ລາຍການຊີວິດຊາວລາວຂອງ VOA ໃນຄ່ຳຄືນນີ້ພິເສດແດ່
ຊຶ່ງແຫວກແນວຫຼາກຫຼາຍເລື້ອງລາວທີ່ທາງເຮົາໄດ້ນຳສະເໜີ
ມາຈາກອະດີດ ຈົນເຖິງປະຈຸບັນ. ວັນເວລາໝູນວຽນປ່ຽນໄປ ສັງຄົມປ່ຽນໄປ ມຸມມອງຂອງຄົນເຮົາ ເຈົ້າຂ້ອຍ ກໍປ່ຽນໄປ ເພາະສະນັ້ນມື້ນີ້ ຂໍແນະນຳໃຫ້ແຟນລາຍການໄດ້ມາຮູ້ຈັກແລະຮຽນຮູ້ ກ່ຽວກັບເລື້ອງລາວຂອງສາວເຈົ້າ ທີ່ເກີດມາເປັນເປັນເດັກຊາຍ ແລະໃນປະຈຸບັນນີ້ ໄດ້ກາຍມາເປັນນາງສາວຢ່າງສົມບູນແບບ ໃນສະບັບຂອງ ດຣ. ອິນລືຊາ ບາແສງຄຳ ຊຶ່ງອິນລືຊາ ໄດ້ເລົ່າເຖິງເບື້ອງຫຼັງຄວາມເປັນມາວ່າ ເປັນຄົນສະຫວັນນະເຂດ ເກີດແລະໂຕມາໃນທີ່ນັ້ນ ເປັນລູກຂອງພໍ່ອິນພະມາ ແລະແມ່ພູຄຳ ເປັນຄົນສຸດທ້ອງ ຂອງເອື້ອຍ ສາມຄົນແລະ
ອ້າຍສາມຄົນ ຊຶ່ງອິນລືຊາ ແນະນຳຕົວເອງວ່າ:
ອິນລືຊາ ເຕີບໂຕມາຈາກຄອບຄົວລາວສາມັນທົ່ວໄປ ແຕ່ມັກຮັກ
ໃນການສຶກສາຮ່ຳຮຽນ ຕັ້ງຕໍ່ສຶກສາ ຈົນນຈົບປລິນຍາຕີຈາກມະຫາ
ວິທະຍາໄລແຫ່ງຊາດ ສາຂາພາສາອັງກິດ ແລະຈົບປລິນຍາໂທ
ຈາກຍີ່ປຸ່ນ ແລະປລິນຍາເອກຈາກ Portugal ຊຶ່ງອິນລືຊາ ດັ່ງການ
ສຳພາດຕໍ່ໄປນີ້:
ອິນລືຊາເປັນເດັກໄຝ່ຮຽນ ແລະຂະໜຍັນອົດທົນສຶກສາຕ່າງຕໍ່ໄປ
ແບບບໍ່ລົດລະ ແລະຫຼັງຈາກທີ່ໄດ້ໃຊ້ເວລາເຮັດວຽກກັບກຸ່ມອົງການ
World Vision ມັນໄດ້ເປັນຈຸດປະກາຍໃຫ້ ອິນລືຊາ ສະແຫວງຫາ
ແລະຮຽນຮູ້ສິ່ງໃຫມ໋ໆ ເປັນອາສາມະໝັກ ຟາກພັດທະນາ ພວກ
ເດັກນ້ອຍຕາມຊົນນະບົດ ໃຫ້ມາເອົາດີທາງການຮຽນ ຈຶ່ງໄດ້ວິໄຈ
ກ່ຽວກັບສາເຫດຂອງພວກເດັກນ້ອຍທີ່ອອກໂຮງຮຽນ ຊຶ່ງອິນລືຊາ
ເລົ່າຕໍ່ໄປວ່າ:
ອິນລືຊາ ຄືເກີດມາເປັນເດັກຊາຍ ແລະມີຈິດໃຈອຽງແພດ ເປັນ
ແມ່ຍິງ ບໍ່ເຄີຍຈະນ້ອຍໃຈໃນຄວາມເປັນຕົນຕົວຂອງຕົວເອງ
ພ້ອມທັງຄອບຄົວກໍໃຫ້ຄວາມເຫັນອົກເຫັນໃຈ ຍອມຮັບແລະບໍ່ວ່າ
ຫຍັງ ອິນລືຊາ ບອກມາວ່າ ພໍ່ບໍ່ຖື ຂໍໃຫ້ລູກເປັນຄົນດີໃນສັງຄົມ
ກໍພໍ ຊຶ່ງອິນລືຊາ ເລົ່າເຖິງປະສົບການຂອງຂັ້ນຕອນການປ່ຽນເພດ
ຫຼືຂ້າມເພດຈາກຊາຍມາເປັນຍິ່ງ ດັ່ງການສຳພາດຕໍ່ໄປນີ້:
ບົດບາດຂອງອິນລືຊາ ບໍ່ແມ່ນພຽງແຕ່ອາຈານສອນ ເປັນອາສາສະມັກ ເປັນປາກສຽງໃຫ້ແກ່ກຸ່ມຂ້າມເພດເທົ່ານັ້ນ ຄວາມຕັ້ງໃຈຂອງອິນລືຊາ ບໍ່ໄດ້ຢຸດຢັ້ງຢູ່ກັບທີ່ ຍັງຈະຕ້ອງດຳເນີນຕໍ່ໄປ ຊຶ່ງປະຈຸບັນນີ້ ກໍກຳລັງຕຽມບົດວິໄຈ ກ່ຽວກັບສາເຫດແລະແຮງດົນບັນດານໃຈຂອງການເປັນໂສເພນີຂ້າມແພດ ຊຶ່ງອິນລືຊາ ບອກມາວ່າ ໄດ້ສົ່ງໄປໃຫ້ທາງມະຫະວິທະຍາໄລ Havard ແລ້ວ ຍັງແຕ່ລໍຜົນຕອບເທົ່ານັ້ນ. ຄ່ຳຄືນນີ້ ທີ່ທ່ານກຳລັງຟັງ VOA ຢູ່ນີ້ ອິນລືຊາ ກໍໄດ້ ໄປປະຈຳຢູ່ກອງປະກວດ Miss International Queen ທີ່ພັດທະຍາ ປະເທດໄທ ເຂົ້າປະຊັນຄວາມງາມ ຄວາມສາມາດ ເປັນຕົວແທນໃຫ້ ສປປ ລາວ ຊຶ່ງອິນລືຊາ ກ່າວເຖິງຄວງາມຮູ້ສຶກແລະຈຸດປະສົງຂອງການເຂົ້າແຂງຂັນ ຮ່ວມກັບສາວງາມທົ່ວໂລກ ດັ່ງທີ່ບົດສຳພາດຕໍ່ໄປນີ້:
ການທີ່ໄດ້ສຳພັດແລະຮຽນຮູ້ເຖິງຄວາມຮູ້ສຶກຂອງສາວຂ້າມເພດນີ້ ເຮັດໃຫ້ ເຮົາ ເຈົ້າ ຂ້ອຍ
ໄດ້ຮຽນຮູ້ຫຼາຍຢ່າງ ຮຽນຮູ້ເຖິ ງມຸມມອງ ຄວາມຄິດອ່ານ ທັງນີ້ ທັງນັ້ນ ຂ້າພະເຈົ້າວ່າ ຄົນເຮົາເລືອກເກີດບໍ່ໄດ້ ແຕ່ເລືອກທີ່ຈະເປັນຄົນດີໄດ້ ແລະສ້າງຜົນງານໃຫ້ໂລກໜ່ວຍນີ້ໄວ້ ກ່ອນທີ່ພວກເຮົາຈະໄດ້ອຳລາພ າຈາກ ຊຶ່ງອິນລືຊາ ກ່າວວະຫຼຸບວ່າ:
ການທີ່ສຳພາດອິນລືຊາ ຄັ້ງນີ້ ເຮັດໃຫ້ພວກເຮົາໄດ້ຮຽນຮູ້ ໄດ້ເຂົ້າໃຈອີກຫຼາຍໆມຸມມອງ
ຂອງສາວຂ້າມເພດເພາະສະນັ້ນຢາກຈະໃຫ້ທຸກທ່ານຍອມຮັບເຖິງຕົນຕົວຂອງພວກເຂົາເຈົ້າ ໃຫ້ມອງຂ້າມພາບລັກ ຮູບຮ່າງໜ້າຕາຂອງພວກເຂົາເຈົ້າ ໃຫ້ມອງເຖິງຈິດໃຈ ຄວາມຮູ້ສຶກ
ແລະຄວາມສາມາດຂອງແຕ່ລະບຸກຄົນ ເພາະສະນັ້ນທາງລາຍການຊີວິດຂາວລາວຂອງ VOA ຂໍສົ່ງກຳລັງໃຈ ໄປໃຫ້ອິນລືຊາ ນຶ່ງມື້ ກ່ອນວັນປະກວດ Miss International Queen ທີ່ພັດທະຍາ ປະເທດໄທ ວັນທີ່ 6 ພະຈິກ ຂໍໃຫ້ເດີນຕາມຝັນແລະສ້າງຝັນໃຫ້ເປັນ
ຄວາມຈິງດັ່ງທີ່ຈຕັ້ງໃຈໄວ້ ຂໍໃຫ້ໂຊກດີ ແລະຂໍໃຫ້ເປັນຕົວແທນຂອງຄວາມງົດງາມ ຄຸນງາມຄວາມດີຂອງຄວາມເປັນລາວ ສູ່ສາຍຕາຊາວໂລກ ໃນເວທີສາກົນຄັ້ງນີ້
ວັນນະສອນ ແກ້ວດາຣາ.