ລິ້ງ ສຳຫລັບເຂົ້າຫາ

logo-print

ຂໍເຊີນທ່ານຟັງ ລາຍງານ ພິທີສະຖາປະນາ ພະສັງຄະລາດ ລາວ ໃນ ສະຫະລັດ


ພະອາຈານ ບຸນມີ ກິດຕິທຳມະວັນໂນ, ພະສັງຄະລາດ ຫຼື ອົງພະປະມຸກສົງລາວ ໃນ ສະຫະລັດ ອາເມຣິກາ. 09 ມິຖຸນາ 2018.

ບັນດາທ່ານຜູ້ຟັງທີ່ເຄົາລົບ, ໃນລາຍການຊີວິດຊາວລາວຂອງວີໂອເອ ປະຈຳວັນພະ
ຫັດມື້ນີ້ ພວກເຮົາມີຄວາມຍິນດີ ນຳສະເໜີພິທີສະຖາປະນາ ພະສັງຄະລາດ ຫຼື ອົງປະ
ມຸກສົງລາວໃນ ສະຫະລັດ ອາເມຣິກາ ເຊິ່ງໄດ້ ຈັດຂຶ້ນເມື່ອວັນເສົາທີ່ຜ່ານມາ. ການ
ສະຖາປະນາຄັ້ງນີ້ ຖືວ່າເປັນຄັ້ງທຳອິດ ທີ່ທາງອົງການຄະນະສົງລາວ ໄດ້ຈັດຂຶ້ນ ນັບ
ຕັ້ງແຕ່ການສ້າງຕັ້ງ ອົງການຄະນະສົງລາວໃນ ສະຫະລັດຂຶ້ນມາ. ພວກເຮົາໄດ້ໂອ້ລົມ
ກັບພະອາຈານ ບົວແກ້ວ ແສງສຸລິຍາ, ຈາກລັດແມັສຊາຈູເຊັດສ, ເຊິ່ງເປັນ ປະທານບໍ
ລິຫານອົງການຄະນະສົງລາວໃນ ສະຫະລັດ ອາເມຣິກາ ແລະ ພະອາຈານດອກເຕີ້
ຈັນດາພອນມິ່ງສີສຸພັນ ຮອງປະທານວັດລາວພຸດທະວົງ. ສຳລັບລາຍລະອຽດຂອງພິ
ທີສະຖາປະນາພະສັງຄະລາດຄັ້ງນີ້ ເຮົາຂໍເຊີນທ່ານ ຮັບຟັງຈາກ ພຸດທະສອນ ໄດ້ໃນ
ອັນດັບຕໍ່ໄປ.

ພຸດທະສາສະນິກະຊົນ ລາວ ແລະ ຕ່າງປະເທດໃນ ສະຫະລັດ ອາເມຣິກາ ໄດ້ສະເຫຼີມ
ສະຫຼອງການສະຖາປະນາ ພະສັງຄະລາດ ຫຼື ອົງປະມຸກສົງລາວໃນ ສະຫະລັດ ອາເມ
ຣິກາ. ອົງການຄະນະສົງ ລາວ ໃນ ສະຫະລັດ ໄດ້ແຕ່ງຕັ້ງພະມະຫາອາຈານ ບຸນມີ
ກິດຕິທຳມະວັນໂນ, ເຈົ້າອາວາດວັດລາວ ພຸດທະວົງ ເປັນພະສັງຄະລາດພຸດທະສາ
ສະໜາ ລາວ ໃນສະຫະລັດ ອາເມຣິກາ ເມື່ອວັນທີ 9 ມິຖຸນາທີ່ຜ່ານມາ, ທີ່ວັດລາວພຸດ
ທະວົງໃນເມືອງ ແກັດແລັດ, ລັດ ເວີຈິເນຍ.

ສຳລັບຈຸດປະສົງຂອງການສະຖາປະນາພະສັງຄະລາດນີ້, ພະອາຈານ ບົວແກ້ວ
ແສງສຸລິຍາ ປະທານບໍລິຫານອົງການຄະນະສົງລາວ ໃນ ສະຫະລັດ ອາເມຣິກາ ກໍໄດ້
ອະທິບາຍດັ່ງນີ້: “ແທ້ຈິງແລ້ວ, ອົງການ ຄະນະສົງລາວເຮົາ, ໄດ້ມີການແຕ່ງຕັ້ງປະ
ທານອົງການຄະນະສົງ ລາວ ອາເມຣິກາ, ແຕ່ພໍຜ່ານໄລຍະຜ່ານມາ ປີນີ້ກໍຖືວ່າມີກອງ
ປະຊຸມ ສົງ, ມີການສະເຫຼີມສະຫຼອງອົງການຄະນະສົງລາວ ຄົບຮອບ 36 ປີ, ເພື່ອໃຫ້
ອົງການຄະນະສົງ ອາເມຣິກາ ມີປະສິດທິພາບ, ປະສິດທິຜົນ ຈຳເປັນຕ້ອງມີຜູ້ນຳພາ,
ນັ້ນກໍຄືການຕົກລົງເຫັນດີ ຂອງຄະນະບໍລິຫານ ອົງການຄະນະສົງລາວໃນ ສະຫະລັດ
ອາເມຣິກາ ຄືພະສົງທັງຫຼາຍທັງ ປວງເຫັນດີເຫັນພ້ອມສະຖາປະນາ ຍາທ່ານໃຫຍ່ ມະ
ຫາ ບຸນມີ ກິດຕິທຳມະວັນໂນ ເຈົ້າອາວາດວັດລາວພຸດທະວົງ ຊຶ່ງເປັນອົງທີ່ມີຄຸນ ວຸດ
ທິອາວຸໂສພັນສາ, ໄດ້ມີຜົນງານ, ກຽດປະຫວັດ ແລະ ຜົນງານ ຜ່ານມາຢ່າງຫຼວງຫຼາຍ
ທັງພາຍໃນ ແລະ ຕ່າງປະເທດ. ດັ່ງນັ້ນຈຶ່ງໄດ້ ຍິນຍອມພ້ອມກັນສະຖາປະນາທ່ານ
ໃຫຍ່ ຂຶ້ນເປັນອົງພະປະມຸກສົງ ລາວໃນ ສະຫະລັດ ອາເມຣິກາ. ເພື່ອເປັນຮົ່ມໂພຮົ່ມ
ໄຊ ໃນການນຳພາ ພຸດທະສາສະນິກະຊົນ ແລະ ກໍເພື່ອຄວາມງອກງາມຂອງພະພຸດ
ທະສາ ສະໜາສືບຕໍ່ໄປ.”

ພະອາຈານ ບຸນມີ ກິດຕິທຳມະວັນໂນ ເກີດຢູ່ບ້ານໂພນທອງ, ເມືອງ ໂພນທອງ, ແຂວງ
ຈຳປາສັກ. ເພິ່ນໄດ້ບວດຢູ່ວັດພຸດທະສາສະໜາ ຕັ້ງແຕ່ຕອນຍັງນ້ອຍ ແລະບັດນີ້ພະ
ອາຈານ ບຸນມີ ກໍມີອາຍຸໄດ້ 82 ພັນສາແລ້ວ. ໃນອະດີດ ພະອາຈານ ບຸນມີ ເຄີຍໄດ້
ເປັນປະທານອົງການຄະນະສົງລາວໃນ ສະຫະລັດ ອາເມຣິກາ. ພະອາຈານ ບຸນມີ
ແມ່ນພະສົງທີ່ມີຄວາມ ສຳຄັນຍິ່ງ, ມີອາຍຸພັນສາສູງກວ່າໝູ່ທັງເໝາະສົມທີ່ສຸດສຳລັບ
ຕຳແໜ່ງພະສັງຄະລາດນີ້.

ບັນດາຄູບາອາຈານ ແລະ ຜູ້ເຂົ້າຮ່ວມງານສະຖາປະນາ ພະສັງຄະລາດ ດຳເນີນພິທີທາງສາສະໜາ.
ບັນດາຄູບາອາຈານ ແລະ ຜູ້ເຂົ້າຮ່ວມງານສະຖາປະນາ ພະສັງຄະລາດ ດຳເນີນພິທີທາງສາສະໜາ.

ພິທີສະຖາປະນາພະສັງຄະລາດໄດ້ເລີ່ມຂຶ້ນໃນເວລາ 10 ໂມງເຊົ້າຫາ 15 ໂມງ, ຕາມ
ເວລາໃນນະຄອນຫຼວງ ວໍຊິງຕັນ, ດ້ວຍພິທີທາງ ສາສະໜາ ແລະ ການສູດມົນໃຫ້
ພອນແກ່ບັນດາຜູ້ມີສັດທາເຫຼື້ອມໄສໃນສາສະໜາພຸດ ທີ່ໄດ້ເຂົ້າມາຮ່ວມງານ

ແລະ ສຳລັບຄະນະສົງທີ່ເຂົ້າຮ່ວມໃນງານ ດັ່ງກ່າວນັ້ນ, ພະອາຈານ ຈັນດາພອນ
ຮອງປະທານວັດລາວພຸດທະວົງ ກໍ ໄດ້ກ່າວວ່າ: “ສະຖາປະນາຍາທ່ານໃຫຍ່ ມະຫາ
ບຸນມີ ກິດຕິທຳມະວັນໂນ ໃຫ້ເປັນອົງປະມຸກສົງລາວໃນ ສະຫະລັດ ອາເມຣິກາ ຖືວ່າ
ເປັນບຸນອັນປະເສີດເປັນກຸສົນອັນຍິ່ງໃຫຍ່ທີ່ພໍ່ແມ່ ຄູບາອາຈານ ເຊິ່ງທັງ ໄທ, ຫວຽດ
ນາມ, ແລະ ມີພະສົງ ຫວຽດນາມ ຈຳນວນ ນຶ່ງ, 6 ອົງ, ກໍມີພິຄຸນີອີກ 7 ອົງ. ກະມີພະ
ສົງໄທ, ຈາກວັດທຳມະປະທີບ, ຈາກວັດຍານນະລັງສີ ຊຶ່ງມີເປັນຜູ້ຕາງໜ້າເຂົ້າມາ
ອວຍໄຊໃຫ້ພອນ ແລະ ກໍຮ່ວມສະແດງວຸດທິຕະສັກ ກາລະສະຫຼອງ ສະຖາປະນາ
ຍາທ່ານເປັນອົງ ພະປະມຸກສົງ ລາວ ໃນ ສະຫະລັດ ອາເມຣິກາ. ອັນນີ້ກໍຖືວ່າເປັນບຸນ
ເປັນກຸສົນ, ເປັນກຽດອັນສູງສົ່ງຂອງພີ່ນ້ອງ ຊາວລາວຂອງເຮົາ.”

ສຳລັບລຳດັບພິທີຂອງການສະຖາປະນາພະສັງຄະລາດນັ້ນ ນອກຈາກ ພິທີສາສະໜາ
ຕ່າງໆແລ້ວ ກໍຍັງມີການສັນເພນ ຂອງບັນດາພະສົງ ແລະການຮັບປະທານອາຫານ
ທ່ຽງຂອງພວກອອກຕົນຍາດໂຍມ ຜູ້ເຂົ້າຮ່ວມໃນງານ. ສຳລັບອາຫານການກິນນັ້ນ,
ກໍແມ່ນ ການປະກອບສ່ວນ, ການເຄນອາຫານຂອງບັນດາປະຊາຊົນຜູ້ມີສັດທາທັງ
ຫຼາຍ ແລະ ໃນເວລາ 14 ໂມງ, ທາງຜູ້ຈັດງານກໍໄດ້ຈັດການ ແຫ່ຂະບວນພະສັງຄະ
ລາດ ອ້ອມວັດລາວພຸດທະວົງສາມຮອບ(ມີສຽງຫຽັງບໍ່ເວລາແຫ່) ເມື່ອເສັດພິທີແຫ່ ກໍ
ໄດ້ມີການມອບໃບຢັ້ງຢືນການແຕ່ງຕັ້ງໃຫ້ພະອາຈານ ບຸນມີ ຢ່າງເປັນທາງການ.

ຄວາມໝາຍຂອງພະສັງຄະລາດ ຫຼື ປະມຸກຂອງຄະນະສົງລາວ ໃນ ສະຫະລັດ ອາເມ
ຣິກາ ນັ້ນ, ພະອາຈານ ບົວແກ້ວ ໄດ້ອະທິບາຍວ່າ “ໃນວຽກງານຂອງສົງ ກໍຕ້ອງມີປະ
ມຸກ, ເປັນປະທານໃນພິທີ, ໃນ ການນຳພາທາງສາສະໜາ, ໃນການບໍລິຫານຈັດການ
ທຸກສິ່ງ ດ້ານວຽກງານ ຂອງສົງ ເພື່ອໃຫ້ເປັນທີ່ເພິ່ງ, ຖ້າຂາດທີ່ເພິ່ງ, ຂາດຮົ່ມໂພຮົ່ມ
ໄຊ ເຮົາຈະ ເຄົາລົບໃຜ, ຈະໄປສະເໜີໃຜ? ແລະ ການແຕ່ງຕັ້ງການບໍລິຫານລະບົບ
ການຈັດຕັ້ງຫັ້ນ ກໍຈະບໍ່ເປັນລະບົບ, ກໍຈະເຮັດໃຫ້ວຽກງານນັ້ນບໍ່ດຳເນີນໄປດ້ວຍດີ.
ຈັ່ງຊັ້ນການມີຜູ້ນຳ, ຈະວ່າຜູ້ນຳ ຫຼືປະທານປະມຸກນີ້ ມັນຈະເປັນຜົນດີ ມີຮາກເຫງົ້າ
ເສົາໄຊ ແລະ ກໍມີຄວາມອົບອຸ່ນທາງ ດ້ານຈິດໃຈໃນການດຳເນີນວຽກງານ, ມີ ຄວາມ
ເຊື່ອໝັ້ນ.”

ການແຕ່ງຕັ້ງພະສັງຄະລາດແມ່ນບໍ່ໄດ້ມີການເລືອກຕັ້ງແຕ່ໃດໆ ແຕ່ອົງການຄະນະ
ສົງລາວ ໃນສະຫະລັດ ອາເມຣິກາ ກໍໄດ້ດຳເນີນ ກອງປະຊຸມສະໄໝສາມັນຄັ້ງທີ 36
ເພື່ອປຶກສາຫາລື ກ່ຽວກັບ ການແຕ່ງຕັ້ງພະສັງຄະລາດ, ເຊິ່ງໄດ້ດຳເນີນຈາກວັນທີ 7
ຫາ 8 ມິຖຸນາ, 2018, ຫຼັງຈາກໄດ້ທຳການຕັດສິນໃຈແລ້ວ, ທາງອົງການ ຄະນະສົງ
ລາວ ຈຶ່ງໄດ້ມີການຮັບຮອງໜັງສືຂອງອົງການ, ເຊິ່ງແມ່ນໜັງສື ທີ່ຖືກຕ້ອງຕາມກົດ
ໝາຍຂອງ ສະຫະລັດ ອາເມຣິກາ, ທີ່ຮັບຮູ້ໂດຍ ລັດ ແລະ ລັດຖະບານກາງ.

ບັນດາປະຊາຊົນລາວ ໃນສະຫະລັດ ອາເມຣິກາ ແລະ ຊາວຕ່າງຊາດເຂົ້າຮ່ວມພິທີສະຖາປະນາ ພະສັງຄະລາດ.
ບັນດາປະຊາຊົນລາວ ໃນສະຫະລັດ ອາເມຣິກາ ແລະ ຊາວຕ່າງຊາດເຂົ້າຮ່ວມພິທີສະຖາປະນາ ພະສັງຄະລາດ.

ສຳລັບພາລະບົດບາດອັນຕໍ່ໄປ ຂອງພະສັງຄະລາດອົງໃໝ່ນັ້ນ, ພະອາ ຈານ ຈັນດາ
ກໍໄດ້ອະທິບາຍວ່າ: “ສຳລັບຍາທ່ານນັ້ນ ຖືວ່າ ການຈັດ ຕັ້ງຂອງອົງການຄະນະສົງ
ລາວ ໃນສະຫະລັດ ອາເມຣິກາ ນຶ່ງຖືວ່າ ມີພະປະມຸກສົງ ຖ້າທຽບເທົ່າຢູ່ທີ່ພໍ່ແມ່ ຄູບາ
ອາຈານເກົ່າແກ່ຂອງເຮົາ ເພິ່ນເອີ້ນວ່າ ສົມເດັດ ສັງຄະລາດ, ສົມເດັດສັງຄະລາດນີ້
ຖືວ່າ ເປັນ ປະມຸກສົງລາວ, ລາວ ອາເມຣິກັນ ບໍ່ແມ່ນລາວ ໃນປະເທດ ລາວ. ເພິ່ນມີ
ໜ້າທີ່ດູແລເບິ່ງແຍງຄໍ້າຊູພະພຸດທະສາສະໜາ, ບາດນີ້ ອັນດັບ ສອງ, ພວກອາຈານ
ອົງການຄະນະສົງນີ້ ຈັດຕັ້ງ ເອີ້ນວ່າ ອົງການ ຄະນະສົງລາວ ໃນ ສະຫະລັດ ອາເມຣິ
ກາ, ມີຄະນະບໍລິຫານ ດັ່ງທີ່ ພວກເຮົາ, ທ່ານທັງຫຼາຍໄດ້ຮັບຮູ້ວ່າ ເພິ່ນເປັນປະທານ
ອົງການຄະນະ ບໍລິຫານ, ມີຍາທ່ານ ບົວແກ້ວ ແສງສຸລິຍາ ເປັນປະທານອົງການ
ຄະນະສົງລາວໃນ ສະຫະລັດ ອາເມຣິກາ, ເປັນຜູ້ບໍລິຫານວຽກງານຖ້າ ມີສິ່ງໃດຂັດ
ຂ້ອງ ຫຼືວ່າ ສິ່ງໃດມີຄວາມ ຫຍຸ້ງຍາກ ກໍມາປຶກສາ ຖວາຍນຳຍາທ່ານປະມຸກສົງ”.

