ສະບາຍດີ ທ່ານຜູ້ຟັງທີ່ເຄົາລົບ ເພື່ອບໍ່ໃຫ້ເສຍເວລາ ຂ້າພະເຈົ້າຂໍສະເໜີເພງທໍາອິດເລີຍ ຄືເພງ ຄົນຮັກຄົນສຸດທ້າຍ ຂອງຕ້ອມ ເຣນໂບ ຈັດໃຫ້ຕາມຄໍາຂໍຂອງນ້ອງອິນທະສອນ ກຸນລະວຸດ ຈາກຫລວງພະບາງ ທີ່ຂຽນມາຂໍຟັງນໍາວັນນະສອນ ພິທີກອນສຽງຫວານໄທເມືອງ ເອື້ອຍຂໍຈັດໃຫ້ຟັງແທນ ເພາະຖ້າຈະລໍວັນນະສອນ ກໍຄົງອີກສອງ ເດືອນພຸ້ນລະ ເພາະວ່າເພິ່ນລາປ່ວຍຍາວນານ. ນ້ອງອິນທະສອນຂໍຟັງເພງນີ້ຮ່ວມກັບສາວ Ice ທີ່ວຽງຈັນ. ເອົ້າ ຂໍໃຫ້ແອນຈອຍເພງນີ້ທັງ ສອງຄົນເດີ້. ຄົນຮັກຄົນສຸດທ້າຍຂອງຕ້ອມ ເຣນໂບ.
ເພງຕໍ່ໄປ ຂໍມອບໃຫ້ແຟນປະຈໍາລາຍການ ຄືຄອບຄົວຂອງທ່ານນວນຕາ ແກ້ວມະນີ ຢູ່ວຽງຈັນ ທີ່ທຸກໆແລງວັນອາທິດແມ່ນຈະນັ່ງກິນເຂົ້າພ້ອມກັນທັງພໍ່ແມ່ແລະລູກສອງຄົນ ແລ້ວຟັງລາຍການສຽງເພງຈາກແດນໄກຂອງວີໂອເອໄປພ້ອມວ່າຊັ້ນ. ຮູ້ສຶກວ່າ ເປັນຄອບຄົວທີ່ໂຣແມນຕິກຫລາຍ ເພາະວ່າພໍ່ກະຂໍມອບເພງໃຫ້ແມ່ ແລະລູກກະຂໍມອບໃຫ້ພໍ່ແມ່. ໜ້າຊຶ່ນຊົມແທ້ໆ ແບບນີ້ຂ້າພະເຈົ້າຄົງຕ້ອງມອບເພງໃຫ້ທຸກໆແລງວັນອາທິດແລ້ວແຫລະ ເພື່ອຈະໄດ້ມີຄວາມສຸກກັນເວລານັ່ງກິນເຂົ້າ. ນີ້ແມ່ນເພງທີ່ທ່ານນວນຕາ ຂໍຟັງມາ ແລະຂໍຟັງຮ່ວມກັບສີພັນລະຍາ ຍານາງສີບຸນເຮືອງ ກັບລູກໆ. ໄທດໍາລໍາພັນ ຂອງ ກ. ວິເສດ. ຂອບໃຈເດີ້ທີ່ຂໍຟັງເພງນີ້ ເພງມັກລະບໍ ເພາະສາມີ ເປັນໄທດໍາເດ້.
ເພງສຸດທ້າຍເປັນເພງສາກົນ ຈັດໃຫ້ຕາມຄໍາຂໍຂອງຫລານອານຸລັກ ແກ້ວມະນີ ທີ່ຂໍຟັງເພງ Take me to your heart ປ້າຊອກເພງຊື່ນີ້ແລ້ວ ບໍ່ເຫັນມີ ແຕ່ມີເພງນຶ່ງທີ່ມີປະໂຫຍກນີ້ຢູ່ໃນເພງ ແຕ່ຊື່ເພງແມ່ນ Home Sweet Home ຜົນງານຂອງ ນັກຮ້ອງລູກທົ່ງຊື່ດັງ Carrie Underwood. ຫລານອານຸລັກຂໍຟັງຮ່ວມກັບພໍ່ແມ່ ເປັນເພງທີ່ເໝາະສົມແທ້ໆ Home Sweet Home ເພາະເປນເຮືອນຫລືຄອບຄົວທີ່ມີຄວາມສຸກແທ້ໆ ນັ່ງກິນເຂົ້າແລະຂໍຟັງເພງນໍາກັນ. ພາໃຫ້ປ້ານຶກເຖິງສະໄໝຍັງຮຽນຢູ່ມັດທະຍົມ ປ້າກໍນັ່ງກິນເຂົ້າແລງແລະຟັງວິທະຍຸວີໂອເອ ໄປພ້ອມແບບນີ້ແຫລະ ທຸກໆມື້ຈົນປ້າຕັ້ງປະນິທານວ່າ ມື້ນຶ່ງຕ້ອງເປັນໂຄສົກວິທະຍຸແຫ່ງນີ້ໃຫ້ໄດ້ ກໍໄດ້ເປັນສົມດັ່ງໄຝ່ຝັນ. ເອົ້າ ກໍຂໍມອບໃຫ້ຄອບຄົວແກ້ວມະນີທັງບ້ານເລີຍ ພ້ອມກັບທຸກໆທ່ານທີ່ກໍາລັງຟັງຢູ່ ແລະຂ້າພະເຈົ້າກໍຂໍອໍາລາໄປພ້ອມກັບເພງນີ້ ສຸກສົດຊື່ນສົມຫວັງ ຈົ່ງມີແກ່ທຸກໆທ່ານ. ລາຕີສະຫວັດ.
ເພງຕໍ່ໄປ ຂໍມອບໃຫ້ແຟນປະຈໍາລາຍການ ຄືຄອບຄົວຂອງທ່ານນວນຕາ ແກ້ວມະນີ ຢູ່ວຽງຈັນ ທີ່ທຸກໆແລງວັນອາທິດແມ່ນຈະນັ່ງກິນເຂົ້າພ້ອມກັນທັງພໍ່ແມ່ແລະລູກສອງຄົນ ແລ້ວຟັງລາຍການສຽງເພງຈາກແດນໄກຂອງວີໂອເອໄປພ້ອມວ່າຊັ້ນ. ຮູ້ສຶກວ່າ ເປັນຄອບຄົວທີ່ໂຣແມນຕິກຫລາຍ ເພາະວ່າພໍ່ກະຂໍມອບເພງໃຫ້ແມ່ ແລະລູກກະຂໍມອບໃຫ້ພໍ່ແມ່. ໜ້າຊຶ່ນຊົມແທ້ໆ ແບບນີ້ຂ້າພະເຈົ້າຄົງຕ້ອງມອບເພງໃຫ້ທຸກໆແລງວັນອາທິດແລ້ວແຫລະ ເພື່ອຈະໄດ້ມີຄວາມສຸກກັນເວລານັ່ງກິນເຂົ້າ. ນີ້ແມ່ນເພງທີ່ທ່ານນວນຕາ ຂໍຟັງມາ ແລະຂໍຟັງຮ່ວມກັບສີພັນລະຍາ ຍານາງສີບຸນເຮືອງ ກັບລູກໆ. ໄທດໍາລໍາພັນ ຂອງ ກ. ວິເສດ. ຂອບໃຈເດີ້ທີ່ຂໍຟັງເພງນີ້ ເພງມັກລະບໍ ເພາະສາມີ ເປັນໄທດໍາເດ້.
ເພງສຸດທ້າຍເປັນເພງສາກົນ ຈັດໃຫ້ຕາມຄໍາຂໍຂອງຫລານອານຸລັກ ແກ້ວມະນີ ທີ່ຂໍຟັງເພງ Take me to your heart ປ້າຊອກເພງຊື່ນີ້ແລ້ວ ບໍ່ເຫັນມີ ແຕ່ມີເພງນຶ່ງທີ່ມີປະໂຫຍກນີ້ຢູ່ໃນເພງ ແຕ່ຊື່ເພງແມ່ນ Home Sweet Home ຜົນງານຂອງ ນັກຮ້ອງລູກທົ່ງຊື່ດັງ Carrie Underwood. ຫລານອານຸລັກຂໍຟັງຮ່ວມກັບພໍ່ແມ່ ເປັນເພງທີ່ເໝາະສົມແທ້ໆ Home Sweet Home ເພາະເປນເຮືອນຫລືຄອບຄົວທີ່ມີຄວາມສຸກແທ້ໆ ນັ່ງກິນເຂົ້າແລະຂໍຟັງເພງນໍາກັນ. ພາໃຫ້ປ້ານຶກເຖິງສະໄໝຍັງຮຽນຢູ່ມັດທະຍົມ ປ້າກໍນັ່ງກິນເຂົ້າແລງແລະຟັງວິທະຍຸວີໂອເອ ໄປພ້ອມແບບນີ້ແຫລະ ທຸກໆມື້ຈົນປ້າຕັ້ງປະນິທານວ່າ ມື້ນຶ່ງຕ້ອງເປັນໂຄສົກວິທະຍຸແຫ່ງນີ້ໃຫ້ໄດ້ ກໍໄດ້ເປັນສົມດັ່ງໄຝ່ຝັນ. ເອົ້າ ກໍຂໍມອບໃຫ້ຄອບຄົວແກ້ວມະນີທັງບ້ານເລີຍ ພ້ອມກັບທຸກໆທ່ານທີ່ກໍາລັງຟັງຢູ່ ແລະຂ້າພະເຈົ້າກໍຂໍອໍາລາໄປພ້ອມກັບເພງນີ້ ສຸກສົດຊື່ນສົມຫວັງ ຈົ່ງມີແກ່ທຸກໆທ່ານ. ລາຕີສະຫວັດ.
