ລິ້ງ ສຳຫລັບເຂົ້າຫາ

ເປັນຫຍັງ ກິ່ງຟ້າ ພິມມະວົງ ຈຶ່ງຕັດສິນໃຈ ກັບຄືນເມືອ ບ້ານເກີດເມືອງນອນ?

  • ວັນນະສອນ ແກ້ວດາຣາ

ບ້ານຊົງລາວຍຸກໃໝ່ ຊຶ່ງເປັນທີ່ນິຍົມປຸກກັນໃນນະຄອນຫຼວງພະບາງ

ສໍາລັບລາຍການຊີວິດຊາວລາວໃນຕ່າງແດນຂອງ VOA ມື້ນີ້ ວັນນະສອນໄດ້ສໍາພາດກັບ ກິ່ງຟ້າ ພິມມະວົງ ຊາວລາວອະເມຣິກັນທີ່ໄດ້ໃຊ້ຊີວິດໃນສະຫະລັດ ນານກວ່າ 3 ທົດສະ ຫວັດ ແລ້ວຕັດສິນໃຈກັບໄປໃຊ້ຊີວິດບັ້ນປາຍໃນມາຕຸພູມບ້ານເກີດ ປະເທດລາວພຸ້ນ. ຂໍເຊີນຮັບຟັງການສຳພາດໄດ້ເລີຍວ່າຈະມີເລື່ອງລາວຄວາມເປັນມາຢ່າງໃດແດ່.

ນານກວ່າ 3 ທົດສະຫວັດແລ້ວທີ່ຊາວລາວຫຼາຍແສນຄົນ
ໄດ້ຫລົບໜີອອກຈາກບ້ານເກີດເມືອງນອນ ໄປຕັ້ງຖິ່ນຖານ
ກະຈັດກະຈາຍຢູ່ໃນຫຼາຍໆປະເທດໃນທົ່ວໂລກ ໂດຍສະ
ເພາະຫະລັດອະເມຣິການີ້ ຖືວ່າແມ່ນມີຈໍານວນຫຼວງຫຼາຍ
ໃນແຕ່ລະລັດ ອາດຈະເປັນເພາະວ່າສະຫະລັດເປັນປະເທດ
ທີ່ໃຫ້ໂອກາດແກ່ທຸກໆຄົນ ບໍ່ເລືອກຊັ້ນວັນນະ, ບໍ່ກີດກັນ
ສິດທິ, ແລະບໍ່ຖືຜີວ ຖືວ່າຊາວອົບພະຍົບລາວທີ່ມາອາໄສ
ຢູ່ໃນສະຫະລັດອະເມຣິການີ້ ກໍໄດ້ຮັບການສຶກສາສູງແລະ
ປະສົບຜົນສໍາເລັດກັນເກີອບທົ່ວຖ້ວນໜ້າ. ມື້ນີ້ເອື້ອຍກິ່ງ
ຟ້າ ພິມມະວົງ ຜູ້ຊຶ່ງປະຈຸບັນນີ້ໄດ້ຍົກຍ້າຍກັບຄືນໄປຢູ່
ປະເທດລາວແລ້ວ ໄດ້ໃຫ້ VOA ສໍາພາດກ່ຽວກັບການ
ຕັດສິນໃຈກັບຄືນເມືອບ້ານເກີດເມືອງນອນຂອງນາງ.

ກິ່ງຟ້າກັບແມ່ນັ່ງຮັບປະທານອາຫານ ທີ່ຫຼວງພະບາງ
ກິ່ງຟ້າກັບແມ່ນັ່ງຮັບປະທານອາຫານ ທີ່ຫຼວງພະບາງ

ຈະເປັນຍ້ອນຫຍັງແລະຈະດ້ວຍສາເຫດອັນໃດກໍແລ້ວແຕ່ທຸກຄົນແມ່ນຈະມີຈຸດໝາຍປາຍ
ທາງ ເສັ້ນທາງຂອງຊີວິດທີ່ຈະຕ້ອງເດີນແລະແຕກຕ່າງກັນ. ການສຳພາດກັບເອື້ອຍກິ່ງ
ຟ້ານີ້ຄົງຈະເຮັດໃຫ້ຫຼາຍໆທ່ານໄດ້ເຂົ້າໃຈເຖິງເລື່ອງຂອງການກັບໄປລາວ ແລະວ່າແຕ່
ລະຄົນກໍມີຈຸດປະສົງທີ່ແຕກຕ່າງກັນອອກໄປ. ທ່ານຈະເລືອກເສັ້ນທາງເດີນທາງໃດ ກໍ
ແລ້ວແຕ່ ຂໍໃຫ້ເປັນເສັ້ນທາງທີ່ນໍາຄວາມສຸກມາສູ່ທ່ານ.

ເຊີນຕິດຕາມຟັງບົດສໍາພາດ ໂດຍຄລິກບ່ອນໂທລະໂຄ່ງ ຂ້າງເທິງຂວາມື.

XS
SM
MD
LG