ໃນລາຍການຊຸມຊົນລາວໃນທະວີບອາເມຣິກາຂອງວີໂອເອພາກພາສາລາວທີ່ຈະນຳເອົາ ຊີວິດການເປັນຢູ່ຂອງຄົນເຊື້ອສາຍລາວ ຕາມເມືອງແລະລັດຕ່າງໆ ໃນທົ່ວທະວີບອາເມຣິກາ ມາລົມສູ່ພວກທ່ານຟັງ ຊຶ່ງໃນແລງວັນ ອາທິດມື້ນີ້ ເຮົາຈະພາທ່ານໄປພົບກັບຄົນລາວຄອບຄົວນຶ່ງ ທີ່ໄດ້ເຂົ້າໄປຕັ້ງ ຖິ່ນຖານ ຢູ່ເມືອງແບຣັດຟອດ ໃນແຂວງອອນຕາຣີໂອ ປະເທດການາດາ. ໄພສານ ມີລາຍງານເລື້ອງນີ້ ມາສະເໜີທ່ານ ໃນອັນດັບຕໍ່ໄ
ທ່ານທອງສົດ ພົມມະລາ ພ້ອມດ້ວຍພັນລະຍາ ຍານາງລາຍົງ ແລະລູກ 3 ຄົນໄດ້ອົບພະຍົບ ຈາກລາວເຂົ້າໄປຢູ່ໃນສູນອົບພະຍົບຈັງຫວັດອຸບົນປະເທດ ໄທໃນເດືອນຕຸລາປີ 1979. ຄອບຄົວຂອງທ່ານທອງສົດ ກໍຄືກັນກັບພວກຄົນລາວຫຼາຍໆສິບພັນຄົນ ທີ່ຕ້ອງໄດ້ອົບພະຍົບຫຼົບໄພ ໄປຕ່າງປະເທດໃນເວລານັ້ນ ແຕ່ກໍຍັງເປັນຈັ່ງໂຊກຢູ່ ຄອບຄົວຂອງທ່ານທອງສົດ ໄດ້ມີຊື່ໄປ ຕັ້ງຖິ່ນຖານ ໃໝ່ຢູ່ໃນປະເທດການາດາ ໃນໄລຍະເວລາ 5 ເດືອນຕໍ່ມາ ຊຶ່ງທ່ານທອງສົດ ກ່າວສູ່ຟັງວ່າ:
ເມືອງແບຣັດຟອດ (Bradford) ເປັນເມືອງນ້ອຍໆ ຕັ້ງຢູ່ແຄມແມ່ນ້ຳ Holland ທີ່ໄຫຼລົງສູ່ທະເລ ສາບຊິມໂກ ທາງທິດເໜືອຂອງນະຄອນໂຕຣອນໂຕແລະຄອບ ຄົວຂອງທ່ານທອງສົດ ແມ່ນເປັນຄົນລາວຄອບຄົວທຳອິດ ທີ່ເຂົ້າໄປຕັ້ງຖິ່ນຖານ ຢູ່ໃນເມືອງດັ່ງກ່າວ. ທ່ານທອງສົດເວົ້າວ່າ:
ທ່ານທອງສົດເວົ້າວ່າ ຫຼັງຈາກທ່ານໄດ້ເຂົ້າໄປຕັ້ງຖິ່ນຖານຢູ່ເມືອງແບຣັດຟອດ ບໍ່ດົນ ກໍມີໂຮງຈັກໂຮງງານຈຳນວນນຶ່ງ ໄດ້ພາກັນຍ້າຍເຂົ້າໄປຕັ້ງຢູ່ເມືອງດັ່ງກ່າວ ຈຶ່ງເຮັດໃຫ້ມີຄົນລາວຫຼາຍສົມຄວນ ພາກັນຍົກຍ້າຍເຂົ້າໄປຢູ່ ໃນເຂດ ອ້ອມແອ້ມ ຮວມທັງເມືອງແບຣັດຟອດນຳດ້ວຍ.
ທ່ານທອງສົດກ່າວວ່າ ຄົນລາວສ່ວນຫຼາຍໃນເຂດເມືອງແບຣັດຟອດ ແລະເຂດ ອ້ອມແອ້ມແມ່ນເຮັດລ້າເຮັດການ ຢູ່ນຳໂຮງງານເຮັດລົດ ແລະເຄື່ອງອາໄຫຼ່ລົດ.
ທ່ານທອງສົດເວົ້າວ່າ ອາຊີບວຽກງານອື່ນຂອງຄົນລາວ ເຊັ່ນວ່າເຮັດຢູ່ຮ້ານອາຫານກໍມີ ແຕ່ແນວໃດກໍຕາມທ່ານເວົ້າວ່າ 95 ເປີເຊັນຂອງພວກຄົນລາວແມ່ນ ເຮັດວຽກຢູ່ຕາມໂຮງຈັກໂຮງງານ. ທ່ານທອງສົດກ່າວກ່ຽວກັບເລື້ອງນີ້ວ່າ:
ຕໍ່ຄຳຖາມທີ່ວ່າ ມີຊຸມຊົນລາວຂະໜາດໃຫຍ່ຢູ່ໃກ້ໆບ່ອນທ່ານຢູ່ບໍ ທ່ານທອງສົດ ກ່າວວ່າ ກໍມີຄືກັນໃນເຂດອ້ອມແອ້ມນະຄອນໂຕຣອນໂຕ ແລະໃນບໍລິເວນໃກ້ໆກັບບ່ອນທ່ານຢູ່.
ໃນເມືອງແບຣັດຟອດ ບໍ່ມີວັດລາວ ແຕ່ພວກຄົນລາວທີ່ຕ້ອງການຢາກເຮັດບຸນສິນກິນທານ ກໍໄປເຮັດທີ່ນະຄອນໂຕຣອນໂຕ ຊຶ່ງຕັ້ງຢູ່ໃກ້ໆນັ້ນ ມີວັດລາວຢູ່ 2 ວັດ ຄືວັດລາວເວລຸວະນະຣາມ ແລະວັດລາວໂຕຮອນໂຕ. ແຕ່ສຳລັບພວກທີ່ບໍ່ແມ່ນຊາວພຸດແລ້ວ ທ່ານທອງສົດກ່າວວ່າ:
ທ່ານທອງສົດກ່າວວ່າ ໃນໄລຍະບໍ່ດົນຜ່ານມານີ້ ເມືອງແບຣັດຟອດ ໄດ້ມີການຂະຫຍາຍຕົວແບບເປັນແຈ້ງ ກາຍເປັນເມືອງທີ່ໃຫຍ່ຂຶ້ນກັບຕາ ມີຮ້ານອາຫານແລະຕະຫລາດເອເຊຍ ສະດວກສະບາຍຫຼາຍຂຶ້ນ.
ຍານາງລາຍົງ ພົມມະລາ ຜູ້ເປັນພັນລະຍາກ່າວວ່າ ຍານາງໄດ້ຕົກລົງປົງໃຈຕັ້ງຫຼັກແຫຼ່ງຢູ່ເມືອງແບຣັດຟອດ ໂດຍບໍ່ຍອມຍ້າຍໄປບ່ອນອື່ນນັ້ນຍ້ອນຍານາງມັກຫຼາຍ ມັກໃນລັກສະນະພິເສດຂອງມັນ. ຍານາງກ່າວກ່ຽວກັບເລື້ອງນີ້ວ່າ:
ທ່ານທອງສົດກ່າວວ່າ ຢູ່ທີ່ເມືອງແບຣັດຟອດ ກໍບໍ່ຕ່າງຫຍັງຫຼາຍ ກັບຢູ່ແຫ່ງອື່ນໆຂອງປະເທດການາດາ ທຸກສິ່ງທຸກຢ່າງກໍສະດວກສະບາຍ ໄປມາຫາສູ່ກັນກໍບໍ່ຫຍຸ້ງບໍ່ຍາກແລະພິເສດກໍແມ່ນຄວາມສະຫງົບ ບໍ່ມີຄົນຂີ້ລັກນັກປຸ້ນ. ທ່ານທອງສົດກ່າວສະຫລຸບວ່າ.
