ປະຊາຊົນລາວກຳລັງປະເຊີນກັບຄວາມບໍ່ໝັ້ນຄົງດ້ານສະບຽງອາຫານຫລາຍຂື້ນເນຶ່ອງຈາກປາກົດວ່າໄດ້ມີການປ່ຽນແປງສະພາບດິນທົ່ງນາແລະພື້ນທີ່ການກະເສດໄປເປັນເຂດທີ່ຢູ່ອາໄສເພີ່ມຫລາຍຂື້ນນັບມື້ ສ່ວນການກະເສດຕະກອນລາວກໍໄດ້ພາກັນປະລະຈາກການເຮັດນາເພີ່ມຫລາຍຂື້ນອີກ ດ້ວຍ.
ທ່າງນາງມົນທາທິບ ຈັນເພັງໄຊ ຫົວໜ້າກົມກະສິກຳ ກະຊວງກະສິກຳປ່າໄມ້ລາວຖະແຫລງຢືນຢັນວ່າຄວາມໝັ້ນຄົງດ້ານສະບຽງອາຫານຂອງປະຊາຊົນລາວກຳລັງປະເຊີນກັບບັນຫາທ້າທາຍທີ່ສຳຄັນປະການນຶ່ງ ຊື່ງຈະສົ່ງຜົນກະທົບເຮັດໃຫ້ເກີດບັນຫາຄວາມບໍ່ໝັ້ນຄົງດ້ານສະບຽງອາຫານຂອງປະຊາຊົນລາວໄດ້ໃນອະນາຄົດ ໂດຍບັນຫາທ້າທາຍດັ່ງກ່າວນີ້ ກໍຄືການປ່ຽນແປງສະພາບດິນ ນາປູກເຂົ້າແລະພື້ນທີ່ການກະເສດໄປເປັນເຂດທີ່ຢູ່ອາໃສ ຫລືເຂດຊຸມຊົນຫລາຍຂື້ນນັບມື້. ທັງນີ້ ໂດຍສະເພາະແມ່ນທີ່ນາແລະພື້ນທີ່ການກະເສດທີ່ຢູ່ໄກ້ກັບເຂດຕົວເມືອງໃຫຍ່ແລະທີ່ຢູ່ແຄມທາງ ນັ້ນ ນັບເປັນພື້ນທີ່ການກະເສດທີ່ຖືກແປງສະພາບໄປເປັນເຂດທີ່ຢູ່ອາໃສເພີ່ມຂື້ນຢ່າງວ່ອງໄວ ຈຶ່ງເຮັດໃຫ້ມີການອົບພະຍົບຂອງປະຊາກອນທີ່ຢູ່ໃນເຂດຊົນນະບົດເຂົ້າໄປຢູ່ໃນເຂດເມືອງຫລາຍຂື້ນ ເລື້ອຍໆ ແລະເມື່ອເຂດຕົວເມືອງມີປະຊາກອນຫລາຍຂື້ນ ຈຶ່ງເຮັດໃຫ້ຕ້ອງມີການກໍ່ສ້າງທີ່ຢູ່ອາໃສ ເພີ່ມຂື້ນດ້ວຍນັ້ນເອງ. ຍິ່ງໄປກວ່ານັ້ນ ທ່ານນາງມົນທາທິບ ຍັງໄດ້ໃຫ້ການຍອມຮັບດ້ວຍວ່າສາ ເຫດທີ່ສຳຄັນອີກປະການນຶ່ງທີ່ຈະເຮັດໃຫ້ຄວາມໝັ້ນຄົງດ້ານສະບຽງອາຫານໃນລາວລົດລົງນັບມື້ ກໍຄືການທີ່ຍັງຄົງບໍ່ມີການກຳໜົດພື້ນທີ່ການກະເສດແລະເຂດທີ່ຢູ່ອາໃສໃນລາວຢ່າງຊັດເຈນໃນຂະ ນະທີ່ການກໍ່ສ້າງທີ່ຢູ່ອາໃສຊອງປະຊາຊົນສ່ວນໃຫຍ່ກໍບໍ່ໄດ້ມີການຂໍອະນຸຍາດຢ່າງຖືກຕ້ອງ ແລະ ພະນັກງານຂອງລັດຖະບານກໍບໍ່ໄດ້ບັງຄັບໃຊ້ກົດໝາຍຢ່າງເຂັ້ມງວດອີກດ້ວຍ.
ໂດຍເມື່ອປະກອບກັບການຂະຫຍາຍຕົວຫລາຍຂື້ນຂອງພາກທຸລະກິດອະສັງຫາລິມະຊັບໃນລາວທີ່ ເຮັດໃຫ້ທີ່ດິນມີລາຄາແພງຂື້ນດ້ວຍແລ້ວ ກໍຍິ່ງເຮັດໃຫ້ກະເສດຕະກອນລາວພາກັນຂາຍດິນນາ ແລະພື້ນທີ່ການກະເສດຂອງພວກຕົນເພີ່ມຫລາຍຂື້ນນັບມື້ດ້ວຍເຊັ່ນກັນ. ການທີ່ປາກົດວ່າກະເສດ ຕະກອນລາວຈຳນວນບໍ່ໜ້ອຍກໍໄດ້ພາກັນປະລະຈາກການປູກເຂົ້າໄປປູກພືດເສດຖກິດຊະນິດອື່ນໆ ເພື່ອຕອບສະໜອງຕະຫລາດໃນຕ່າງປະເທດເປັນດ້ານຫລັກດ້ວຍແລ້ວກໍຍັງເຮັດໃຫ້ຄົນລາວຕ້ອງ ຂາດແຄນເຂົ້າກິນໃນໄລຍະຕໍ່ໄປຢ່າງຫລີກລ້ຽງບໍ່ໄດ້. ໂດຍສາເຫດທີ່ສຳຄັນທີ່ເຮັດໃຫ້ກະເສດຕະ ກອນລາວພາກັນປະລະຈາກການເຮັດນາປູກເຂົ້າຫລາຍຂື້ນນັບມື້ນັ້ນກໍໄດ້ຮັບການອະທິບາຍຈາກ ເຈົ້າໜ້າທີ່ຂັ້ນສູງໃນກະຊວງກະສິກຳປ່າໄມ້ລາວທ່ານນຶ່ງວ່າ
ຊຶ່ງດ້ວຍສະພາບການດັ່ງກ່າວນີ້ ກໍຍັງສົ່ງຜົນກະທົບຕໍ່ແຜນການຂອງລັດຖະບານລາວທີ່ຈະຂະຫຍາຍພື້ນທີ່ປູກເຂົ້າຈາກ 8ແສນກວ່າເຮັກຕ້າໃນປັດຈຸບັນນີ້ ໃຫ້ເພີ່ມຂື້ນເປັນບໍ່ໜ້ອຍກວ່າ 2 ລ້ານເຮັກຕ້າໃນປີ 2020 ອີກດ້ວຍ ແລະຖ້າຫາກວ່າທາງການລາວບໍ່ສາມາດທີ່ຈະຂະຫຍາຍພື້ນທີ່ ປູກເຂົ້າໄດ້ຕາມເປົ້າໝາຍທີ່ວາງເອົາໄວ້ດັ່ງກ່າວ ກໍຍ່ອມໝາຍເຖິງການທີ່ປະຊາຊົນລາວຈະຕ້ອງປະ ເຊີນກັບບັນຫາຂາດແຄນເຂົ້າກິນທີ່ໜັກໜ່ວງຫລາຍຂື້ນ ເນຶ່ອງຈາກທາງການລາວຄາດການວ່າໃນປີ 2020 ດັ່ງກ່າວ ປະເທດລາວຈະມີຈຳນວນປະຊາກອນເພີ່ມຂື້ນເປັນຫລາຍກວ່າ 8ລ້ານຄົນ ຊຶ່ງ ຈະຕ້ອງມີຜົນຜະລິດເຂົ້າກິນຫລາຍກວ່າ 4 ລ້ານຕັນ ຈຶ່ງຈະພໍພຽງກັບຄວາມຕ້ອງການບໍລິໂພກ ພາຍໃນປະເທດ. ທັງນີ້ໂດຍໃນປີ 2009 ທີ່ຜ່ານມາ ກະເສດຕະກອນລາວໃນທົ່ວປະເທດມີຜົນ ຜະລິດເຂົ້າລວມກັນທັງໝົດ 3 ລ້ານຕັນ ຊຶ່ງຖືວ່າຕ່ຳກວ່າເປົ້າໝາຍທີ່ວາງໄວ້ເຖິງ 2 ແສນກວ່າ ຕັນ ເນຶ່ອງຈາກວ່າເຂດພາກກາງແລະພາກໃຕ້ຂອງລາວໄດ້ປະເຊີນກັບໄພນ້ຳຖ້ວມຢ່າງໜັກໜ່ວງ ໂດຍສະເພາະພັຍທຳມະຊາດຈາກພາຍຸເກດສະໜາ ທີ່ໄດ້ສົ່ງຜົນກະທົບຢ່າງໜັກຕໍ່ປະຊາຊົນໃນເຂດແຂວງຈຳປາສັກ ເຊກອງ ແລະອັດຕະປືນັ້ນເອງ.
