ຄົນລາວຜູ້ນຶ່ງ ໃນເຂດນະຄອນໂຢໂກຮາມາ ທີ່ຕັ້ງຫ່າງຈາກນະຄອນຫຼວງໂຕກຽວ ປະ ມານ 37 ກິໂລແມັດ ກ່າວວ່າ ຫລັງຈາກໄດ້ມີການລະບາດຂອງໄວຣັສໂຄໂຣນາແລ້ວ ຊີວິດການເປັນຢູ່ກໍບໍ່ຄ່ອຍຄືເກົ່າປານໃດ. ທ່ານພາວະດີ ກຸແກ້ວ ກິ່ງທະເລ ກ່າວກ່ຽວກັບເລື້ອງນີ້ວ່າ:
ຊາວລາວໃນເຂດນະຄອນໂຢໂກຮາມາ ກໍບໍ່ຕ່າງຫຍັງກັບຊຸມຊົນລາວຢູ່ໃນເຂດອື່ນໆ ທົ່ວໂລກ ທີ່ຊີວິດການເປັນຢູ່ຂອງພວກເຂົາເຈົ້າໄດ້ປ່ຽນແປງໄປຍ້ອນຜົນກະທົບຈາກການລະບາດຂອງໄວຣັສໂຄໂຣນາ ຫຼືໂຄວິດ-19.
ນະຄອນໂຢໂກຮາມາ ເປັນເຂດນຶ່ງທີ່ມີຊາວລາວອາໄສຢູ່ຫຼາຍທີ່ສຸດ ໃນປະເທດຍີ່ປຸ່ນ.
ນາຍົກລັດຖະມົນຕີຊິນໂຊ ອາເບະ ໄດ້ປະກາດພາວະສຸກເສີນ ເພື່ອຮັບມືກໍລະນີລະບາດຂອງໄວຣັສໂຄໂຣນາຫຼືໂຄວິດ-19 ທີ່ພວມເພີ້ມທະວີຂຶ້ນ ໃນວັນອັງຄານມື້ນີ້ ຢູ່ໃນເຂດນະຄອນຫຼວງໂຕກຽວ ແລະເຂດອື່ນໆອີກ 6 ເຂດ ຮວມທັງເມືອງທ່າໂອຊາກາ ໃນພາກກາງຂອງປະເທດ.
ພາວະສຸກເສີນດັ່ງກ່າວ ຈະມີຜົນບັງຄັບໃຊ້ເປັນເວລານຶ່ງເດືອນ.