ຟັງລາຍການສໍາພາດ ຕອນທີ 1 ໂດຍເຕັມ, ອອກອາກາດວັນທີ 3 ພະຈິກ:
ຫັດຖະຈັນ ພີມພັນທະວົງ ເປັນໜຸ່ມລາວທີ່ໜ້າຍົກຍ້ອງແລະຖືເອົາເປັນແບບຢ່າງ ເພາະຜູ້
ກ່ຽວເປັນຄົນທີ່ມີຄວາມມຸມານະບາກບັ່ນ ຂົນຂວາຍເອົາຄວາມຮູ້ຄວາມຫລັກຢູ່ຕະຫລອດ
ເວລາ ເພື່ອຍົກລະດັບຖານະຂອງຕົນ ຈາກການເປັນລູກພໍ່ນາທີ່ມີອ້າຍເອື້ອຍນ້ອງຫລາຍ
ຄົນ ຈົນກາຍມາເປັນນັກວິຊາການ ທີ່ມີຄວາມສາມາດແລະຮຽນຈົບປະລິນຍາຕີແລະໂທ
ແນວລະສອງວິຊາ ຊຶ່ງວິຊາໂທອັນນຶ່ງນັ້ນແມ່ນໄດ້ຈາກປະເທດຍີ່ປຸ່ນ ແລະເວລານີ້ ກໍກໍາລັງ
ສຶກສາເອົາປະລິນຍາເອກ ຢູ່ບັນທິດວິທະຍາໄລສັງຄົມສາດ ຫລື Graduate School of
Social Studies ທີ່ມະຫາວິທະຍາໄລແຫ່ງເມືອງ Trento ທາງພາກເໜືອຂອງປະເທດ
ອີຕາລີ ບ່ອນທີ່ບໍ່ມີຄົນລາວຢູ່ເລີຍ ດ້ວຍທຶນການສຶກສາທີ່ຜູ້ກ່ຽວຂົນຂວາຍຊອກເອົາເອງ
ຊຶ່ງຫັດຖະຈັນເລົ່າສູ່ຟັງເຖິງແຮງດົນບັນດານໃຈ ທີ່ຊຸກຍູ້ໃຫ້ລາວກ້າວມາເຖິງຂັ້ນນີ້ ວ່າ:
ຫັດຖະຈັນກ່າວວ່າ ໃນການສອບ
ເສັງນັ້ນ ທາງມະຫາວິທະຍາໄລ
ໄດ້ໃຫ້ລາວຂຽນບົດສະເໜີໄປ
ກ່ຽວກັບເປົ້າໝາຍໃນການສຶກ
ສາເອົາປະລິນຍາເອກຂອງລາວ
ເປັນຕົ້ນວ່າ ລາວຢາກຮຽນວິຊາ
ຫຍັງ ມີເຫດຜົນແນວໃດ ແລະ
ເປົ້າໝາຍໃນການນໍາໃຊ້ຄວາມ
ຮູ້ທີ່ຈະໄດ້ຮຽນມານັ້ນມີຄືແນວ
ໃດ ແລະລາວຄິດວ່າ ມັນຈະ
ເປັນປະໂຫຍດແນວໃດ ຫລື
ຊ່ວຍໃນການສ້າງສາພັດທະນາ
ປະເທດຊາດແນວໃດ ຊຶ່ງຫັດຖ
ະຈັນກໍໄດ້ເລືອກຂຽນກ່ຽວກັບ
ວິຊາ ທີ່ຢູ່ໃນຄວາມກັງວົນສົນໃຈ
ຂອງລາວຕະຫລອດມາ ແລະ
ພົວພັນກັບວຽກງານທີ່ລາວເຄີຍ
ເຮັດ ນໍາກອງທຶນຫລຸດຜ່ອນ
ຄວາມທຸກຈົນໃນ ສປປ ລາວ
ກ່ອນຈາກບ້ານໄປສຶກສາ ທີ່ອີຕາລີນັ້ນ. ຫັດຖະຈັນກ່າວວ່າ:
ວິຊາທີ່ຫັດຖະຈັນເລືອກຮຽນເອົາ
ປະລິນຍາເອກນັ້ນ ມີຊື່ວ່າ Local
Development and Global
Dynamics ແປວ່າການພັດທະ
ນາທ້ອງຖິ່ນແລະການປ່ຽນແປງ
ໃນທົ່ວໂລກ ຊຶ່ງຫັດຖະຈັນຫວັງ
ວ່າ ຈະນໍາໃຊ້ໃນການຊ່ວຍສ້າງ
ສາພັດທະນາບ້ານເກີດເມືອງ
ນອນ. ແຕ່ກວ່າຈະໄດ້ຮຽນມາ
ຮອດຂັ້ນນີ້ ຫັດຖະຈັນເວົ້າວ່າ
ລາວຕ້ອງໄດ້ຂົນຂວາຍຍາດ
ເອົາທືນສຶກສາ ເພາະວ່າຕາມ
ລໍາພັງ ຖານະຄອບຄົວນັ້ນ
ກໍຄົງຈະຮຽນຮອດມັດທະຍົມ
ຊື່ໆ. ລາວກ່າວວ່າ:
ຫັດຖະຈັນເດີນທາງໄປຮອດອີຕາລີ ເມື່ອເດືອນສິງຫາ ປີກາຍນີ້ ແລະມີກໍາໜົດຈະຮຽນ
ສໍາເລັດໃນເດືອນຕຸລາ ປີ 2013. ເມືອງແຕຣນໂຕທີ່ຫັດຖະຈັນໄປຮຽນຢູ່ນັ້ນ ແມ່ນຕັ້ງຢູ່
ທາງພາກເໜືອຂອງອີຕາລີ ໃກ໊ໆກັບນະຄອນເວນິສ ທີ່ຂຶ້ນຊື່ລືຊາຂອງປະເທດ ແລະບໍ່ມີ
ຄົນລາວອາໃສຢູ່ເລີຍ ນອກຈາກນັກສຶກສາລາວລຸ່ນນ້ອງຄົນນຶ່ງ ທີ່ໄປຮຽນເອົາປະລິນຍາຕີ.
ຫັດຖະຈັນເລົ່າວ່າ ຕອນໄປຮອດໃໝ່ໆນັ້ນ ລາວຮູ້ສຶກທໍ້ໃຈແດ່ໜ້ອຍນຶ່ງເພາະວ່າຖືກປ່ອຍ
ໃຫ້ກຸ້ມຕົນເອງ ຊຶ່ງແຕກຕ່າງຈາກຕອນທີ່ໄປຮຽນຢູ່ຍີ່ປຸ່ນ. ຫັດຖະຈັນອະທິບາຍວ່າ:
ນັ້ນຄືລາຍການສໍາພາດ ຫັດຖະຈັນ ພິມພັນທະວົງ ຕອນທີ 1, ອອກອາກາດເມື່ອວັນທີ 3
ພະຈິກ.
ເບິ່ງວີດີໂອ ກ່ຽວກັບກິດຈະກໍາຂອງຫັດຖະຈັນແລະເພື່ອນນັກສຶກສາ ທີ່ເມືອງແຕຣນໂຕ:
ຟັງລາຍການສໍາພາດ ຕອນ 2 ໂດຍເຕັມ, ອອກອາກາດເມື່ອວັນທີ 10 ພະຈິກ:
ຫັດຖະຈັນເດີນທາງໄປຮອດອີຕາ
ລີ ເມື່ອເດືອນສິງຫາ ປີ 2010
ແລະມີກໍາໜົດຈະຮຽນຈົບປະລິນ
ຍາເອກ ໃນເດືອນຕຸລາ ປີ 2013
ໂດຍໄດ້ຮັບທຶນສຶກສາຈາກມະຫາ
ວິທະຍາໄລແຫ່ງເມືອງແຕຣນໂຕ
ຫລື University of Trento ໃນ
ພາກເໜືອຂອງອີຕາລີ ຫລັງຈາກ
ທີ່ຮຽນຈົບປະລິນຍາໂທຈາກຍີ່
ປຸ່ນ ແລະກັບຄືນເມືອປະເທດ
ລາວ ເຮັດວຽກຢູ່ກອງທຶນຫລຸດ
ຜ່ອນຄວາມທຸກຍາກ. ພຽງແຕ່
ການເລືອກໄປຮຽນຢູ່ຍີ່ປຸ່ນແລະ
ອີຕາລີ ທັ້ງໆທີ່ມີໂອກາດໄດ້ມາ
ຮຽນຢູ່ສະຫະລັດນັ້ນ ກໍເຮັດໃຫ້
ຫັດຖະຈັນແຕກຕ່າງໄປຈາກນັກ
ສຶກສາລາວຄົນອື່ນໆແລ້ວ ທີ່
ສ່ວນໃຫຍ່ແມ່ນຢາກຈະໄປຮຽນ
ຢູ່ສະຫະລັດ ຫລືບໍ່ກໍອອສເຕຣ
ເລຍ. ຫັດຖະຈັນເວົ້າວ່າ ລາວ
ເລືອກຂໍທຶນໄປຮຽນຢູ່ມະຫາວິທະຍາໄລເມືອງແຕຣນໂຕ ກໍເພາະສະຖາບັນແຫ່ງນີ້ ມີວິຊາທີ່
ລາວຢາກຮຽນຫລາຍທີ່ສຸດ ເພື່ອຈະໄດ້ນໍາກັບເມືອໃຊ້ໃນການຊ່ວຍສ້າງສາພັດທະນາບ້ານ
ເກີດເມືອງນອນ. ລາວເວົ້າວ່າ ຄວາມຈິງແລ້ວປະເທດໃດກໍບໍ່ສໍາຄັນ ຂໍໃຫ້ແຕ່ໄດ້ຮຽນກໍພໍ.
ຢ່າງໃດກໍຕາມ ຫັດຖະຈັນກ່າວວ່າ ການເປັນນັກສຶກສາລາວທີ່ດີໃນຕ່າງປະເທດນັ້ນ ກໍຕ້ອງ
ເປັນໂຕແທນທີ່ດີຂອງປະເທດນໍາ ເພື່ອແນະນໍາໃຫ້ປະເທດທີ່ຕົນໄປສຶກສາຢູ່ນັ້ນ ໄດ້ຮູ້ຈັກ
ປະເທດລາວ ປະຊາຊົນລາວ ຕະຫລອດທັງຂະນົບທໍານຽມ ປະເພນີ ແລະວັດນະນະທໍາ
ຂອງລາວ ນໍາດ້ວຍ.
ຄລິກບ່ອນລິ້ງຄ໌ຂ້າງລຸ່ມນີ້ ເພື່ອອ່ານລາຍງານຂ່າວການສະຫລອງປີໃໝ່ທີ່
ຫັດຖະຈັນຈັດຂຶ້ນລ້ຽງໝູ່:
http://bridging-the-gap.eu/en/upload/Alumni/BTG%20n.1%20Laos.jpg
ກ່ອນຈົບການສໍາພາດ ຫັດຖະຈັນ ພິມພັນທະວົງ ໄດ້ຝາກຄວາມເຖິງພວກນ້ອງໆນັກສຶກສາ
ທີ່ຢາກຮຽນສູງໆວ່າ ໃຫ້ມຸມານະ ຕັ້ງໃຈ ແລະມຸ້ງໝັ້ນ ທີ່ຈະໄປໃຫ້ຮອດຄວາມຝັນຂອງຕົນ
ດ້ວຍການຊ່ວຍເຫລືອຕົນເອງ ຄືກັນກັບທີ່ລາວໄດ້ເຮັດ ໂດຍສະເພາະໃນກໍລະນີທີ່ຄອບຄົວ
ບໍ່ມີຖານະ. ແຕ່ແນວໃດກໍຕາມ ຫັດຖະຈັນກ່າວວ່າ ຄວາມດ້ອຍຖານະຂອງຄອບຄົວນີ້ເອງ ທີ່
ເປັນເຫດຜົນນຶ່ງທີ່ຊຸກຍູ້ໃຫ້ລາວໄດ້ມາຮຽນຮອດຂັ້ນປະລິນຍາເອກ ສົມດັ່ງຄວາມຝັນ. ຫັດຖະ
ຈັນກ່າວວ່າ:
ແລະນັ້ນກໍຄືການສໍາພາດກັບ ຫັດຖະຈັນ ພິມພັນທະວົງ ໜຸ່ມລາວ ໄວ 32 ປີ ທີ່ກໍາລັງສຶກສາ
ເອົາປະລິນຍາເອກ ຈາກມະຫາວິທະຍາໄລແຫ່ງເມືອງແຕຣນໂຕ ປະເທດອີຕາລີ. ວີໂອເອຂໍ
ສະແດງຄວາມຍິນດີນໍາ ແລະຂໍອວຍພອນໃຫ້ຫັດຖະຈັນ ຈົ່ງປະສົບຄວາມສໍາເລັດໃນການສຶກ
ສາແລະການງານໃນອະນາຄົດ.
ເບິ່ງວີດີໂອ ກ່ຽວກັບກິດຈະກໍາຂອງຫັດຖະຈັນແລະເພື່ອນໆ ຕອນສຶກສາເອົາປະລິນຍາ
ໂທ ຢູ່ມະຫາວິທະຍາໄລນາໆຊາດຂອງຍີ່ປຸ່ນ:
