ເມື່ອວັນເສົາ ທີ 29 ຕຸລາ ຜ່ານມານີ້ ວີໂອເອໄດ້ສະເໜີລາຍງານກ່ຽວກັບ ນັກບິນເບ້ຍບໍານານ Chesley Sullenberger ທີ່ພະຍາຍາມດຶງດູດຄວາມສົນໃຈຂອງຊາວໜຸ່ມອາເມຣິກັນ ໃຫ້ຫັນມາສູ່ອາຊີບນັກບິນຫລາຍຂຶ້ນ ເພື່ອສ້າງນັກບິນທີ່ມີຄວາມສາມາດແລະປະສົບປະການ ໄວ້ຮັບໃຊ້ພວກຄົນໂດຍສານໃນປະເທດນີ້ໃນອະນາຄົດ. ຊຶ່ງເປັນຄວາມຄິດທີ່ດີ ເນື່ອງຈາກເວລານີ້ ຢູ່ໃນເຂດນ່ານຟ້າຂອງສະຫະລັດນັ້ນ ແມ່ນມີເຮືອບິນຫລາຍໝື່ນຄັນ ບິນຢູ່ໃນແຕ່ລະນາທີ ຊຶ່ງລັດຖະບານສະຫະລັດກໍກໍາລັງພະຍາຍາມຫາທາງຄົ້ນຄວ້າເຮັດໃຫ້ມີຄວາມປອດໄພຍິ່ງຂຶ້ນ, ຮ່ວມຢູ່ໃນທີມຄົ້ນຄ້ວາທີ່ວ່ານີ້ ກໍມີໜຸ່ມລາວອາເມຣິກັນຄົນນນຶ່ງ ຊຶ່ງດາຣາຈະແນະນໍາຜູ້ກ່ຽວໃຫ້ທ່ານຮູ້ຈັກໃນອັນດັບຕໍ່ໄປ.