ນອກນັ້ນ ພິທີດັ່ງກ່າວກໍຍັງໄດ້ຈັດຂຶ້ນ ກົງກັບວັນຄ້າຍວັນເກີດຂອງພະອາຈານ ຈັນດາ
ເຊິ່ງມີອາຍຸຄົບຮອບ 65 ປີ. ທາງແມ່ອອກພໍ່ອອກ ແລະ ເຈົ້າເມືອງທີ່ວັດລາວພຸດທະວົງ
ຕັ້ງຢູ່ນັ້ນ ກໍໄດ້ຮ່ວມກັນຮ້ອງເພງອວຍພອນວັນເກີດໃຫ້ພະອາຈານ.

ສ່ວນຢູ່ພາຍນອກງານນັ້ນ, ກໍມີການຂາຍອາຫານລາວ, ເຊິ່ງບັນດາພໍ່ ຄ້າຊາວລາວ
ແລະ ໄທ ໄດ້ນຳມາຂາຍ ໄດ້ແກ່ ບັ້ງເຂົ້າຫຼາມ, ປີ້ງໄສ້ ອົ່ວ, ປີ້ງໄກ່, ປາສົດ, ຊີ້ນສົດ,
ແຈ່ວ, ນໍ້າອ້ອຍ ແລະ ອື່ນໆ. ນອກຈາກອາຫານກໍຍັງມີການຂາຍເຄື່ອງນຸ່ງປະຈຳຊາດ
ລາວ, ເຊັ່ນສິ້ນໄໝ, ເສື້ອໄໝ ເຊິ່ງໄດ້ຮັບຄວາມສົນໃຈໂດຍສະເພາະ ຈາກບັນດາແມ່
ຍິງ ລາວ ຈຳນວນຫຼາຍ.

ວັດລາວພຸດທະວົງເປັນນຶ່ງໃນວັດລາວ ທີ່ໃຫຍ່ທີ່ສຸດໃນ ສະຫະລັດ ອາເມຣິກາ, ມີເນື້ອ
ທີ່ປະມານ 25 ເຮັກຕາ, ຕັ້ງຢູ່ຫ່າງຈາກນະຄອນ ຫຼວງວໍຊິງຕັນປະມານ 1 ຊົ່ວໂມງ.
ແຕ່ລະປີ ທາງວັດ ຈະຈັດ ບຸນເຂົ້າ ແລະ ອອກພັນສາ,

ບຸນປີໃໝ່ລາວ ເຊິ່ງແມ່ນບຸນທີ່ໃຫຍ່ປາງນຶ່ງ ທີ່ທາງ ວັດຈັດຂຶ້ນ. ນອກນນີ້ ທາງວັດລາວ
ພຸດທະວົງຍັງເປັນສະຖານທີ່ໆມີການເຕົ້າໂຮມກັນ ຂອງບັນດາປະຊາຊົນລາວທີ່ອາ
ໄສຢູ່ໃນ ສະຫະລັດ ຫຼາຍທີ່ສຸດອີກ ດ້ວຍ ຈຶ່ງພາໃຫ້ວັດລາວພຸດທະວົງຈັດງານມະໂຫ
ລານອັນຍິ່ງໃຫຍ່ ປະຈຳປີຂຶ້ນ ທີ່ເອີ້ນວ່າບຸນເຕົ້າໂຮມເຄືອຍາດ ເນື່ອງໃນໂອກາດວັນ
ເອກະລາດຂອງສະຫະລັດ ທີ 4 ກໍລະກົດທຸກໆປີ.

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG