ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສັກ ວົງ Cell - ອາການຂອງຄົນທີ່ຖືກຖີ້ມ


ສັກ - Cells
ສັກ - Cells

ຄໍ່າຄືນນີ້ໃນລາຍການສຽງເພງຈາກແດນໄກຂອງ VOA ວັນນະສອນໄດ້ກຽມເພງໃຫ້ ທ່ານຜູ້ຟັງຕາມທີ່ຂໍມາໄວ້ແລ້ວ ຂໍເຊີນເຂົ້າສູ່ລາຍການເພື່ອຮັບຟັງມວ່ນໆພ້ອມກັນເລີຍ

ສະບາຍ​ດີ​ທຸກໆ​ທ່ານ​ ຊ່ວງ​ນີ້ອາກາດ​ໃນ​ນະຄອນຫຼວງ Washington DC ອົບເອົ້າ
ຮ້ອນເປັນພິເສດ, ຮ້ອນກ່ວາປົກກະຕິ ແຕ່ຈະຮ້ອນແຮງໄປກວ່າເພງທີ່ວັນນະສອນຈະ
ຈັດໃຫ້ຟັງຕໍ່ໄປນີ້ ຄົງເປັນໄປບໍ່ໄດ້ ເອົາໄປຟັງພ້ອມໆກັນເລີຍ.

ເພງ "ອາການຂອງຄົນຖືກຖີ້ມ" ໂດຍ ສັກ-Cells

ເຫັນບໍ່ບອກແລ້ວວ່າເພງນີ້ຮ້ອນແຮງທັງນໍ້າສຽງລີລາແລະຄວາມໝາຍຂອງເພງນີ້
"ອາການຂອງຄົນຖືກຖີ້ມ
" ເປັນຜົນງານເພງຂອງໜຸ່ມສັກ ວົງ Cells ຈາກ
ສປປລາວ ຜູ້ທີ່ມີຫຼາກຫຼາຍຄວາມສາມາດ​ ທັງຮ້ອງທັງແຕ່ເພງເອງ ກໍຂໍບອກໃຫ້
ນ້ອງໆໃຫ້ເຂົ້າໃຈວ່າ ເອົາໃຈຄົນອື່ນມາໃສ່ໃຈຕົນດ້ວຍ ກໍຕ້ອງຫາທາງອອກທີ່
ສວຍງາມ ແລະຈົບລົງດ້ວຍດີທັງສອງຝ່າຍ ແລະເພງ "ສາວພັນໄຊ" ນີ້ ຈັດມອບ
ໃຫ້ນ້ອງ ເວີນສອນ ຫຼື ເອີນ ນັກສຶກສາລາວທີ່ຟິລິບປີນ​ email ບອກມາວ່າ
ຕິດຕາມ VOA ສະເໝີມາບໍ່ໄດ້ຂາດ. ນ້ອງເອີນຍັງບອກມາວ່າ ຂໍຟັງຮ່ວມກັບທ່ານ
ຜູ້ຟັງ VOA ທຸກຖ້ວນໜ້າ ແລະພິເສດສຸດ ຊາວຊໍາເໜືອ​ທຸກໆທ່ານ ເພາະຄິດຮອດ
ຫຼາຍ ວັນນະສອນຫວັງວ່າເພງ "ສາວພັນໄຊ" ເປັນຜົນງານຂອງນັກຮ້ອງສາວ
ແສງມະນີ ຈັນທະວົງ ສິນລະປິນຈາກ ສປປ ລາວ.

ເພງ: "ສາວພັນໄຊ" ໂດຍ ແສງມະນີ ຈັນທະວົງ

ຜູ້ຟັງຊາວຊໍາເໜືອໄດ້ຟັງເພງ"ສາວພັນໄຊ" ນີ້ແລ້ວ ກໍຢ່າງລືມສົ່ງຄວາມຄິດຮອດ
ນ້ອງເອີນນໍ​າແລະຂໍໃຫ້ນ້ອງຕັ້ງໃຈຮຽນໃຫ້ຈົບໄວໆ​ແລະເພງ "ສອງຝັ່ງຂອງ"
ທີ່ຂັບຮ້ອງໂດຍ ຮຸ່ງຟ້າ ດາວໃໝ່ ນີ້​ ຈັດໃຫ້ຜູ້ຟັງນາມແຝງ​ຄົນມັກເພງລາວ
ຄົນໃກ້ບ້ານ
ຂໍຟັງມາ ແຕ່ໜ້າເສຍດາຍ ບໍ່ໄດ້ລະບຸວ່າເປັນເພງຂອງທ່ານໃດ ອີກຢ່າງ
ທາງເຮົາກໍບໍ່ມີເພງນີ້ ຫວັງວ່າເພງດັງໃນອະດີດ "ສອງຝັ່ງຂອງ" ນີ້ ຄົງຈະເຮັດໃຫ້
ຄົນມັກເພງ​ລາວ ຄົນໃກ້ບ້ານ
ຂຽນ email ເຂົ້າມາອີກ.

ຂໍໃຫ້ທຸກໆທ່ານນອນຫຼັບຝັນດີ​ແລະພົບກັນໃໝ່ໃນອາທິດໜ້າ.

ເພງ "ສອງຝັ່ງຂອງ" ໂດຍ ​ ຮຸ່ງຟ້າ ດາວໃໝ່

XS
SM
MD
LG