ສະບາຍດີ ທ່ານຜູ້ຟັງທຸກໆທ່ານ ເພື່ອບໍ່ໃຫ້ເສຍເວລາ ຂ້າພະເຈົ້າຂໍສະເໜີເພງທໍາອິດເລີຍ ຊຽງຂວາງແດນງາມ ຂອງຕ້ອມ ເຮນໂບ. ຍາລຸງບົວຫອມ ດໍາລົງ ຂໍຟັງມາ ຕັ້ງແຕ່ຕົ້ນເດືອນ 12 ພຸ້ນ ແຕ່ຈົດໝາຍຫາກໍມາຮອດ ຂຽນຫາວັນນະສອນ ແຕ່ຂະນ້ອຍຖືວິສາສະເປີດອ່ານ ຄິດ ວ່າຍາລຸງຄົງຂໍຟັງເພງມາແນ່ນອນ ເພາະກ່ວາວັນນະສອນຈະກັບມາເຮັດວຽກ ກໍຄົງທ້າຍເດືອນສາມພຸ້ນ. ເອົາກະຂໍມອບໃຫ້ຍາລຸງບົວຫອມເລີຍ ພ້ອມກັບຫລານລັດຕະນະ ຄົນເກ່ງແລະໜ້າຮັກ ທີ່ເຮັດວຽກສອງຈອ໊ບແລ້ວ ຍັງໄປຮຽນພ້ອມ. ຂໍໃຫ້ຈົບໄວໆເດີ້.
ເອົາ ຊົມຄວາມງາມຂອງພາກເໜືອຂອງປະເທດລາວແລ້ວ ບັດນີ້ໄປຟັງສຽງອອນຊອນຂອງລໍາຄອນສະຫວັນ ທາງພາກກາງຂອງລາວກັນເນາະ. ຜູ້ຟັງຈາກປະເທດໄທ ຍາລຸງສະວ່າງ ທອງບໍ່ ທີ່ຈັງຫວັດໜອງບົວລໍາພູ ຂຽນມາແຕ່ເດືອນທັນວາຄືກັນ ຂໍຟັງລໍາພອນສະຫວັນ ວ່າຊັ້ນ ຄິດວ່າຄົງໝາຍເຖີງຄອນສະຫວັນ ກໍຂໍຈັດໃຫ້ເລີຍ ຫວັງວ່າຍາລຸງຄົງກໍາລັງຟັງຢູ່. ເຊີນຍາລຸງກັບບັນດາທ່ານຮັບຟັງໄດ້ເລີຍ ລໍາຄອນສະຫວັນ ຜົນງານຂອງໝໍລໍາຍິງ ວົງພະຈັນ ເພັດໜູພັນ.
ຈັ່ງໃດຄືນນີ້ ຂ້າພະເຈົ້າກໍພາທ່ານລ່ອງລົງມາ ຕັ້ງແຕ່ເໜືອຫາພາກກາງ ຂອງລາວແລ້ວ ກະໄປຮອດພາກໃຕ້ເລີຍຊະເນາະ ພ້ອມກັບເພງນີ້ເລີຍ ກຸຫລາບປາກເຊ ຂອງອານຸສອນ ຈັດໃຫ້ຕາມຄໍາຂໍຂອງອາຈານອົງນຶ່ງທີ່ຈັງຫວັດຊຽງຣາຍ ປະເທດໄທ. ຂ້າພະເຈົ້າເອງກໍບໍ່ແນ່ໃຈວ່າ ຈະຜິດສິນຫລືບໍ່ ແຕ່ເພິ່ນກໍຄົງຈະຮູ້ດີເນາະ. ຈັ່ງໃດກໍຕາມ ຂອບໃຈຂະນ້ອຍທີ່ຕິດຕາມຟັງວີໂອເອ ຈົນໄລ່ຊື່ພະນັກງານໄດ້ໝົດທຸກຄົນ. ພ້ອມນີ້ ຂ້າພະເຈົ້າຂໍມອບໃຫ້ທ່ານແຟນລາຍການທຸກທ່ານໆ ພິເສດຄອບຄົວແກ້ວມະນີ ທີ່ກໍາລັງກິນເຂົ້າຢູ່. ພົບກັນໃໝ່ ແລງວັນອາທິດໜ້າ. ລາຕີສະຫວັດ.
ເອົາ ຊົມຄວາມງາມຂອງພາກເໜືອຂອງປະເທດລາວແລ້ວ ບັດນີ້ໄປຟັງສຽງອອນຊອນຂອງລໍາຄອນສະຫວັນ ທາງພາກກາງຂອງລາວກັນເນາະ. ຜູ້ຟັງຈາກປະເທດໄທ ຍາລຸງສະວ່າງ ທອງບໍ່ ທີ່ຈັງຫວັດໜອງບົວລໍາພູ ຂຽນມາແຕ່ເດືອນທັນວາຄືກັນ ຂໍຟັງລໍາພອນສະຫວັນ ວ່າຊັ້ນ ຄິດວ່າຄົງໝາຍເຖີງຄອນສະຫວັນ ກໍຂໍຈັດໃຫ້ເລີຍ ຫວັງວ່າຍາລຸງຄົງກໍາລັງຟັງຢູ່. ເຊີນຍາລຸງກັບບັນດາທ່ານຮັບຟັງໄດ້ເລີຍ ລໍາຄອນສະຫວັນ ຜົນງານຂອງໝໍລໍາຍິງ ວົງພະຈັນ ເພັດໜູພັນ.
ຈັ່ງໃດຄືນນີ້ ຂ້າພະເຈົ້າກໍພາທ່ານລ່ອງລົງມາ ຕັ້ງແຕ່ເໜືອຫາພາກກາງ ຂອງລາວແລ້ວ ກະໄປຮອດພາກໃຕ້ເລີຍຊະເນາະ ພ້ອມກັບເພງນີ້ເລີຍ ກຸຫລາບປາກເຊ ຂອງອານຸສອນ ຈັດໃຫ້ຕາມຄໍາຂໍຂອງອາຈານອົງນຶ່ງທີ່ຈັງຫວັດຊຽງຣາຍ ປະເທດໄທ. ຂ້າພະເຈົ້າເອງກໍບໍ່ແນ່ໃຈວ່າ ຈະຜິດສິນຫລືບໍ່ ແຕ່ເພິ່ນກໍຄົງຈະຮູ້ດີເນາະ. ຈັ່ງໃດກໍຕາມ ຂອບໃຈຂະນ້ອຍທີ່ຕິດຕາມຟັງວີໂອເອ ຈົນໄລ່ຊື່ພະນັກງານໄດ້ໝົດທຸກຄົນ. ພ້ອມນີ້ ຂ້າພະເຈົ້າຂໍມອບໃຫ້ທ່ານແຟນລາຍການທຸກທ່ານໆ ພິເສດຄອບຄົວແກ້ວມະນີ ທີ່ກໍາລັງກິນເຂົ້າຢູ່. ພົບກັນໃໝ່ ແລງວັນອາທິດໜ້າ. ລາຕີສະຫວັດ.
