// ສຽງດົນຕີ ຕໍ່ໃສ່ສຽງເອກອັກຄະລັດຖະທູດ ແສງ ສຸຂະທິວົງ //
ນັ້ນຄືຄໍາປາໃສເປີດງານ ຂອງທ່ານເອກອັກຄະລັດຖະທູດ ແສງ ສຸຂະທິວົງ ເມື່ອວັນເສົາທີ່ຜ່ານມານີ້ ຢູ່ສະຖານທູດລາວ ທີ່ນະຄອນຫລວງວໍຊິງຕັນ ຊຶ່ງບັນຍາກາດອົບອວນໄປດ້ວຍກິ່ນອາຍຂອງການສະເຫລີມສະຫລອງປີໃໝ່ລາວ ທີ່ ດໍາເນີນໄປໝົດມື້ຈົນເດິກ ໂດຍມີຊາວຕ່າງປະເທດຈໍານວນນຶ່ງແລະຊາວລາວຫລາຍຮ້ອຍຄົນ ຈາກລັດຕ່າງໆເກືອບທົ່ວສະຫະລັດມາຮ່ວມສະຫລອງນໍາ.
ງານໄດ້ເລີ້ມຂຶ້ນໃນຕອນເຊົ້າ ດ້ວຍພິທີທໍາບຸນຕັກບາດຖວາຍເພນແກ່ພະສົງ ແລ້ວກໍບາສີສູ່ຂວັນໃຫ້ແກ່ບັນດາເຈົ້າໜ້າທີ່ຂອງທັງສອງສະຖານທູດ ພາຍໃຕ້ການນໍາພາຂອງເອກອັກຄະລັດ ຖະທູດ ແສງ ສຸຂະທິວົງ ແລະ ທ່ານນາງເອກອັກຄະລັດຖະທູດ ກັນນິກາ ພົມມະຈັນ ຫົວໜ້າສໍາ ນັກງານຜູ້ຕາງໜ້າຖາວອນແຫ່ງ ສປປ ລາວ ປະຈໍາອົງການສະ ຫະປະຊາຊາດ ພ້ອມດ້ວຍສາ ມີຂອງທ່ານນາງ ລັດຖະມົນຕີ ຊ່ວຍວ່າການກະຊວງການຕ່າງປະເທດລາວ ທ່ານຫຽມ ພົມມະຈັນ ທີ່ໄດ້ນໍາພາເຈົ້າໜ້າທີ່ກະຊວງຄະນະນຶ່ງ ມາເຮັດວຽກຮ່ວມກັບທັງສອງສໍານັກງານການທູດຂອງລາວ ທີ່ສະຫະລັດ ຊຶ່ງຕໍ່ມາໃນຕອນບ່າຍ ທ່ານຫຽມກໍໄດ້ທໍາພິທີມອບຫລຽນກາລະນຶກຄົບຮອບ 60 ປີ ຂອງການສ້າງຕັ້ງສູນກາງແນວລາວສ້າງຊາດ ໃຫ້ແກ່ຄົນລາວຈໍານວນນຶ່ງຈາກສະຫະລັດແລະກາ ນາດາ ທີ່ໄດ້ມີບົດບາດໃນການສ້າງຄວາມຖືກຕ້ອງປອງດອງ ລະຫວ່າງລາວນອກກັບລາວໃນ ຕະຫລອດທັງມີສ່ວນໃນການຊ່ວຍສ້າງສາພັດທະນາປະເທດລາວ.
ສ່ວນງານສະຫລອງໃນຕອນແລງນັ້ນ ເລີ້ມຂຶ້ນໃນເວລາ 5 ໂມງປາຍ ຫລັງຈາກທີ່ບັນດາແຂກໄດ້ທະຍອຍກັນເຂົ້າມາ ຈາກຫລາຍສິບຄົນໃນຕອນເຊົ້າ ເປັນຫລາຍຮ້ອຍຄົນເຕັມເດິ່ນທີ່ກວ້າງໃຫຍ່ ຢູ່ທາງຫລັງຕຶກສະຖານທູດ ຊຶ່ງມີການກາງເຕ້ນໃຫຍ່ຂຶ້ນເພື່ອປ້ອງກັນຝົນຕົກ ໃນກໍລະນີທີ່ດິນຟ້າອາກາດບໍ່ເອື້ອອໍານວຍ ແຕ່ກໍ ເປັນຈັ່ງບຸນ ອາກາດມື້ນັ້ນແມ່ນແຈ່ມໃສ ບໍ່ໜາວຫລາຍຄືກັບປີ ຜ່ານໆມາ. ຫລັງຈາກທີ່ເອກອັກ ຄະລັດຖະທູດແສງ ສຸຂະທິວົງ ໄດ້ກ່າວເປີດງານແລ້ວ ທ່ານຫຽມ ພົມມະຈັນ ລັດຖະມົນຕີ ຊ່ວຍວ່າການກະຊວງການຕ່າງປະເທດລາວ ກໍໄດ້ຂຶ້ນກ່າວສະແດງຄວາມເຫັນດັ່ງຕໍ່ໄປນີ້:
// ສຽງ //
ນອກນີ້ ທ່ານຫຽມຍັງໄດ້ກ່າວເຖິງບົດບາດຂອງ ສປປ ລາວ ຢູ່ໃນເວທີສາກົນ ແລະການພົວພັນລະຫວ່າງລາວກັບສະຫະລັດ ທີ່ທ່ານກ່າວວ່າ ໄດ້ມີບາດກ້າວຂະຫຍາຍໂຕເພິ່ມຂຶ້ນນັບມື້.
ຫລັງຈາກນັ້ນ ທາງເຈົ້າພາບກໍໄດ້ເຊຶ້ອເຊີນໃຫ້ບັນດາແຂກຮ່ວມຮັບປະທານອາຫານລາວອັນແຊບ ນົວ ມາກມາຍຫລາຍຢ່າງ ທ່າມ ກາງບັນຍາກາດອັນມ່ວນຊື່ນ ສັງສັນກັນແລະຮັບຊົມການສະແດງ ຟ້ອນນາດຕະສິນ ດົນຕີລາວເດີມໂດຍສິນລະປິນລຸ່ນນ້ອຍ ແລະສະແດງຊຸດແຟຊັ່ນໂຊວ໌ເສື້ອຜ້າ ອາພອນຂອງຊົນຊາດຊົນເຜົ່າລາວ ຊື່ງທ່ານນາງແສງຈັນ Reddick ທີ່ເປັນຜູ້ນໍາພາມາ ສະແດງ ອະທິບາຍສູ່ວີໂອເອວ່າ:
// ສຽງ //
ການສະແດງຊຸດເສື້ອຜ້າຊົນເຜົ່າ
ແລະແຜ່ນແພລາວ ຕະຫລອດ
ທັງການຟ້ອນນາດຕະສິນແລະ
ລໍາເຊີ້ງ ໂດຍນັກຟ້ອນສະມັກ
ຫລີ້ນ ທັງລຸ່ນໃຫຍ່ແລະລຸ່ນນ້ອຍ
ແມ່ນໄດ້ສ້າງຄວາມປະທັບໃຈ
ແລະມ່ວນຊຶ່ນໃຫ້ແກ່ບັນດາແຂກ
ທີ່ມາຈາກທັງໃກ້ແລະໄກ ທັງລັດ
ອ້ອມແອ້ມ ກໍຄື Maryland,
Virginia, Delaware, New
Jersey, Pennsylvania,
New York ແລະໄກອອກໄປ ຮອດລັດ Tennessee ທາງພາກໃຕ້. ອອກໄປທາງພາກກາງ ກໍມີລັດ Kansas, Missouri, Ohio, Illinois ໄປຈົນຮອດ Minnesota ທາງພາກກາງຕອນເໜືອຂອງສະຫະລັດ ຊຶ່ງນຶ່ງໃນນັ້ນ ກໍແມ່ນທ່ານ ດອກເຕີ້ ຢັງ ດາວ ຜູ້ນໍາປະຊາຄົມມົ້ງໃນລັດ Minnesota ທີ່ກ່າວກັບວີໂອເອວ່່າ:
// ສຽງ //
ແຂກທີ່ມາຮ່ວມໃນງານອີກຄົນນຶ່ງ ທີ່ຢູ່ໄກແຜ່ນດິນໃຫຍ່ສະຫະລັດ ອອກໄປອີກ ກໍຄືຂັນທະລີ ວົງພະຈັນ ແລະສາມີ ທີ່ມາຈາກລັດອາລັສກາ ບ່ອນທີ່ 10 ໂມງກາງຄືນແລ້ວ ຕາເວັນກໍຍັງບໍ່ຕົກດິນ ໃນຍາມຮ້ອນນັ້ນ.
// ສຽງ //
ໃນບັນດາແຂກຕ່າງປະເທດທີ່
ມາຮ່ວມສະຫລອງນັ້ນ ກໍມີໂຮມ
ທັງເຈົ້າໜ້າທີ່ຈາກກະຊວງການ
ຕ່າງປະເທດສະຫະລັດ ແລະ
ພວກອະດີດນັກການທູດສະຫະ
ລັດ ທີ່ເຄີຍໄປປະຈໍາການຢູ່ສປປ
ລາວ ແລະບັນດາເພື່ອນມິດຂອງ
ທາງເຈົ້າໜ້າທີ່ສະຖານທູດ ຊຶ່ງ
ຄົນນຶ່ງໃນນັ້ນ ກ່າວສະແດງ ຄວາມປະທັບໃຈຂອງລາວວ່າ:
// ສຽງ //
ຫລັງຈາກສິ້ນສຸດການສະແດງຕ່າງໆແລ້ວ ເຈົ້າພາບແລະແຂກກໍໄດ້ຮ່ວມມ່ວນຊຶ່ນກັນ ຟ້ອນລໍາວົງແລະລ່າຍລໍາໃນຈັງວະຕ່າງໆ ຕາມສຽງບັນເລງດົນຕີຂອງວົງດົນຕີ ຄະນະຫລວງພະບາງ ຈາກລັດເພັນຊິລເວເນຍ ໂດຍມີນັກຮ້ອງແລະສິນລະປິນລາວທີ່ເປັນທີ່ຮູ້ຈັກກັນດີຈາກລັດ ອື່ນໆມາຮ່ວມໃຫ້ຄວາມບັນເທີງ ເຊ່ນທ່ານຄໍາຫລ້າ ໜໍ່ແກ້ວ ແລະເກດສະໜາ ວິໄລລັກ ຈາກລັດເທັນແນັສຊີ ທີ່ໄດ້ມາຮ່ວມບັນ ເທີງ ສ້າງຄວາມມ່ວນຊື່ນໃຫ້ແກ່ ບັນດາແຂກ ທີ່ມາຮ່ວມໃນງານສະເຫລີມສະຫລອງປີໃໝ່ທີ່ສະຖານ ເອກອັກຄະລັດຖະທູດ ລາວ ທີ່ນະຄອນຫລວງວໍຊິງຕັນ ດີຊີ ໃນຄັ້ງນີ້ດ້ວຍ.
ສອງສາວນ້ອຍນັກຟ້ອນເຊິ້ງ ທີ່ມາປະກອບສ່ວນຈາກລັດເພັນຊິລເວເນຍ
ສ້າງຄວາມປະທັບໃຈແລະມ່ວນຊື່ນໃຫ້ຜູ້ຊົມຢ່າງຫລວງຫລາຍ.