ລັດຖະມົນຕີການຕ່າງປະເທດແຫ່ງ ສປປ ລາວ ທ່ານ ສະເຫຼີມໄຊ ກົມມະສິດ ໄດ້ຂຶ້ນ
ກ່າວຄຳປາໄສໃນກອງປະຊຸມສະມັດຊາໃຫຍ່ ສະຫະ ປະຊາຊາດ ສະໄໝທີ 73 ທີ່ສຳ
ນັກງານໃຫຍ່ອົງການສະຫະປະຊາ ຊາດ, ໃນນະຄອນ ນິວຢອກ, ສະຫະລັດ ເມື່ອວັນ
ເສົາວານນີ້.
ທ່ານໄດ້ຂຶ້ນກ່າວຄຳປາໄສຂອງທ່ານໃນຕອນບ່າຍ ຫຼັງຈາກການຂຶ້ນກ່າວ ຂອງຮອງ
ນາຍົກລັດຖະມົນຕີຈາກປະເທດ ສາທາລະນະລັດ ເຊັກ. ທ່ານ ສະເຫຼີມໄຊ ໄດ້ກ່າວ
ເຖິງບັນຫາສະພາບອາກາດປ່ຽນແປງໃນຫຼາຍພາກ ສ່ວນຂອງໂລກ ແລະ ໂດຍສະ
ເພາະໄພພິບັດນໍ້າຖ້ວມທີ່ໄດ້ເກີດຂຶ້ນໃນ ລາວ ເຊິ່ງໄດ້ສ້າງຄວາມເສຍຫາຍຢ່າງໜັກ
ໜ່ວງຕໍ່ປະເທດ.
ທ່ານ ສະເຫຼີມໄຊ ໄດ້ກ່າວວ່າ “ປີນີ້ພວກເຮົາໄດ້ປະເຊີນກັບຄວາມຫາຍະນະຂອງສະ
ພາບອາກາດປ່ຽນແປງ ແລະ ໄພພິບັດທຳມະຊາດ ທີ່ໄດ້ສ້າງ ຄວາມສູນເສຍ ແລະ
ການເສຍຫາຍຕໍ່ຊີວິດ, ຊັບສິນຂອງປະຊາຊົນໃນ ຫຼາຍພາກສ່ວນຂອງໂລກ. ເຊັ່ນ
ດຽວກັບຫຼາຍປະເທດນັ້ນ, ສປປ ລາວ ກໍບໍ່ໄດ້ຖືກລະເວັ້ນ ແລະ ໄດ້ຮັບຜົນກະທົບຢ່າງ
ໜັກຈາກໄພພິບັດທຳມະຊາດ ໂດຍສະເພາະໄພນໍ້າຖ້ວມທີ່ຍືດເຍື້ອໃນທົ່ວປະເທດ.”
ນອກຈາກນັ້ນ, ທ່ານລັດຖະມົນຕີ ຍັງໄດ້ເນັ້ນເຖິງການບັນລຸເປົ້າໝາຍການ ພັດທະນາ
ແບບຍືນຍົງ, ເຊິ່ງໄດ້ຖືກລວມເຂົ້າໃນແຜນການພັດທະນາ 5 ປີ ສຳລັບປີ 2016 ຫາ
2020 ຂອງລັດຖະບານລາວ ແລະ ທ່ານກໍໄດ້ກ່າວ ເຖິງການສົ່ງເສີມການຮຽກຮ້ອງ
ປະຕິບັດ ກ່ຽວກັບ ບັນຫາຢາເສບຕິດໃນ ໂລກ, ເຊິ່ງປະທານາທິບໍດີ ສະຫະລັດ ເປັນ
ຜູ້ລິເລີ່ມ, ພ້ອມທັງການຕໍ່ສູ້ ກັບການຄ້າມະນຸດ ດ້ວຍການຮັບຮອງເອົາກົດໝາຍຫຼາຍ
ສະບັບ.
