ລິ້ງ ສຳຫລັບເຂົ້າຫາ

logo-print

ສະພາ​ແຫ່ງ​ຊາດ​ລາວ ອັດກອງປະຊຸມ ລຸນຫລັງ​ຮັບຮອງ​ເອົາ ​ກົດໝາຍ​​ 11 ສະບັບ


ຄະນະຜູ້ແທນລາວ ພາກັນລົງພິຈາລະນາລົງຄະແນນສຽງຮັບຜ່ານການກໍ່ສ້າງເຂື່ອນ ໄຊຍະບູລີ ໃນກອງສະໄໝທີ 4 ຂອງປະຊຸມສະພາແຫ່ງຊາດລາວ
ກອງ​ປະຊຸມ​ສະ​ໄໝ​ສາມັນ​ຄັ້ງ​ທີ 4 ຂອງ​ສະພາ​ແຫ່ງ​ຊາດ​ລາວ​
ຊຸດ ທີ 7 ທີ່​ໄດ້​ດໍາ​ເນີນກອງ​ປະຊຸມ​ ນັບ​ແຕ່​ວັນ​ທີ່ 5 ທັນ​ວາ ​ເປັນ
ຕົ້ນ​ມາ ແລະ​ສິ້ນ​ສຸດ​ລົງ​ຢ່າງ​ເປັນ​ທາງ​ການໃນ​ຕອນ​ແລງຂອງວັນ
​ທີ່ 19 ທັນ​ວາ​ທີ່​ຜ່ານ​ມາ​ນີ້ ​ໄດ້​ມີ​ການ​ພິ​ຈາລະ​ນາຮັບຮອງ​ເອົາກົດ
ໝາຍ​ ແລະ​ແຜນການ​ພັດທະນາ​ຕ່າງໆ​ໃນຫຼາຍດ້ານດ້ວຍ​ກັນ.

ສ່ວນໃນການຮັບຮອງເອົາກົດໝາຍນັ້ນ ກໍມີຢູ່ເຖິງ 11 ສະບັບ
ທີ່ປະກອບດ້ວຍກົດໝາຍໃໝ່ ຈໍານວນ 4 ສະບັບກໍຄື ກົດໝາຍ
ວ່າດ້ວຍຫຼັກຊັບ ກົດໝາຍວ່າດ້ວຍຊົນລະປະທານ ກົດໝາຍ
ວ່າດ້ວຍທຸລະກໍາທາງອີເລັກໂທຣນິກ ແລະກົດໝາຍວ່າດ້ວຍ
ການຂົນສົ່ງຫຼາຍຮູບແບບ.

ສ່ວນກົດໝາຍເກົ່າທີ່ດັດແກ້ໃໝ່ຈໍານວນ 7 ສະບັບ ທີ່ຜ່ານມະຕິຮັບຮອງເອົາໃນໂອກາດ ດຽວກັນນີ້ ກໍມີກົດໝາຍວ່າດ້ວຍການຕ້ານການສໍ້ລາດບັງຫຼວງ ກໍຄືກົດໝາຍວ່າດ້ວຍ ການຂົນສົ່ງທາງບົກ ກົດໝາຍວ່າດ້ວຍການຈະລາຈອນທາງບົກ ກົດໝາຍວ່າດ້ວຍການ ປົກປັກຮັກສາສິ່ງແວດລ້ອມ ກົດໝາຍວ່າດ້ວຍພັນທະໃນການປ້ອງກັນຊາດ ກົດໝາຍ
ອາຍາ ແລະກົດໝາຍວ່າດ້ວຍຢາເສບຕິດ.

ນອກຈາກນີ້ ກໍມີວາລະທີ່ສໍາຄັນໃນດ້ານອື່ນໆ ອີກຫຼາຍວາລະດ້ວຍກັນ ທີ່ຜ່ານມະຕິຮັບ ຮອງຂອງສະມາຊິກສະພາແຫ່ງຊາດລາວໃນຄັ້ງນີ້ ເຊັ່ນແຜນຍຸດທະສາດການປະຕິຮູບ ວຽກງານດ້ານສາທາລະນະສຸກແຫ່ງຊາດ ເພື່ອໃຫ້ສາມາດບັນລຸເປົ້າໝາຍ ສະຫັດສະ ວັດຂອງການພັດທະນາໃຫ້ໄດ້ພາຍໃນ 5 ປີຕໍ່ໜ້າ ການຮັບຮອງເອົາໂຄງການກໍ່ສ້າງ ເຂື່ອນໄຟຟ້ານໍ້າຂອງຢູ່ໄຊຍະບູລີ ການຮັບຮອງເອົາລາຍງານຂອງອົງການກວດສອບ ກ່ຽວກັບບົດສະລຸບຂາດຕົວຂອງການຈັດຕັ້ງປະຕິບັດແຜນການງົບປະມານແຫ່ງລັດ ປະ ຈໍາສົກປີ 2010-2011 ການມອບໝາຍໃຫ້ກະຊວງອຸດສາຫະກໍາ ແລະການຄ້າຮັບຜິດ ຊອບໃນການຄົ້ນຄວ້າ ເພື່ອດໍາເນີນການພັດທະນາປັບປຸງຮ່າງກົດໝາຍວ່າດ້ວຍອຸດສາ ຫະກໍາປຸງແຕ່ງ ເພື່ອນໍາສະເໜີຕໍ່ກອງປະຊຸມສະໄໝສາມັນຄັ້ງທີ 5 ຕໍ່ໄປ ແລະລວມເຖິງ ການໃຊ້ສັດຕະຍາບັນຕໍ່ອະນຸສັນຍາການ ເປັນສະມາຊິກຂອງອົງການການຄ້າໂລກ
(WTO) ຂອງລາວອີກດ້ວຍ.
ທ່ານ ອຸ່ນແກ້ວ ວຸດທິລາດ ສະມາຊິກແລະຫົວໜ້າຫ້ອງການສະພາແຫ່ງ ຊາດລາວ
ທ່ານ ອຸ່ນແກ້ວ ວຸດທິລາດ ສະມາຊິກແລະຫົວໜ້າຫ້ອງການສະພາແຫ່ງ ຊາດລາວ

ດັ່ງທີ່ທ່ານ ອຸ່ນແກ້ວ ວຸດທິລາດ ສະມາຊິກແລະຫົວໜ້າ
ຫ້ອງການສະພາແຫ່ງ ຊາດລາວໄດ້ຖະແຫຼງຢືນຢັນວ່າ:

ພິດຈາລະນາຮັບຮອງເອົາໂຄງການກໍ່ສ້າງເຂື່ອນ
ໄຟຟ້ານໍ້າຂອງແຂວງໄຊຍະບູລີ ພິຈາລະນາແລະ ຮັບຮອງເອົາບົດລາຍງານຂອງອົງການການກວດ
ສອບແຫ່ງລັດ ກ່ຽວກັບການກວດສອບບົດສະຫລຸບ
ຂາດຕົວ ການຈັດຕັ້ງປະຕິບັດແຜນງົບປະມານປະ
ຈໍາສົກປີ 2010-2011 ແລະບົດລາຍງານຜົນການ
ກວດສອບຄືນຕາມມະຕິຂອງສະພາແຫ່ງຊາດພິຈາ
ລະນາ ແລະຮັບຮອງເອົາບົດລາຍງານການເຄື່ອນໄຫວຊີ້ນໍາ ນໍາພາຂອງຄະນະ ປະຈໍາສະພາແຫ່ງຊາດ ປະຈໍາຫົກເດືອນທ້າຍປີ 2012.”


ສະພາແຫ່ງຊາດລາວຈະຈັດກອງປະຊຸມສະໄໝສາມັນປີລະ 2 ຄັ້ງ ໂດຍກອງປະຊຸມກ່ອນ
ໜ້ານີ້ ກໍຄືກອງປະຊຸມສະໄໝສາມັນຄັ້ງທີ 3 ທີ່ໄດ້ດໍາເນີນກອງປະຊຸມໃນລະຫວ່າງ ວັນທີ
20 ມີນາ ຫາວັນທີ 13 ກໍລະກົດຜ່ານມາ ຊຶ່ງກອງປະຊຸມໃນຄັ້ງນັ້ນກໍໄດ້ມີວາລະການພິຈາ
ລະນາທີ່ສໍາຄັນ ແລະກໍໄດ້ມີການລົງມະຕິຮັບຮອງເອົາຢ່າງເປັນທາງການ ຈໍານວນທັງໝົດ
ເຖິງ 10 ວາລະດ້ວຍກັນ ຫາກແຕ່ວ່າກໍລະນີທີ່ຖືວ່າ ພົ້ນເດັ່ນທີ່ສຸດໃນກອງປະຊຸມ ກໍຄື
ການລົງມະຕິແຕ່ງຕັ້ງທ່ານນາງວຽງທອງ ສີພັນດອນ ລູກສາວຂອງທ່ານຄໍາໄຕ ສີພັນດອນ ອະດີດຜູ້ນໍາສູງສຸດຂອງລາວ ໃຫ້ເປັນປະທານອົງການກວດສອບແຫ່ງລັດຄົນໃໝ່ນັ້ນເອງ.

ເບິ່ງຄວາມເຫັນ (7)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG