ລິ້ງ ສຳຫລັບເຂົ້າຫາ

ປະຊາຄົມລາວ ແລະຫວຽດນາມ ອາເມຣິກັນ ປະທ້ວງ ການມາຢ້ຽມຢາມ ຂອງນາຍົກ ຫວຽດນາມ


ປະຊາຄົມລາວ-ອາເມຣິກັນ ແລະຫວຽດນາມ-ອາເມຣິກັນ ພາກັນປະທ້ວງ ຢູ່ຕໍ່ໜ້າທຳນຽບຂາວ.

ຊາວລາວອາເມຣິກັນຈຳນວນນຶ່ງ ພ້ອມດ້ວຍຊາວຫວຽດນາມຫລາຍຮ້ອຍຄົນ ທີ່ ເດີນທາງມາຈາກຫລາຍລັດ ​ໄດ້​ໂຮມ​ຊຸມນຸມ​ປະ​ທ້ວງການ​ເດີນທາງ​ມາ​ຢ້ຽມຢາມ
ຂອງ​ນາຍົກລັດຖະມົນຕີຫວຽດນາມ.

ການ​ປະ​ທ້ວງ​ຂອງ​ຊາວ​ລາວ​ອາ​ເມຣິກັນ ​ແລະ​ຊາວ​ຫວຽດນາມ ​ໄດ້​ຈັດ​ຂຶ້ນທີ່​ສວນ
ສາທາລະນະ Lafayette ຕໍ່ໜ້າທຳນຽບຂາວ ຊຶ່ງ​ພວກ​ເຂົ້າ​ຮ່ວມພາກັນຖືທຸງຊາດ ຂອງອະດີດສາທາລະນະລັດຫວຽດນາມ ​ທຸງຊ້າງສາມຫົວຂອງອະດີດພະລາຊະ
ອານາຈັກລາວແລະທຸງສະຫະລັດອາເມຣິກາ ​ເພື່ອປະທ້ວງການລະ​ເມີດສິດທິມະ
ນຸດ ແລະການ​ແຊ​ກ​ແຊງ​ຂອງຫວຽດນາມ ຢູ່ໃນລາວ ​ໃນ​ລະຫວ່າງ​ການ​ເດີນທາງ​
ມາ​ຢ້ຽມຢາມ ຂອງນາຍົກລັດຖະມົນຕີ Nguyen Xuan Phuc ທີ່ໄດ້ພົບປະ ກັບ ປະທານາທິບໍດີສະຫະລັດ ທ່ານດໍໂນລ ທຣໍາ ຢູ່ທຳນຽບຂາວໃນຕອນທ່ຽງວັນພຸດ
ມື້ວານນີ້.

ປະຊາຄົມລາວອາເມຣິກັນ ທີ່ເຂົ້າຮ່ວມປະທ້ວງ ຕໍ່ໜ້າທຳນຽບຂາວ.
ປະຊາຄົມລາວອາເມຣິກັນ ທີ່ເຂົ້າຮ່ວມປະທ້ວງ ຕໍ່ໜ້າທຳນຽບຂາວ.

ຍານາງບຸນຈັນ ​ເສນທະວົງ ຜູ້ນຳ​ປະຊາ​ຄົມລາວ​ອາ​ເມຣິກັນໄດ້ກ່າວຕໍ່ວີໂອເອ ​ໃນການເຂົ້າຮ່ວມການປະທ້ວງຄັ້ງນີ້ວ່າ:

ໃນ​ຂະນະ​ດຽວ​ກັນ ກໍມີທ່ານ Nguyen Tuan ສະມາຊິກປະຊາຄົມຫວຽດນາມ
ອາເມຣິກັນຊຶ່ງທ່ານໄດ້ກ່າວຕໍ່ວີໂອເອວ່າ: “ພວກເຮົາຊາວຫວຽດນາມ ມາປະທ້ວງ
ມື້ນີ້ເພື່ອຕໍ່ຕ້ານ ການລະ​ເມີດສິດທິມະນຸດ ຊຶ່ງສ່ວນໃຫຍ່ ມີສາເຫດມາຈາກລັດຖະ ບານຫວຽດນາມ. ມື້ນີ້ ເປັນມື້ທຳອິດ ຂອງການພົບປະ ລະຫວ່າງປະທານາທິບໍດີ
ທຣໍາ ແລະນາຍົກລັດຖະມົນຕີຫວຽດນາມ ທ່ານ Phuc ພວກເຮົາຢາກສະແດງ
ໃຫ້ທ່ານ ແລະປະທານາທິບໍດີ ສະຫະລັດຮູ້ວ່າ ພວກເຮົາບໍ່ຢາກໃຫ້ ສະຫະລັດ ເປັນເພື່ອນທີ່ໃກ້ຊິດກັບຫວຽດນາມເກີນໄປແລະຫລົງລືມວ່າ ມີການລະ​ເມີດສິດ
ທິນຸດຫຼາຍໆຢ່າງຢູ່ໃນຫວຽດນາມ.”

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG