ລິ້ງ ສຳຫລັບເຂົ້າຫາ

logo-print

ຊຸມ​ຊົນ​ລາວ ໃນ​​ພາກ​ເໜືອ ລັດ​ເວີ​ຈີ​ເນຍ ຍັງ​ຮັກ​ສາ ຄວາມເປັນ ເອກກະລັກ ຂອງ​ຕົນໄວ້


Wat Lao Buddhavong, in Washington Area
please wait

No media source currently available

0:00 0:02:24 0:00

​ວັດ​ລາວ​ພຸດ​ທະ​ວົງ ໃນ​ເຂດ​ພາກ​ເໜືອ ລັດ​ເວີ​ຈີ​ເນຍ ຊຶ່ງ​ເປັນ​ຊານ​ເມືອງ ຂອງ​ນະ​ຄອນ​ຫຼວງ ວໍ​ຊິງ​ຕັນ.

ໃນ​ລາຍ​ການພິ​ເສດຂອງ​ວີ​ໂອ​ເອພາກ​ພາ​ສາ​ລາວແລງມື້ນີ້ ພວກເຮົາ​ຈະ​ພາ​ທ່ານ ​ໄປ​ຮູ້
​ຈັກກັບ​ປະ​ຊາ​ຄົມ​ລາວ ໃນ​ເຂດ​ພາກເໜືອລັດເວີຈີເນຍ ຊຶ່ງ​ເປັນສ່ວນນຶ່ງຂອງເຂດຊານ
ເມືອງນະຄອນຫຼວງວໍຊິງຕັນ ທີ່ມີຄົນລາວ ເຂົ້າມາອາໄສຢູ່ ເປັນແຫ່ງທຳອິດ ໃນທະວີບ
​ອາ​ເມຣິ​ກາ. ໄພ​ສານມີ​ລາຍ​ງານ​ເລື້ອງນີ້ ມາສະ​ເໜີ​ທ່ານ ໃນອັນດັບຕໍ່ໄປ.

ນັບແຕ່ລາວ ແລະສະຫະລັດໄດ້ສ້າງຕັ້ງສາຍພົວພັນ ທາງດ້ານການທູດ ລະຫວ່າງກັນ
ໃນຊຸມປີິ 1950 ແລ້ວ ກໍເລີ້ມມີການສົ່ງເຈົ້າໜ້າທີ່ການທູດຂອງລາວມາປະຈຳການ ຢູ່
ທີ່ນະຄອນຫຼວງວໍຊິງຕັນ ແຕ່ການທີ່ມີຄົນລາວເຂົ້າມາອາໄສຢູ່ໃນເຂດພາກເໜືອຂອງ
ລັດເວີຈີເນຍໃນເວລາໃດແທ້ນັ້ນ ແມ່ນຍັງບໍ່ເປັນທີ່ຈະແຈ້ງ ແຕ່ແນວໃດກໍຕາມໃນກາງ
ປີ 1975 ປາກົດວ່າ ມີພວກນັກການທູດລາວ ຄູສອນພາສາລາວ ພ້ອມ​ທັງພະນັກງານ
ວິທະຍຸສຽງອາເມຣິກາ ແລະ ຄົນລາວຈຳນວນນຶ່ງ ໄດ້ເຂົ້າມາອາໄສ ຢູ່ໃນເຂດດັ່ງກ່າວ
ນີ້ແລ້ວ.

ນອກນັ້ນປີ 1975 ຍັງເປັນປີທີ່ສະຫະລັດ ເລີ້ມຮັບເອົາອົບພະຍົບຈາກອິນໂດຈີນແລະ
ການຫຼັ່ງໄຫຼເຂົ້າມາຂອງພວກອົບພະຍົບເຮັດໃຫ້ໂສມໜ້າຂອງພາກເໜືອລັດເວີຈີເນຍ
ແລະເຂດນະຄອນຫຼວງວໍຊິງຕັນ ມີການປ່ຽນແປງຢ່າງໃຫຍ່ຫຼວງ ສ່ວນການເຂົ້າມາຕັ້ງ
ຖິ່ນຖານຂອງຊາວລາວຈຸທຳອິດ ໃນເຂດດັ່ງກ່າວ ແມ່ນເລີ້ມຂຶ້ນໃນປີຕໍ່ມາ.

ດຣ​. ພ​ຣະ​ມະ​ຫາ​ອາ​ຈານ​ຈັນ​ດາ​ພອນ ຈັກ​ກະ​ວາ​ໂຣ ຮອງ​ເຈົ້າ​ອາວາດ ວັດ​ລາວ​ພຸດ​ທະ​ວົງ ເຂດ​ນະ​ຄອນ​ຫຼວງວໍ​ຊິງ​ຕັນ
ດຣ​. ພ​ຣະ​ມະ​ຫາ​ອາ​ຈານ​ຈັນ​ດາ​ພອນ ຈັກ​ກະ​ວາ​ໂຣ ຮອງ​ເຈົ້າ​ອາວາດ ວັດ​ລາວ​ພຸດ​ທະ​ວົງ ເຂດ​ນະ​ຄອນ​ຫຼວງວໍ​ຊິງ​ຕັນ

ບໍ່​ວ່​າ​ຄົນ​ລາວ​ຈະ​ໄປ​ຕົກ​ຢູ່​ໃສ ເພື່ອ​ຮັກ​ສາ​ໄວ້ຊຶ່ງຄວາມເປັນເອກກະລັກ​ຂອງ​ຕົນແລະ​
ສະ​ແດງ​ໃຫ້​ເຫັນ ​ເຖິງ​ການມີ​ໜ້າ​ ຂອງຄົນ​ລາວ ທີ່ເຂົ້າ​ມາ​ອາ​ໄສຢູ່ ​ໃນ​ເຂດ​ພາກ​ເໜືອ
ຂອງລັດ​ເວີ​ຈີ​ເນຍນັ້ນ ພວກ​ເຂົາ​ເຈົ້າ ກໍ​ເລີ້ມ​ພາ​ກັນ​ດີ້ນ​ຮົນ​ຂົນ​ຂວາຍຫາ​ທາງ​ສ້າງວັດ​
ສ້າງວາ ​ດ້ວຍ​ການປະ​ຊຸມ​ກັນ ເທື່ອ​ທຳ​ອິດ ໃນ​ປີ 1975 ​ແລະ​ຕໍ່​ມາ​ ແມ່ນໃນປີ 1978
ການດີ້ນ​ຮົນ​ຂອງ​ພວກ​ເຂົາ​ເຈົ້າຈຶ່ງໄດ້​ເປັນ​ຮູບ​ເປັນ​ຮ່າງ​ຂຶ້ນ​ມາ ດັ່ງທີ່ ດຣ. ພະອາຈານ
ມະຫາຈັນດາພອນ ຈັກກະວາໂຣ ຮອງເຈົ້າອະທິການວັດລາວພຸດທະວົງ ໃນ​ເຂດ​ນະ​
ຄອນ​ຫຼວງວໍ​ຊິງ​ຕັນ ສະຫຼຸບສູ່ຟັງດັ່ງນີ້:

"ທີ​ແລກ​ເຮົາ​ກໍ​ໄດ້​ເຊົ່າ​ບ້ານ​ຢູ່​ກ່ອນ ຫຼັງ​ຈາກນັ້ນ​ເຮົາ​ກໍ​ໄດ້​ໄປ​ຊື້​ອີກ​ເທື່ອ​ທີ​ສອງ ເນື້ອ​ທີ່
ດິນ​ນຶ່ງ​ເອ​ເກີ້ ກໍ​ບໍ່​ສາ​ມາດ​ ທີ່​ຈະ​ປະ​ກ​ອບ​ສາ​ສະ​ໜາ​ກິດ ຫຼື​ວ່າ​ພຸດ​ທະ​ສາ​ສະ​ໜາ​ຂອງ
ເຮົາ​ໄດ້​ຢ່າງ​ສົມ​ບູນເຮົາ​ຈຶ່ງ​ໄດ້​ມາ​ຊື້​ດິນ 58 ເອ​ເກີ້ແລະ​ໃນ​ປີ 1985 ພວກ​ເຮົາ​ກໍ​ໄດ້​ມາ
ສ້າງ​ສາ​ລາ​ໃຫຍ່ ສາ​ມາດ​ຮອງ​ຮັບ​ອອກ​ຕົນ​ຍາດ​ໂຍມ ມາ​ຮ່ວມ​ທຳ​ບຸນ​ທຳ​ທານ​ນັ່ງ​ໄດ້
​ປະມານ 3 ຫາ 400 ເຮົາ​ກໍ​ມີ​ພຸດ​ທະ​ສິມ​ມາ ມີ​ສາ​ລາ​ໃຫຍ່ທີ່​ສົມ​ບູນ​ແບບໃນ​ປີ 1991."

ຊາວ​ລາວ​ ໃນ​ເຂດ​ພາກ​ເໜືອ ​ລັດ​ເວີ​ຈີ​ເນຍນີ້ ກໍ​ບໍ່​ແຕກ​ຕ່າງ​ໄປ​ຈາກ ​ຊາວລາວ​ທີ່​ກະ​
ຈັດ​ກະຈາຍ​ໄປ​ຢູ່ແຫ່ງ​ຕ່າງໆ ​ໃນ​ທົ່ວ​ໂລກ ນອກ​ຈາກ​ຈະ​ພະ​ຍາ​ຍາມ ​ປົກ​ປັກ​ຮັກສາ
​ຮີດ​ຄອງປະ​ເພ​ນີ​ອັນ​ດີ​ງາມ​ຂອງ​ຕົນໄວ້ແລ້ວຍັງ​ໄດ້​ຮັບ​ເອົາ​ສິ່ງ​ໃໝ່ໆເຂົ້າ​ມາເພີ້ມ​ຕື່ມ.
ດຣ. ພະອາຈານ ມະຫາຈັນດາພອນ ຈັກກະວາໂຣ ໃຫ້ການຊີ້ແຈງວ່າ:

"ວັດ​ນີ້ ເປັນ​ສິ່ງ​ສຳ​ຄັນ ສຳ​ລັບ​ໃຫ້​ຄວາມ​ອົບ​ອຸ່ນ ທາງ​ດ້ານ​ຈິດ​ໃຈ ສະ​ນັ້ນ ວັດ​ລາວ
​ພຸດທະ​ວົງ ໄດ້​ຕັ້ງ​ຂຶ້ນ​ມາ ແຕ່​ລະ​ປີ ພວກ​ເຮົາ​ກໍ​ມີ​ທຳ​ບຸນ​ໃຫ້​ທານ ຕາມ​ຮີດ​ຄອງ​ປະ
ເພ​ນີ ນອກ​ເໜືອ​ຈາກນັ້ນ ເຮົາ​ມາ​ຢູ່​ໃນ​ ປະ​ເທດ​ສະ​ຫະ​ລັດ​ອາ​ເມ​ຣິ​ກາ ກໍ​ຖື​ວ່າ ເຮົາ
ເປັນ​ລາວ​ກໍ​ຈິງ ແຕ​່​ເຮົາ​ໄດ້​ຮັບ​ເອົາ​ສັນ​ຊາດອາ​ເມ​ຣິ​ກັນ ເຖິງ​ປີ​ເຖິງ​ເດືອນ​ມາງານ​ພິ
ທີ​ຕ່າງໆ ບາງ​ຄັ້ງ​ງານ​ວັນ​ຊາດອ​າ​ເມ​ຣິ​ກາ ເຮົາ​ກາ​ໄດ້​ມີ​ການ​ສະ​ເຫຼີມ​ສະ​ຫຼອງ ນອກ
ເໜືອ​ຈາກນັ້ນ ເຮົາ​ກໍ​ໄດ້​ເອົາ​ຮີດ​ຄອງ​ປະ​ເພ​ນີ​ຂອງ​ເຮົາແລະ​ເອົາ​ພຸດ​ທະ​ສາ​ສະ​ໜາ
ນີ້​ເຂົ້າ​ໄປປະ​ພຶດ​ປະ​ຕິ​ບັດ ຕາມ​ການ​ຕາມ​ເວ​ລາ."

ນັບ​ແຕ່​ປີ 1976 ເປັນ​ຕົ້ນ​ມາ ຄົນ​ລາວ​ກໍ​ເລີ້ມ​ຫລັ່ງ​ໄຫລ​ເຂົ້າ​ມາ​ສູ່​ພາກ​ເໜືອ​ລັດເວີ​ຈີ
​ເນຍ ນັບ​ມື້​ນັບ​ຫຼາຍ​ຂຶ້ນ ຈາກ​ຈຳ​ນວນ​ບໍ່​ເທົ່າ​ໃດ​ສິບ​ຄົນເປັນ​ຫຼາຍໆ​ພັນ​ຄົນ. ຍານາງ
ມາລີ ພູມີທອນ ​ຊຶ່ງ​ເປັນ​ນຶ່ງ​ໃນ​ພວກ​ຄົນ​ລາວ​ຈຸ​ທຳ​ອິດທີ່ໄດ້​ເຂົ້າ​ມາ​ຕັ້ງ​ຖິ່ນ​ຖານ​ໃໝ່ຢູ່
ໃນເຂດນະຄອນຫຼວງ ຂອງສະຫະລັດ ເລົ່າສູ່ຟັງ ກ່ຽວກັບ ການເຂົ້າມາອາໄສຢູ່ ໃນ
​ເຂດ​ພາກ​ເໜືອ​ລັດ​ເວີ​ຈີ​ເນຍ ຂອງ​ຍາ​ນາງ​ດັ່ງ​ນີ້:

"ມາ​ຕົກ​ຢູ່​ເມືອງ​ອາ​ເມ​ຣິ​ການີ້ ກາ​ມາ​ຕົກ​ຢູ່​ເມືອງ​ດີ​ຊີ ແຄ​ປີ​ໂຕ​ ຂອງ​ສະ​ຫະ​ລັດ ​ອາ​ເມ
ຣິ​ກາ ປີ 1976 ຢູ່​ດີ​ຊີນັ້ນປະ​ມານປີ​ນຶ່ງ ປີ​ນຶ່ງ​ແລ້ວກໍ​ຍ້າຍ​ອອກ​ມາ​ຢູ່​ເວີ​ຈີ​ເນຍ ທີ່​ແລກ
ຫັ້ນ​ກາ​ໄປ​ຢູ່​ເມືອງ​ອາ​ລິງ​ຕັນປະ​ມານ 3 ປີນີ້​ແ​ຫຼະແລ້ວ​ກໍ​ຍ້າຍ​ມາ​ຢູ່​ເມືອງ​ຟອ​ລ​ສ​ເຈີດ
ແລະ​ກະ​ປະ​ມານ 10 ກວ່າ​ປີ​ເນາະ ແລ້ວ​ກໍ​ຍ້າຍ ​ມາ​ຢູ່​ເມືອງວູດ​ບ​ຣິ​ຈ ມາ​ຊື້​ບ້ານ ​ຢູ່​ທີ່
​ເມືອງວູດບ​ຣິ​ຈ ແລະ​ກາ​ຢູ່​ເມືອງວູດບ​ຣິ​ຈນີ້​ປະ​ມານ 30 ປີ ແລະ​ກາ​ຢູ່ນີ້​ຕະ​ຫຼອດ​ມາ."

ຍາ​ນາງ​ມາ​ລີ ພູ​ມ​ມີ​ທອນ ແລະ​ສາ​ມີ ທ່ານ​ຈຶກ ແສງ​ສຸ​ຣິນ
ຍາ​ນາງ​ມາ​ລີ ພູ​ມ​ມີ​ທອນ ແລະ​ສາ​ມີ ທ່ານ​ຈຶກ ແສງ​ສຸ​ຣິນ

ຍາ​ນາງ​ມາ​ລີ ໄດ້​ສະ​ຫລຸບ​ສູ່​ຟັງວ່າ ນອກ​ຈາກ​ເລື້ອງ​ຄວາ​ມ​ມັກ​ໃນ​ເຂດ​ດັ່ງ​ກ່າວນີ້ແລ້ວ
ຍາ​ນາງ​ຍັງ​ໄດ້​ມີ​ລ້າ​ມີ​ການ​ເຮັດເປັນ​ຢ່າງ​ເປັນ​ການ​ຖາ​ວອນຢູ່​ນຳ​ໂຮງ​ຮຽນ​ປະ​ຖົມແລະ
​ກໍ​ເຮັດ​ວຽກ​ນີ້ມາ​ໄດ້ 16 ປີ​ແລ້ວ.

ຊາວລາວໃນຂົງເຂດພາກເໜືອຂອງລັດເວີຈີເນຍ ​ຊຶ່ງ​ໃນ​ປັດ​ຈຸ​ບັນ​ ມີ​ຈຳ​ນວນຫຼາຍ
ພັນ​ຄົນ ຍັງມີການຈັດຕັ້ງຫຼາຍໆຢ່າງ ເຊັ່ນວ່າ ສະມາຄົມລາວ ສະມາຄົມ ຊາປະນະ
ກິດສົບ ສະມາຄົມແມ່ຍິງລາວ ແລະອື່ນໆອີກ ເພື່ອໃຫ້ພວກລູກຫຼານ ທີ່ເປັນຄົນອາ
ເມຣິກັນເຊື້ອສາຍລາວສືບສານຕໍ່ປະເພນີອັນດີງາມຂອງລາວເອົາໄວ້.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG