫຼອງ ປີໃໝ່ລາວ ພສ 2561


ເອກອັກຄະລັດຖະທູດ ສະຫະລັດ ປະຈຳ ນະຄອນວຽງຈັນ ທ່ານນາງ ຣີນາ ບິດເຕີ ມາຮ່ວມງານລ້ຽງ ສະເຫຼີມສະຫຼອງ ປີໃໝ່ລາວ ພສ 2561 ຢູ່ທີ່ສະຖານທູດລາວ ປະຈຳ ນະຄອນຫຼວງ ວໍຊິງຕັນ, ວັນທີ 28 ເມສາ 2018.

ໃນລາຍການຊີວິດຊາວລາວໃນຕ່າງແດນຂອງວີໂອເອ ສຳລັບແລງມື້ນີ້ ໄຊຈະເລີນສຸກ
ມີລາຍງານ ກ່ຽວກັບການສະເຫຼີມສະຫຼອງ ວັນຂຶ້ນປີໃໝ່ລາວ ປີ ພສ 2561 ທີ່ສະຖານ
ທູດ ສປປ ລາວ ໃນນະຄອນຫຼວງ ວໍຊິງຕັນ ດີຊີ ມາສະເໜີທ່ານ.


ເຖິງແມ່ນວ່າ ປີໃໝ່ລາວ ພສ 2561 ໄດ້ຜ່ານພົ້ນໄປ ສອງຫາສາມສັບ ປະດາແລ້ວ
ກໍຕາມ ໃນວັນສຸກ ທີ 27 ເມສາ 2018 ຜ່ານມານີ້ ສະຖານທູດລາວ ປະຈຳນະຄອນ
ຫຼວງວໍຊິງຕັນ ດີຊີ ກໍໄດ້ຈັດພິທີທາງສາດສະໜາ ຕາມຮີດຄອງປະເພນີອັນດີງາມ
ຂອງຊົນຊາດລາວ ທີ່ໄດ້ປະຕິບັດກັນມາເປັນປະຈຳ ໃນແຕ່ລະປີ. ສຳລັບປີ 2018 ນີ້
ໂດຍການນຳພາຂອງເອກອັກຄະລັດຖະທູດ ລາວ ປະຈຳສະຫະລັດ ຮັບຜິດຊອບ ທັງ
ປະເທດ ການາດາ ແລະ ເມັກຊິໂກ ທ່ານ ໄມ ໄຊຍະວົງ ພ້ອມດ້ວຍພັນລະຍາ ແລະ
ບັນດາພະນັກງານປະຈຳຄົບຄະນະ ຈຶ່ງໄດ້ນິມົນພະສົງອົງຄະເຈົ້າ ຈາກວັດລາວ ໃນ
ລັດເວີຈີເນຍ ມາຍັງສະຖານທູດ ເພື່ອປະກອບພິທີທາງສາສະໜາ ໃນການເຮັດບຸນ
ໄຫວ້ພະຮັບສິນ ຕັກບາດ ແລະກິນທານ ເປັນຕົ້ນ ພ້ອມກັນນັ້ນ ສະຖານທູດລາວ ກໍ
ໄດ້ເຊື້ອເຊີນບັນດາແຂກຜູ້ມີກຽດ ທີ່ເປັນຊາວອາເມຣິກັນ ແລະ ປະເທດໄກ້ຄຽງ
ຈຳນວນນຶ່ງ ມາຮ່ວມພິທີທາງສາສະໜານີ້ ນຳດ້ວຍ.

ເຂົ້າຕົ້ມ ເຂົ້າໜົມ ສຳລັບແຂກຄົນທີ່ມາຮ່ວມ ງານລ້ຽງສະເຫຼີມສະຫຼອງ ປີໃໝ່ລາວ ພສ 2561 ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28 2018.
ເຂົ້າຕົ້ມ ເຂົ້າໜົມ ສຳລັບແຂກຄົນທີ່ມາຮ່ວມ ງານລ້ຽງສະເຫຼີມສະຫຼອງ ປີໃໝ່ລາວ ພສ 2561 ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28 2018.

ໃນຕອນແລງຂອງວັນເສົາ ມື້ຕໍ່ມາ ສະຖານທູດລາວ ກໍໄດ້ຈັດງານກິນລ້ຽງ ເພື່ອສະເຫຼີມ
ສະຫຼອງ ປີໃໝ່ລາວ ຢູ່ພາຍໃນບໍລິເວນດ້ານຫຼັງ ຂອງສະຖານທູດ ທີ່ໄດ້ເຄີຍປະຕິບັດ
ກັນມາໃນແຕ່ລະປີ. ເມື່ອເຖິງເວລາ 5 ໂມງແລງເປັນຕົ້ນໄປ ບັນດາແຂກຜູ້ມີກຽດທັງ
ຊາວລາວ ຈາກທົ່ວສະຫະລັດ ຊາວອາເມຣິກັນ ຈາກອົງການຈັດຕັ້ງສາກົນຕ່າງໆ ກໍ
ໄດ້ພາກັນລັ່ງໄຫລເຂົ້າມາ ສະຖານທູດລາວ ຢ່າງບໍ່ຂາດສາຍ. ແຂກຜູ້ສຳຄັນທ່ານນຶ່ງ
ທີ່ມາຮ່ວມໃນງານລ້ຽງສະຫຼອງ ປີໃໝ່ລາວ ກໍຄື ທ່ານນາງ ຣີນາ ບິດເຕີ ເອກອັກຄະລັດ
ຖະທູດ ສະຫະລັດ ປະຈຳ ນະຄອນວຽງຈັນ. ອົງຕາມເຈົ້າໜ້າທີ່ປະຈຳສະຖານທູດ
ລາວ ທີ່ໄດ້ແຈ້ງໃຫ້ວີໂອເອລາວ ຊາບວ່າ ຕົວເລກທີ່ພະນັກງານໃຊ້ເຄື່ອງນັບມື ແຂກທີ່
ເຂົ້າມາຮ່ວມໃນງານສະຫຼອງປີໃໝ່ລາວ ມີປະມານ 1,285 ຄົນ ແລະອາດຈະສູງຂຶ້ນ
ຫຼາຍກວ່ານັ້ນ ເພາະວ່າພະນັກງານນັບແຂກ ໄດ້ເຊົານັບ ເມື່ອເວລາ 9 ໂມງ 30.

ນັກຟ້ອນ ນ້ອງນ້ອຍລູກລາວຫຼານລາວ ທີ່ເກີດຢູ່ໃນສະຫະລັດ ໄດ້ມາສະແດງສິລະປະວັດທະທຳຂອງລາວ ໃນງານລ້ຽງ ສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28, 2018.
ນັກຟ້ອນ ນ້ອງນ້ອຍລູກລາວຫຼານລາວ ທີ່ເກີດຢູ່ໃນສະຫະລັດ ໄດ້ມາສະແດງສິລະປະວັດທະທຳຂອງລາວ ໃນງານລ້ຽງ ສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28, 2018.

ໃນລະຫວ່າງ ທີ່ແຂກຄົນກຳລັງເຂົ້າມາຢ່າງຄັບຄາໜາແໜ້ນ ແລະໄດ້ພາກັນຈັບຈອງ
ບ່ອນນັ່ງຢູ່ນັ້ນ ວົງດົນຕີນ້ຳສອງສີ ຈາກເມືອງໂລວ ພ້ອມກັບບັນດານັກຮ້ອງ ຈາກລັດ
ຄາລີຟໍເນຍ ທີ່ອາສາມາປະກອບສ່ວນສ້າງຄວາມເບີກບານມ່ວນຊື່ນ ໃຫ້ແກ່ບັນດາ
ແຂກຜູ້ມີກຽດ ທີ່ມາຮ່ວມງານໃນຄ່ຳຄືນ ວັນເສົາຜ່ານມາ ພ້ອມກັນນັ້ນ ກໍຍັງມີ ພວກ
ນ້ອງນ້ອຍລູກຫຼານລາວ ທີ່ເກີດຢູ່ໃນສະຫະລັດ ຜູ້ທີ່ໄດ້ຮ່ຳຮຽນສິນລະປະການຟ້ອນ ແລະການຫຼິ້ນດົນຕີພື້ນເມືອງຂອງລາວ ຈາກມູນນິທິ ມໍລະດົກລາວ ຫຼື Lao Heritage
Foundation ຈຳນວນ 15 ຄົນ ແລະ ພວກນ້ອງນ້ອຍຊົນເຜົ່າມົ້ງ ຈາກລັດມີເນໂຊຕາ
ແລະ ລັດວິສຄອນຊິນ ກໍໄດ້ມາຮ່ວມ ໃນການສະແດງຟ້ອນລຳພື້ນເມືອງ ຂອງພວກ
ເຂົາເຈົ້ານຳດ້ວຍ.

ນັກຟ້ອນ ໜຸ່ມນ້ອຍລູກລາວຫຼານລາວຊົນເຜົ່າມົ້ງ ທີ່ມາຈາກລັດວິສຄອນຊິນ ໄດ້ມາສະແດງສິລະປະ ວັດທະທຳພື້ນເມືອງຂອງລາວ ໃນງານລ້ຽງສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28, 2018.
ນັກຟ້ອນ ໜຸ່ມນ້ອຍລູກລາວຫຼານລາວຊົນເຜົ່າມົ້ງ ທີ່ມາຈາກລັດວິສຄອນຊິນ ໄດ້ມາສະແດງສິລະປະ ວັດທະທຳພື້ນເມືອງຂອງລາວ ໃນງານລ້ຽງສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳ ນະຄອນຫຼວງວໍຊິງຕັນ ດີຊີ, ວັນທີ 28, 2018.

ປີໃໝ່ລາວສະເພາະປີ 2561 ນີ້ ເປັນປີທີ່ສຳຄັນ ສຳລັບລັດຖະບານລາວ ທີ່ໄດ້ປະກາດ
ໃຫ້ເປັນປີທ່ອງທ່ຽວລາວ ຢ່າງເປັນທາງການ ສະນັ້ນແລ້ວ ຈຶ່ງເປັນການດີ ທີ່ພວກນ້ອງ
ນ້ອຍໄດ້ນຳເອົາສິລະປະວັດທະທຳ ຂອງຊາວລາວບັນດາເຜົ່າ ມາສະແດງໃຫ້ແຂກ ທີ່
ມາຮ່ວມໃນງານໄດ້ຮັບຟັງແລະຊົມ. ເມື່ອເຖິງເວລາ 7 ໂມງແລງ ເອກອັກຄະລັດຖະທູດ
ລາວ ທ່ານ ໄມ ໄຊຍະວົງ ກໍໄດ້ກ່າວເປີດ ພິທີງານກິນລ້ຽງສະເຫຼີມສະຫຼອງ ປີໃໝ່ລາວ
ຢ່າງເປັນທາງການ ຊຶ່ງຄຳຖະແຫລງສ່ວນນຶ່ງ ທ່ານໄດ້ກ່າວເຖິງ ບັນດາພີ່ນ້ອງຊາວ
ລາວ ທັງໃນ ສະຫະ ລັດ ແລະ ຕ່າງປະເທດ ທີ່ໄດ້ໃຫ້ການສະໜັບສະໜູນ ງານສະຫຼອງ
ປີໃໝ່ລາວ ໃນຄັ້ງນີ້ ດັ່ງທີ່ທ່ານໄດ້ກ່າວຕອນນຶ່ງວ່າ:

ນອກເໜືອຈາກງານລ້ຽງສະຫຼອງປີໃໝ່ລາວແລ້ວ ທາງສະຖານທູດລາວ ກໍໄດ້ຈັດການ
ແຂ່ງຂັນຕີກັອຟເພື່ອການກຸສົນ ປະຈຳປີ ຄັ້ງທີ 8 ຊຶ່ງກິດຈະກຳນີ້ ໄດ້ລິເລີ້ມມາຕັ້ງແຕ່ປີ
2011 ໂດຍອະດີດເອກອັກຄະລັດຖະທູດລາວ ປະຈຳວໍຊິງຕັນຄົນກ່ອນໆ. ດັ່ງນັ້ນ ທ່ານ
ໄມ ໄຊຍະວົງ ໂດຍການຮ່ວມມືກັບສະມາ ຄົມນັກຕີກັອຟ ຂອງລັດເວີຈີເນຍ ວໍຊິງຕັນ
ແລະແມຣີແລນ ຈຶ່ງໄດ້ເຊື້ອເຊີນ ບັນດານັກຕີກັອຟສະໝັກຫຼິ້ນ ຊາວລາວ ແລະຕ່າງ
ປະເທດຈາກທົ່ວສະຫະລັດ ແລະການາດາ ມາຮ່ວມ.

ບັນດານັກຕີກັອຟລາວ ສະໝັກຫຼິ້ນ ຈາກທົ່ວສະຫະລັດ ທີ່ເດີນທາງມາຮ່ວມໃນການແຂ່ງຂັນຕີກັອຟເພື່ອການກຸສົນ ຄັ້ງທີ 8 ປະຈຳປີ 2018 ທີ່ທາງສະຖານທູດລາວ ເປັນເຈົ້າພາບຈັດງານ ໃນວັນທີ 28 ເມສາ 2018.
ບັນດານັກຕີກັອຟລາວ ສະໝັກຫຼິ້ນ ຈາກທົ່ວສະຫະລັດ ທີ່ເດີນທາງມາຮ່ວມໃນການແຂ່ງຂັນຕີກັອຟເພື່ອການກຸສົນ ຄັ້ງທີ 8 ປະຈຳປີ 2018 ທີ່ທາງສະຖານທູດລາວ ເປັນເຈົ້າພາບຈັດງານ ໃນວັນທີ 28 ເມສາ 2018.

ບັນດານັກຕີກອັຟ ທັງຍິງແລະຊາຍ ຈາກທົ່ວທຸກທິດຂອງສະ ຫະລັດ ກໍພາກັນເດີນທາງ
ມາຮ່ວມໃນກິດຈະກຳ ຕີກອັຟ ເພື່ອການກຸສົນ ຂອງສະຖານທູດລາວ ລວມແລ້ວ ມີຈຳ
ນວນຫຼາຍເຖິງ 139 ຄົນ ຢູ່ທີ່ສະໜາມກອັຟ Meadows Farms ໃນເມືອງ Locust
Grove ລັດເວີຈີເນຍ ຊຶ່ງສະໜາມ ກອັຟແຫ່ງນີ້ ມີຫຼາຍໆຂຸມທີ່ມີຄວາມໂດດເດັ່ນ ແລະ
ມີທິວທັດທີ່ສວຍສົດງົດງາມ. ເປົ້າໝາຍຂອງການມາຮ່ວມ ໃນການແຂ່ງຂັນຕີກອັຟ ໃນ
ແຕ່ລະຄັ້ງ ກໍເພື່ອສ້າງຄວາມຮັກແພງ ຄວາມສາມັກຄີ ລະຫວ່າງຊາວລາວທຸກທົ່ວໜ້າ
ແລະສິ່ງທີ່ສຳຄັນທີ່ສຸດ ກໍແມ່ນການຫາທຶນຮອນ ເພື່ອນຳໄປສ້າງສາພັດທະນາ ເຂດຊົນ
ນະບົດຫ່າງໄກສອກຫຼີກ ທີ່ການພັດທະນາ ຍັງບໍ່ທັນໄປເຖິງ ດັ່ງທີ່ ທ່ານທູດໄມ ໄຊຍະວົງ
ໄດ້ກ່າວດັ່ງຕໍ່ໄປນີ້:

ຫຼັງຈາກທີ່ການກ່າວເປີດການແຂ່ງຂັນຕີກອັຟຂອງທ່ານທູດໄມ ໄຊຍະວົງ ໄດ້ຈົບລົງແລ້ວ
ບັນດານັກກອັຟ 139 ຄົນ ໄດ້ເຂົ້າປະຈຳລົດກອັຟ ກຸ່ມລະສີ່ຄົນແລະໃນເວລາ 9 ໂມງ 30
ຕອນເຊົ້າຂອງວັນເສົາ ທີ 28 ການແຂ່ງຂັນກໍໄດ້ເລີ້ມຕົ້ນຂຶ້ນ ຈົນເຖິງເວລາ ບາຍ 2 ໂມງ
ການແຂ່ງຂັນກໍໄດ້ສຳເລັດລົງ. ໃນການກ່າວເປີດການແຂ່ງຂັນຕີກອັຟ ທ່ານທູດໄມ
ໄຊຍະວົງ ກໍໄດ້ເຊື້ອເຊີນ ບັນດານັກກອັຟທັງຫຼາຍ ໄປຮ່ວມໃນງານລ້ຽງສະເຫຼີມສະຫຼອງ
ປີໃໝ່ລາວ ຢູ່ທີ່ສະຖານທູດລາວ ເຊັ່ນກັນ.

ບັນດາແຂກທີ່ມາຮ່ວມງານກິນລ້ຽງສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳນະຄອນຫຼວງ ວໍຊິງຕັນ ດີຊີ ກຳລັງພາກັນ ຕັກເອົາອາຫານການກິນ ທີ່ທາງສະຖະທູດ ໄດ້ຈັດໄວ້ໃຫ້.
ບັນດາແຂກທີ່ມາຮ່ວມງານກິນລ້ຽງສະເຫຼີມສະຫຼອງ ປີໃໝ່ລາວ ຢູ່ທີ່ສະຖານທູດລາວ ປະຈຳນະຄອນຫຼວງ ວໍຊິງຕັນ ດີຊີ ກຳລັງພາກັນ ຕັກເອົາອາຫານການກິນ ທີ່ທາງສະຖະທູດ ໄດ້ຈັດໄວ້ໃຫ້.

ພາຍຫຼັງຈາກທີ່ໄດ້ຮັບປະທານອາຫານ ແລະເຄື່ອງດື່ມຢ່າງອິ່ມໜຳສຳລານແລ້ວ ທ່ານ
ໄມ ໄຊຍະວົງ ພ້ອມດ້ວຍພັນລະຍາ ຈຶ່ງໄດ້ເປີດເວທີ ຟ້ອນລຳວົງຮອບປະຖົມມະເລີກ
ແລະໄດ້ເຊື້ອເຊີນບັນດາແຂກຜູ້ກຽດ ທັງຊາວລາວ ແລະຕ່າງປະເທດ ຈຳນວນນຶ່ງ ຂຶ້ນ
ມາຟ້ອນລຳວົງ ນຳດ້ວຍ. ຫຼັງຈາກນັ້ນ ວົງດົນຕີ ນ້ຳສອງສີ ໄດ້ນຳພາບັນດາແຂກ ທີ່ມາ
ຮ່ວມໃນງານລ້ຽງສະເຫຼີມສະຫຼອງປີໃໝ່ ລາວ ຈຳນວນເກືອບພັນຄົນ ຂຶ້ນມາຟ້ອນແລະ
ເຕັ້ນລຳ ໃນຈັງວະຫຼາກຫຼາຍປະ ເພດ ຢ່າງເບີກບານມ່ວນຊື່ນ ຈົນເຖິງເວລາປະມານ 9
ໂມງເຄິ່ງ ການຟ້ອນລຳກໍໄດ້ຢຸດລົງເປັນການຊົ່ວຄາວ ເພື່ອມອບລາງວັນ ໃຫ້ແກ່ພວກ
ນັກຕີກອັຟ ຜູ້ທີ່ໄດ້ຄະແນນດີເລີດ.

ຕໍ່ຈາກນັ້ນ ການບັນເລັງເພງລາວ ແລະການຟ້ອນລຳ ກໍໄດ້ເລີ້ມຂຶ້ນອີກຈົ ນເຖິງເວລາ
ເກືອບທ່ຽງຄືນແລະບັນດາແຂກທັງຫຼາຍກໍຄ່ອຍໆ ທະຍອຍກັບຄືນສູ່ບ້ານເຮືອນຂອງ
ໃຜລາວ ອັນຖືວ່າ ເປັນການເສັດສິ້ນງານສະເຫຼີມສະຫຼອງປີໃໝ່ລາວ ທີ່ສະຖານທູດລາວ
ໃນນະຄອນຫຼວງ ວໍຊິງຕັນ.

ເບິ່ງຄວາມເຫັນ (6)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG