ສບາຍດີແຟນລາຍການທີ່ໜ້າຮັກທຸກໆທ່ານ ໃນຊ່ວງນີ້
ບັນຍາກາດໃນນະຫຼວງ ວໍຊິງຕັນດີຊີ ກໍສວຍງາມເຕັມປ່ຽມ
ໄປດ້ວຍໃບໄມ້ຫຼາກຫຼາຍສີ ທັງແດງເຫຼືອງແສດ ແລ້ວກໍ
ຈະຮ່ວງລົ່ນຕາມການເວລາ ເພື່ອຕ້ອນຮັບໜ້າໜາວ ທີ່ກໍາ
ລັງຈະມາເຖິງໃນໄວໆນີ້. ວັນນະສອນຂໍເເນະນໍາເພງໃໝ່ໆ
ຂອງນັກຮ້ອງສາວ ລາວ-ອະເມຣິກັນ ລີນາ ລັດຕະນະ
ຈາກລັດ ເຄນຊັດ ເພງ “ບ້ານນາຜາສຸກ” ນີ້ເປັນຜົນງານ
ເພງດັງໃນອະດີດ ທີ່ລີນານໍາຂຶ້ນມາຂັບຮ້ອງໃນຊຸດນີ້
ຊຶ່ງເປັນຊຸດທໍາອິດ ທີ່ມີຊື່ຊຸດວ່າ “ສາວແກ່” ວັນນະສອນຂໍ
ຝາກຜົນງານເພງຊຸດນີ້ແລະຝາກ ລີນາ ລັດຕະນະ ໄວ້ກັບ
ທ່ານຜູ້ຟັງອີກຕື່ມຄົນນຶ່ງ. ໄປຟັງເພງ “ບ້ານນາຜາສຸກ”
ຮ່ວມກັນເລີຍ.
ເພງ “ກໍເພາະຮັກເຈົ້າ” ຂອງສາວນ້ອຍສຽງໃສ ນ້ອງ ປິມ ສິນລະປິນສາວຈາກສປປລາວ
ຈັດໃຫ້ທ່ານຜູ້ຟັງທີ່ກຣຸງເທບ ປະເທດໄທ ທີ່ຂໍຟັງເພງນັກຮ້ອງໄວຣຸ້ນແຕ່ບໍ່ໄດ້ບອກວ່າ
ເປັນຂອງສິນລະປິນທ່ານໃດ ແລະຫວັງວ່າ ເພງຂອງນ້ອງປິມ ຄົງຈະພາໃຫ້ທ່ານຄົມສັນ
ເມືອງສວຍຄົງຈະ ຂຽນເຂົ້າມາຫາທາງເຮົາອີກແລະຖ້າມີນັກຮ້ອງຄົນໂປດໃນດວງໃຈ
ກໍບອກມາດ້ວຍແລ້ວຈະຈັດໃຫ້ຖືກໃຈ.
ສ່ວນຜູ້ຟັງ ນ້ອງ ດອນມາລາ ຈາກ ອອ໊ສເຕເລຍ ຂຽນ email ເຂົ້າມາຂໍຟັງເພງຂອງ
ນ້ອງ ອາເລັກຊານດຣາ ຫຼາຍຄັ້ງແລ້ວ ແຕ່ຍັງບໍ່ທັນໄດ້ມີໂອກາດຕອບ ຫັວງວ່າຄົງຈະ
ບໍ່ນ້ອຍໃຈແລະບໍ່ວ່າກັນ ແລະຍັງຈະຄອຍຕິດຕາມລາຍການຂອງ VOA ຕະລອດໄປ.
ວັນນະສອນ ຂໍມອບເພງ “ວັນທີ່ເຈົ້າມາຫາ” ໃຫ້ນ້ອງ ດອນມາລາແລະທຸກໆທ່ານຟັງ
ພ້ອມໆກັນເລີຍ. ຟັງເພງໃນລາຍການສຽງເພງຈາກແດນໄກຂອງ VOA ກໍຈະທັນສະໄໝ
ທັນເຫດການ.
