ກົມພົວພັນຄົນລາວໃນຕ່າງປະເທດ, ກະຊວງການຕ່າງ
ປະເທດຂອງລາວ ລາຍງານວ່າການຍົກເວັ້ນຄ່າທໍານຽມ
ວິຊ່າໃຫ້ແຫ່ຄົນລາວໃນຕ່າງປະເທດທີ່ຕ້ອງການຈະເດີນ
ທາງກັບຄືນມາຢ້ຽມຢາມຍາດຕິພີ່ນ້ອງຢູ່ໃນປະເທດລາວ
ໄດ້ມີຜົນບັງຄັບໃຊ້ຢ່າຍເປັນທາງການນັບຕັ້ງປີນີ້ເປັນຕົ້ນ
ມາແລ້ວ.
ຊຶ່ງກໍຄືການຍົກເວັ້ນທໍານຽມວິຊ່າໃຫ້ກັບຄົນລາວໃນຕ່າງ
ປະເທດທີ່ມີອາຍຸຕັ້ງແຕ່ 65 ປີຂຶ້ນໄປ ແລະມີອາຍຸຕໍ່າກວ່າ
15 ປີ ທີ່ຂໍວິຊ່າຈາກສະຖານກົງສູນລາວ ລວມທັງຍັງຈະ
ໄດ້ຮັບການຍົກເວັ້ນຄ່າທໍານຽມໃນການຂໍຕໍ່ວິຊ່າໃນການ ຢູ່ໃນລາວຕໍ່ໄປ ພາຍຫລັງຈາກ ຄົບກຳໜົດ 90 ວັນອີກດ້ວຍ.
ມາດຕະການດຽວກັນນີ້ກໍຍັງໃຊ້ກັບນັກບວດ ແລະຄົນພິການ
ອີກດ້ວຍຊຶ່ງກໍເຊັ່ນດຽວກັນກັບ ຄົນລາວໃນຕ່າງປະເທດທຸກ
ຄົນທີ່ ຂໍວິຊ່າຈາກສະຖານທູດ ຫລືສະຖານກົງສູນລາວໃນ
ຕ່າງປະເທດນັ້ນ ບໍ່ຕ້ອງເສຍຄ່າທຳນຽມວິຊ່າ ແລະການຂໍ
ຕໍ່ວິຊ່າດັ່ງກ່າວ ແຕ່ຖ້າຫາກວ່າໄດ້ຮັບວິຊ່າຢູ່ດ່ານກວດຄົນ
ເຂົ້າເມືອງທີ່ອານຸຍາດໃຫ້ຢູ່ໃນລາວໄດ້ 60 ວັນນັ້ນ ກໍຍັງ
ຕ້ອງເສຍຄ່າທຳນຽມໃນອັດຕາ 30 ໂດລາ ແລະຖ້າຫາກ
ວ່າ ຈະຂໍຕໍ່ວິຊ່າກໍຈະໄດ້ຮັບສ່ວນລົດຈາກ 2 ໂດລາເປັນ 1
ໂດລາຕໍ່ມື້.
ທາງການລາວເຊື່ອວ່າມາດຕະການດັງກວ່ານີ້ຈະເຮັດໃຫ້ຄົນລາວໄນຕ່າງປະເທດພາກັນເດີນ
ທາງກັບຄືນມາຢ້ຽມຢາມ ປະເທດລາວຫຼາຍນັບມື້ ພ້ອມກັນນັ້ນ ກໍ່ຍັງຄາດຫວັງດ້ວຍວ່າຄົນ ລາວໃນຕ່າງປະເທດຈະປະກອບສ່ວນຢ່າງສໍາຄັນເຂົ້າໃນການສ້າງສາພັດທະນາປະເທດລາວ
ໃຫ້ຈະເລີນກ້າວໜ້າຢ່າງເທົ່າທັນກັບຕ່າງປະເທດໄດ້ໃນອານາຄົດ.
ທັງນີ້ກໍເນື່ອງຈາກວ່າຄົນລາວຢູ່ຕ່າງປະເທດນັ້ນແມ່ນມີຄວາມພ້ອມທາງເງິນທຶນ ແລະຄວາມ
ຮູ້ຄວາມສາມາດ ໃນດ້ານວິທະຍາການສະໄໝໃໝ່ທີ່ສາມາດຈະກັບມາຊ່ວຍສ້າງສາພັດທະນາ ຊາດລາວໃຫ້ມີຄວາມຈະເລີນກ້າວໜ້າໄດ້ ດັ່ງທີ່ທ່ານ ຈູມມະລີ ໄດ້ໃຫ້ການເນັ້ນຢໍ້າວ່າ:
“ໂດຍຍຶດໝັ້ນໃນແນວທາງ
ສ້າງຄວາມສາມັກຄີປອງ
ດອງຂອງທົ່ວປວງຊົນລາວ
ເວລາໃດພັກເຮົາກໍຖືວ່າ ພີ່
ນ້ອງເຊື້ອຊາດລາວຢູ່ຕ່າງ
ປະເທດ ຍັງເປັນສ່ວນໜຶ່ງ
ຂອງວົງຂະນາຍາດແຫ່ງຊາດ
ສະນັ້ນ ຈິ່ງຍິນດີຕ້ອນຮັບຜູ້
ທີ່ມີນໍ້າໃຈຮັກຊາດ ຮັກບ້ານ
ເກີດເມືອງນອນໄດ້ອ່ວຍໜ້າ
ມາຫາປະເທດຊາດ ໃຫ້ປະ
ກອບສ່ວນດ້ວຍສະຕິບັນຍາ
ເຫື່ອແຮງ ແລະທືນຮອນ ເຂົ້າໃນການສ້າງສາປະຕິພູມຮ່ວມກັນກັບຄົນລາວຢູ່ ພາຍໃນປະເທດ”.
ກ່ອນໜ້ານີ້ທ່ານ ຫຽມ ພົມມະຈັນ ລັດຖະມົນຕີຊ່ວຍວ່າການກະຊວງການຕ່າງປະເທດລາວ
ໄດ້ໃຫ້ການຢືນຢັນວ່າ ທາງການລາວຈະໃຫ້ການສະໜັບສະໜູນສົ່ງເສີມ ແລະອໍານວຍຄວາມ
ສະດວກ ໃນທຸກໆດ້ານແກ່ຄົນລາວໃນຕ່າງປະເທດທີ່ຕ້ອງການຈະເດີນທາງກັບຄືນມາລາວ
ເຊັ່ນ: ການອໍານວຍຄວາມສະດວກໃນການເດີນທາງໄປ-ມາ, ການແຕ່ງດອງລະຫວ່າງຄົນ
ລາວ ໃນກັບຄົນລາວນອກປະເທດ, ການກັບມາຢູ່ລາວຢ່າງຖາວອນ, ການອໍານວຍຄວາມ
ສະດວກໃນດ້ານນິຕິກໍາ ຫຼືການອະນຸຍາດໃຫ້ມີສິດໃນທີ່ດິນ ແລະບ່ອນຢູ່ອາໄສເປັນຕົ້ນ.
ນິຕິກຳທີ່ສຳຄັນອີກອັນນຶ່ງທີ່ທາງການກະຊວງການຕ່າງປະເທດຂອງລາວໄດ້ດຳເນີນ
ການຮ່າງຮຽບຮ້ອຍແລ້ວ ແລະຍັງລໍຖ້າພຽງການອະນຸມັດຈາກນາຍຍົກລັດຖະມົນຕີຢ່າງ
ເປັນທາງການເທົ່ານັ້ນໃນຂະນະນີ້ ກໍຄືດຳລັດວ່າດ້ວຍການໃຫ້ກໍາມະສິດໃນການຖືຄອງ
ແລະເປັນເຈົ້າຂອງທີ່ດິນໃນລາວແກ່ຄົນລາວໃນຕ່າງປະເທດທີ່ຢາກຈະກັບຄືນມາຢູ່ລາວ
ຢ່າງຖາວອນຫລືວ້ຢູ່ແບບໄລຍະຍາວນັ້ນເອງ.
ທາງການລັດຖະບານລາວໄດ້
ປະກາດການດຳເນີນນະໂຍ
ບາຍເພື່ອດຶງດູດເອົາຄົນລາວ
ໃນຕ່າງປະເທດກັບຄືນມາລາວ
ນັບແຕ່ທ້າຍປີ 2009 ເປັນຕົ້ນ
ມາ ໂດຍເຫດການທີ່ສຳຄັນທີ່
ຄົນລາວໃນຕ່າງປະເທດໄດ້ມີ
ໂອກາດປະກອບສ່ວນດ້ວຍໃນ
ໄລຍະຜ່ານມານັ້ນ ກໍຄືການ
ເປັນເຈົ້າພາບຈັດຊີເກມ ຄັ້ງ
ທີ 25 ໃນປີ 2009 ແລະ
ການສະເຫລີມສະຫລອງ
450 ປີຂອງນະຄອນວຽງຈັນ ໃນປີ 2010.
