ສະບາຍດີທ່ານຜູ້ຟັງທີ່ຄອຍຕິດຕາມລາຍການຊີວິດຊາວລາວ
ຂອງ VOA ຄ່ຳຄືນນີ້ພິເສດແດ່ທ່ານ ເນື່ອງຈາກວ່າ ວັນທີ 4 ກໍລະກົດ ມື້ອື່ນນີ້ ແມ່ນວັນເອກກະລາດຂອງສະຫະລັດ ເລີ່ມຕັ້ງແຕ່ປີ 1776 ເປັນຕົ້ນມາ ຈົນມາຮອດປະຈຸບັນນີ້ ສະຫະລັດ ມີອາຍຸໄດ້ 238 ປີແລ້ວ ຊຶ່ງວັນດັ່ງກ່າວມີບົດບາດສຳຄັນຍິ່ງຂອງປະເທດນີ້
ທີ່ຖືວ່າເປັນວັນປະກາດເອກກະລາດ ປົດແອກອອກຈາກປະເທດອັງກິດ.
ວັນ Independence Day ຫຼືວັນເອກກະລາດ ທີ່ທຸກຄົນມັກ
ຈະເອີ້ນກັນວ່າ the 4th of July ແລະມື້ນີ້ ທາງສະຫະລັດ ຈະມີ
ການຈັດສະຫຼອງຢ່າງອະລັງການ ມີການເດີນສວນສະໜາມ
ການສະແດງດົນຕີກາງແຈ້ງ ແລະຈູດບັ້ງໄຟດອກໃນຍາມລາຕີ
ຕາມຫົວເມືອງໃຫຍ່ຕ່າງໆທົ່ວປະເທດ ແລະກິດຈະກຳທີ່ພິເສດ
ທີ່ມີຂຶ້ນໃນມື້ສະເຫຼີມສະຫຼອງທີ່ສຳຄັນນີ້ ກໍແມ່ນພິທີຈັດມອບໃບ
ປະກາດເປັນສັນຊາດອາເມຣິກັນ ໃຫ້ຊາວອົບພະຍົບທົ່ວໂລກທີ່
ໄດ້ເຂົ້າມາຕັ້ງຖິ່ນຖານຢູ່ໃນສະຫະລັດ ທີ່ໄດ້ຢູ່ຄົບຕາມລະບົບ
ກົດໝາຍ ທຸກປະການ.
ມື້ນີ້ ທາງ VOA ມີໂອກາດສຳພາດກັບທ່ານບົວວັນ ຣາສີຫ໌
ທີ່ກ່ຽວຂ້ອງແລະມີບົດບາດໃນປະຊາຄົມລາວ-ອາເມຣິກັນ
ມາເນີ້ນນານກວ່າ 30 ປີ ໂດຍສະເພາະໃນເມືອງ San Diego
ລັດ California ລັດທາງພາກຕາເວັນຕົກສຽງໃຕ້ຂອງສະຫະລັດ
ຊຶ່ງທ່ານບົວວັນ ໄດ້ໂອ້ລົມກັບ VOA ກ່ຽວກັບເບື້ອງຫຼັງ
ຄວາມເປັນມາຂອງອົງການຕ່າງໆທີ່ໄດ້ພົວພັນວ່າ:
ທ່ານບົວວັນເລົ່າໃຫ້ຟັງຕໍ່ໄປວ່າ ໄດ້ຊ່ອຍເຫຼືອປະຊາຄົມລາວ
ໃນຫຼາຍໆດ້ານ ຊຶ່ງສ່ວນໃຫຍ່ຈະເປັນການແປພາສາ ຊ່ອຍເຫຼືອ
ພວກອົບພະຍົບ ແລະໂຄງການສັງຄົມສົງເຄາະອື່ນໆ ແລະໃນ
ວຽກງານທີ່ຫຼ້າສຸດນີ້ ແມ່ນການສ້າງຕັ້ງສະຖາບັນການສອນ
ປະຫວັດສາດອາເມຣິກາ ເພື່ອໃຫ້ເປັນສັນຊາດອາເມຣິກັນ
ຊຶ່ງທ່ານເລົ່າຕໍ່ໄປວ່າ:
ກົດລະບຽບການຂອງການປ່ຽນມາເປັນສັນຊາດອາເມຣິກັນນີ້ ແມ່ນຈະດັດແກ້ຕາມຍຸກ
ຕາມສະໄໝ ຊຶ່ງທ່ານກ່າວວ່າ ທາງອົງການໄດ້ຊ່ອຍພວກສູງອາຍຸທີ່ກາຍ 50 ປີ ຂຶ້ນໄປ
ແລະມາຢູ່ອາເມຣິການານກວ່າ 20 ປີ ຂຶ້ນໄປ ນັ້ນວ່າ…ມີສິດສາມາດສອບເປັນພາສາ
ລາວ ດ້ວຍການນຳເອົານາຍພາສາໄປຊ່ອຍໄດ້.
ຍານາງ ຄອນສະຫວັນ ຈິນດາວົງ ກໍເປັນນຶ່ງໃນຈຳນວນ 800
ກວ່າຄົນ ທີ່ທ່ານບົວວັນ ໄດ້ຊ່ອຍສິດສອນ ຍານາງຄອນສະຫວັນ
ເຂົ້າມາຢູ່ສະຫະລັດ ຕັ້ງແຕ່ປີ 1991 ແຕ່ວ່າໄດ້ຮ່ຳຮຽນໜ້ອຍ
ພຽງແຕ່ຈົບຊັ້ນປ 4ເທົ່ານັ້ນຕອນທີ່ມາຮອດສະຫະລັດບໍ່ໄດ້ມີ
ໂອກາດສຶກສາເລີຍອ່ານພາສາອັງກິດບໍ່ໄດ້ຈຶ່ງມີຄວາມຈຳເປັນ
ທີ່ຈະຕ້ອງການຄວາມຊ່ອຍເຫຼືອຈາກສະຖາບັນການຮຽນປະຫວັດ
ສາດຂອງສະຫະລັດ ເພື່ອຈະສອບໃຫ້ໄດ້ເປັນສັນຊາດອາ
ເມຣິກັນ ດັ່ງຍານາງຄອນສະຫວັນ ເລົ່າໃຫ້ຟັງວ່າ:
ທ່ານບົວວັນໄດ້ຊ່ອຍເຫຼືອເລື່ອງການແປພາສາແລະການສິດສອນເພື່ອຈະສອບເປັນສັນ
ຊາດອາເມຣິກັນໃນຫຼາຍລັດ ຊຶ່ງໃນໄລຍະຕະຫຼອດ20 ກວ່າປີຜ່ານມານີ້ ແມ່ນໄດ້ຊ່ອຍ
ໃຫ້ຊາວອົຍພະຍົບທີ່ເປັນຄົນເອເຊຍສອຍໄດ້ປະມານ 824 ຄົນແລ້ວແລະກໍຈະຍັງສືບຕໍ່
ດຳເນີນວຽກງານ ເລື້ອຍໆໄປ ແຕ່ກໍຈະລົດນ້ອຍຖອຍລົງແດ່ ເພາະວ່າໄດ້ປົດກະສຽນແລ້ວ ດັ່ງບົດສຳພາດຕໍ່ໄປນີ້:
ໂອກາດໜ້າທາງ VOA ຈະນຳເລື່ອງລາວຂອງຄົນລາວທ່ານອື່ນໆອີກ ມາສະເໜີທ່ານ ກະລຸນາຄອຍຕິດຕາມ.
