ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຊາວລາວ-ອາເມຣິກັນ ຮ່ວມສະຫຼອງບຸນ ຂອບຄຸນພະເຈົ້າ (ວີດີໂອ/ສະ​ໄລດ໌​​)


ການຕົກແຕ່ງອາຫານ ວັນສະຫລອງບຸນ Thanksgiving ຫລື ວັນຂອບຄຸນພະເຈົ້າ
ການຕົກແຕ່ງອາຫານ ວັນສະຫລອງບຸນ Thanksgiving ຫລື ວັນຂອບຄຸນພະເຈົ້າ
ສະ​ບາຍ​ດີ ທ່ານ​ຜູັ​ຟັງທີ່​ເຄົາ​ຣົບ ປັດ​ຈຸ​ບັນ​ນີ້ ຢູ່​ພາກ​ເໜືອ​ຂອງ
ສ​ະ​ຫະ​ລັດ ອາ​ກາດໄດ້​ເລີ້ມໜາວ ຕົ້ນ​ໄມ້​ຍັງ​ເຫລືອ​ໄວ້​ໃຫ້​ເຫັນ​ແຕ່​
ຮ່າງ ແລະ​ປາ​ດ​ສະ​ຈາກ​ໃບ ຍົກ​ເວັ້ນ​ແຕ່​ຕົ້ນ​ແປກແລະ​ຕົ້ນ​ໄມ້ສະ​
ນິດ​ທີ່ສູ້​ທົນ​ກັບ​ຄວາມ​ໜາວ​ໄດ້​ນັ້ນຍັງ​ພາ​ກັນຂຽວ​ງາມ​ໄວ້​ໃຫ້​ເຫັນ
ຢູ່. ​ບັດ​ນີ້ ຢູ່​ໃນບັນ​ຍາ​ກາດຂອງ ປະ​ຊາຄົມ​ອາ​ເມ​ຣິ​ກັນ ​ເຕັມ​ໄປດ້ວຍ
​ການ​ຕົກ​ແຕ່ງ​ດ້ວຍແສງ​ສີ ແລະ​ເຄື່ອງ​ເອ້​ຢູ່​ຕາມ​ບ້ານເຮືອນຖະ​ໜົນ​ຫົນ​ທາງ ແລະ​ຮ້ານ​ຄ້າຕ່າ​ງໆ ເພື່ອ​ຕ້ອນ​ຮັບ​ການ​ສະ​ຫລອງ​ບຸນ Thanksgiving ຫລຶ​ບຸນ​ຂອ​ບ​ຄຸນ​ພະ​ເຈົ້າ ໃນ​ວັນ​ພະ​ຫັດ ທີ 28 ພະ​ຈິກ ມື້​ນີ້.


ພິ​ທີອ​ະ​ໄພ​ຍະ​ໂທດ ​ໄກ່​ງວງ ປະ​ຈຳ​ປີ​ທີ່ ທຳ​ນຽບ​ຂາ​ວ ແລະ​ກິດ​ຈະ​ກາ​ນ​ຕ່າງໆ

ໃນ​ວາ​ລະ​ໂອ​ກາ​ດສະ​ຫລອງ​ບຸນ ຂອບ​ຄຸນ​ພະ​ເຈົ້າ​ນີ້ ປ​ະ​ຊາ​ກອນ ສະ​ຫະ​ລັດ ຫ​ລາຍ​ລ້ານ​ຄົນ​ພາ​ກັນ​ເດີນ​ທາງໂດຍ​ທາງ​ລົດ ​ເຮືອ​ບິນ ​ລົດ​ບັ​ສ ແລະ​ລົດ​ໄຟ ​ໄປ​ຢ້​ຽ​ມ​ຢາມ​ຖາມ​ຂ່າວ​ ຍາດ​ຕິ​ພີ່​ນ້ອງ ຢູ່​ທຸກ​ຫົນ​ແຫ່ງ ນອກ​ຈາກ​ນັ້ນ​ອີກ​ແລ້ວ ເຂົາ​ເຈົ້າ​ພາ​ກັນຊື້​ອາ​ຫານ​ການ​ກິນ​ ເຄື່ອງ​ດື່ມເພື່ອ​ຕຽມ​ຕ້ອນ​ຣັບ​ລ້ຽງສະ​ຫລອງ ໃນ​ວັນ ຂອ​ບ​ຄຸນ​ພະ​ເຈົ້າ​ ​ແລະ​ໃນ ຕອນ​ເຊົ້າ​ຂອງ ​ວັນ​ພະຫັດມື້ນີ້​ ທີ່​ນະຄອນ​ນິວຢອກ​ກໍ​ມີ​ການ​ເດີນ​ສວນສະໜາ​ມກັນ​ຢ່າງ​ຄຶກຄື້ນ.

ຊຶ່ງຫລັງ​ຈາກ​ນັ້​ນ​ຈະຕິ​ດ​ຕາມ​ມາ​ດ້ວຍບຸນ Christmas ​ໃນ​ວັນ​ທີ 28 ເດືອນທັນ​ວາແລະໃນ​ ທີ່​ສຸດ
ໃນວັນ​ທີ່ 31 ທັ​ນ​ວາ ຈະ​ມາ​ເຖິງ​ນີ້​ກໍຈະແມ່ນ​ການ​ສະ​ຫລອງ​ບຸນ ສົ່ງ​ທ້າຍ​ປີ​ເກົ່າ2013 ແລະຕ້ອນ​ຮັບ​ປີ​ໃໝ່ ຄ​.ສ 2014.
ຄອບຄົວ ນາງ Dahli Powell ນັກຄົວກິນ ລາວ ອາເທຣິກັນ
ຄອບຄົວ ນາງ Dahli Powell ນັກຄົວກິນ ລາວ ອາເທຣິກັນ

ບັດ​ນີ້​ເຮົາ​ຈະມາ​ໂອ້​ລົມ​ກັນ​ກ່ຽວ​ກັບການ​ສະ​ຫລອງ​ບຸນ Thanks-
giving ຫລືບຸນ ຂອບຄຸນ​ພະ​ເຈົ້າ ​ຊຶ່ງ​ເປັນ​ບຸນປະ​ຈໍາປີ​ສໍາຄັນ​ປາງ
ນຶ່ງ ​ໃນ​ປະຊາ​ຄົມ ອາ​ເມຣິກັນ ທີ່​ໄດ້​ສະຫລອງ​ກັນມາ​ເປັນ​ເວລາ
ກ​ວ່າ 200 ປີ​ແລ້ວ. ແຕ່ວ່າ​ບຸນ​ດັ່ງກ່າວ​ນີ້ບໍ່​ໄດ້​ປະກາດ​ສະຫລອງ
ຢ່າງເປັນທາງການ​ຈົນ​ເຖິງ​ປີ 1863 ຂອງລະດູ​ໃບ​ໄມ້​ຫລົ່ນໃນ
ວັນພະຫັດ ອາທິດທີ່​ສີ່ ເດືອນ​ພະຈິກ. ເວລານັ້ນ​ຕົກຢູ່ພາຍ​ໃຕ້
ການ​ປົກຄອງ​ຂອງ ປະທານາທິບໍດີ Abraham Lincolnປະທາ
ນາທິບໍດີຄົນ​ທີ່ 16 ຂອງ​ ສ​ະຫະລັດ ອາ​ເມຣິກາ​.

ກໍາ​ເໜີ​ດການ​ສະຫລອງບຸນວັນຂອບ​ຄຸນ​ພະ​ເຈົ້າ ​ໄດ້ເລີ້ມ​ມີ​ມາ​ແຕ່​ປີ 1621 ເວລາ​ນັ້ນ ມີ
ນັກ​ສະ​ແຫວ​ງບຸນຊາວ​ອັງກິດ 102 ຄົນ ຊຶ່ງ​ເປັນກຸ່ມ​ທໍາ​ອິດ​ ທີ່​ພາກັນ​ເດີນທາງ​ມາ​ເຖິງແຜ່ນ
ດິນ​ໃໝ່ ​ເພື່ອ​ສະແຫວ​ງຫາສິດ​ທິ ​ການນັບຖື​ບູຊາ. ​ເຂົາ​ເຈົ້າ​ພາກັນເດີນ​ທາງໂດຍ​ທາງເຮືອ
ທີ່​ມີ​ຊຶ່ວ່າ Mayflower ​ໃຊ້​ເວລາຢູ່ 66 ມື້​ຈຶ່ງ​ໄດ້ມາ​ຕົກ​ຢູ່​ແຜ່ນດິນ​ໃໝ່ ຊຶ່ງເຂດ​ນັ້ນ​ເອີ້ນ​ກັນ​
ໃນ​ປັດຈຸບັນ​ນີ້ວ່າ​ New England.

​ຊາວ​ອັງກິດ​ເຫລົ່າ​ນີ້ ໄດ້ມາຕັ້ງ​ບ້ານ​ໃໝ່ທີ່ຮູ້​ກັນ​ວ່າ Plymouth ຢູ່​ໃນລັດ Massachusetts
ທາງ​ພາກ​ຕ​ເວັນ​ອອກສຽງ​ເໜືອ​ຂອງ ສະຫະລັດ ອາ​ເມ​ຣິ​ກາ ນີ້​ເອງ. ​ຈາກ​ການລ່ອງ​ເຮືອ
ຂ້າມ​ມະຫາ​ສະ​ມຸດ ອັນ​ກວ້າງໃຫຍ່​ ​ເວ​ລາ​ເຂົາ​ເຈົ້າ ກໍາ​ລັງ​ຕັ້ງ​ບ້ານຢູ່​ໃນ​ແຜ່ນ​ດິນໃໝ່​ນັ້ນ ​
ເຂົາ​ເຈົ້າໄດ້​ປະສົບ​ກັບ​ຄວາມ​ອິດ​ເໝື່ອຍ ອ່ອນ​ເພຍ ໂຫຍ​ຫີ​ວ ​ແລະ​ປະ​ເຊີນໜ້າ​ກັບອາກາດ​
ໜາວ. ຈໍານວນ​ນຶ່ງ​ໄດ້​ເກີດ​ເຈັບ​ປ່ວຍຍ້ອນຂາດ​ອາຫານ ​ເປັນພະຍາດ ​ແລະໄດ້​ລົ້ມ​ຫາຍ
​ຕາຍ​ໄປ​ເກືອບ​ເຄິ່ງນຶ່ງ.

​ຊາວ​ອິນ​ເດຍ​ແດງ ທີ່​ເປັນຊົ​ນ​ເຜົ່າ​ທ້ອງ​ຖິ່ນ ​ໄດ້​ເຫັນຄວາມ​ຍາກ​ລໍາບາກ ​ຂອງ​ຊາວ​ອັງກິດ​
ເຫລົ່າ​ນີ້ ​ທີ່ບໍ່​ລື້ງເຄີຍກັບ​ສິ່ງ​ແວດ​ລ້​ອມໃໝ່ ໄດ້ພາກັນຊ່ວຍ​ສິດສອນນໍາພາຊາວ​ອັງກິດ ​ໃຫ້
ຮູ້ຈັກ​ປູກ​ໝາກ​ສາລີ ຫາ​ປາ​ຢູ່​ຕາມແມ່​ນໍ້າລໍາ​ເຊ ໂຮ່​ເນື້ອ ​ໂດຍ​ສະ​ເພາະ​ຢ່າງ​ຍິ່ງ ຈັບ​ໄກ່​ງວງ
ປ່າ ມາ​ເປັນ​ອາຫານ ແລະ​ຫລີກ​ລ້ຽງ​ພືດ​ຕ່າງໆທີ່​ເປັນ​ພິດ. ​

​ເມື່ອ​ໄດ້ພົ້ນຈາກ​ຄວາມໂຫຍ​ຫີ​ວ ໃນ​ປີ​ຕໍ່​ມາ ຊາວ​ອັງ​ກິດ​ ​ໄດ້ພາກັນສະ​ແດງ​ຄວາມ​ຮູ້​ບຸນ​ຄຸນ
ຕໍ່ຊາວ​ອິນ​ເດຍ​ແດງດັ່ງກ່າວ ໂດຍເຊື້ອ​ເຊິ​ນ​ ​ເຂົາ​ເຈົ້າມາ​ຮ່ວມ​ຮັບ​ປະທານ​ອາຫານ ຈາກ​
ຜົນ​ປູກທີ່​ ຊາວ​ອິນ​ເດຍ​ແດງ ໄດ້​ສິດສອນ ໃຫ້​ເຂົາ​ເຈົ້າ ໄດ້ພົ້ນ​ຈາກ​ຄວາມ​ອຶດ​ຢາກ ​ແລະ​ລົ້ມ
​ຫາຍ​ຕາຍ​ໄປນັ້ນ.

ການຕັ້ງໂຕະຮັບປະທານອາຫານຮ່ວມກັນ
ການຕັ້ງໂຕະຮັບປະທານອາຫານຮ່ວມກັນ
ດ້ວຍ​ເຫດ​ນີ້​ເອງ ວັນພະຫັດ ​ອາທິດທີ່​ສີ່ ເດືອນ​ພະຈິກ ​ທຸກໆ​ປີ
ຈຶ່ງ​ໄດ້​ກາຍ​ມາ​ເປັນບຸນ​Thanksgiving​ ​ຫລື​ວັນ​ຂອບຄຸນ​ພະ​ເຈົ້າ
​ ​ພ້ອມ​ດ້ວຍຊາວ​ອິນ​ເດຍ​ແດງ​ນຳ​. ​ເພາະ​ສະ​ນັ້ນມື້​ນີ້ເປັນວັນພັກ​
ລາດ​ຊະ​ການທົ່ວ​ປະ​ເທດ ​ຮ້ານ​ຄ້າ​ຕ່າງໆ​ປິດ​ ​ຖະໜົນ​ຫົນ​ທາງ
​ງຽບ​ສະຫງັດ ຢູ່​ຕາ​ມບ້ານ​ເຮື​ອນຕ່າງໆ ບໍ່​ວ່າ​ຄົນຈະ​ມີ​ພື້ນຖານ
ສາສະໜາ ​ແລະ​ຮີດຄອງປະ​ເພນີ ​ທີ່ມາ​ຈາກ​ໃສ​ກໍ​ຕາມ ບັນດາ
ສະມາຊິກ​ຄອບຄົວ ພ້​ອມ​ດ້ວຍ ຍາດຕິ​ພີ່ນ້ອງ ໝູ່ເພື່ອນ​ທີ່ຢູ່ໃກ້
​ແລະໄກ ​ໄດ້​ພາເດີນທາງ​ມາ​ເຕົ້າ​ໂຮມພົບ​ພໍ້ ​ຮັບ​ປະ​ທານ​ອາ
​ຫານ ​ແລະ​ຖາມ​ຂ່າ​ວຄາວກັນຢ່າງ​ຄຶກຄື້ນ. ​ເພາະ​ສະ​ນັ້ນ ຜູ້​ເປັນ
​ເຈົ້າ​ພາບ​ຮັບ​ຕ້ອນ ຕ້ອງ​ໄດ້​ຫ້າງ​ຫາ​ກະ​ກຽມ ຕົກ​ແຕ່ງ​ອາ​ຫານ
​ການກິນ​ຢ່າ​ງ​ສຸດ​ຝີ​ມືເພື່ອ​ໃຫ້​ບັນ​ດາ​ແຂກ​ໄດ້​ຮັບ​ປະ​ທານຢ່າງແຊ​ບ​ຊ້ອຍ.

ໃນ​ຄໍາ​ຄືນ​ຂອງວັນ​ຂອບ​ໃຈ​ພະ​ເຈົ້າ​ນີ້ ວີ​ໂອ​ເອ ຈຶ່ງ​ຖື​ໂອ​ກາ​ດສໍາພາດ ນາງ Dahli Powell
ສະຕີລາວ-ອາເມຣິກັນ ນັກ​ຄົວ​ກິນ​ອາ​ຊີບ ຫລື chef ທີ່​ມີ​ທຸ​ລະ​ກິດ​ຂອງ​ຕົນ​ເອງ ຕັ້ງ​ຖິ່ນ​ຖານ
ຢູ່​ເມືອງ Portland ລັດ Oregon ຝັ່ງ​ຕາ​ເວັນ​ຕົກ​ຂອງ ສະຫະລັດ. ​ນາງ Dahli ​ໄດ້​ເຫລົ່າ​
ເຖິງ​ເບື້ອງ​ຕົ້ນ​ຄວາມ​ເປັນ​ມາຂອງ​ຊີວິດ​ສູ່ງ ວີ​ໂອ​ເອ ຟັງ​ວ່າ :

ນາງ Dahli Powell ນັກຄົວກິນ (chef) ໃນວາລະໂອກາດ ບຸນຂອບ ຄຸນພະເຈົ້າ ມື້ນີ້ ນາງເປັນເຈົ້າພາບຕ້ອນ ຮັບລ້ຽງ ສະມາຊິກ ຄອບຄົວ
ນາງ Dahli Powell ນັກຄົວກິນ (chef) ໃນວາລະໂອກາດ ບຸນຂອບ ຄຸນພະເຈົ້າ ມື້ນີ້ ນາງເປັນເຈົ້າພາບຕ້ອນ ຮັບລ້ຽງ ສະມາຊິກ ຄອບຄົວ

ລິງໂດຍກົງ

ອາຫານຂອງວັນ ຈອງຄຸນພະເຈົ້າ
ອາຫານຂອງວັນ ຈອງຄຸນພະເຈົ້າ

ປະເພນີການຮັບປະທານອາຫານຂອງວັນ Thanksgiving ນີ້​ຕ້ອງ
ມີ “ອົບໄກ່ງວງ” ແລະ​ເຄຶ່ອງ​ປະກອບຕ່າງໆ​ ​ແລະ​ຂະນະ​ດຽວກັນ​ນີ້ ກໍມີບັນດາສະມາຊິກຄອບຄົວ ລູກ​ຫລານ ຍາດຕິ​ພີ່ນ້ອງ ຢ່າ​ງຄັບ
ຂັ່ງມາຮັບ​ປະທານ​ອາຫານຮ່ວມ​ກັນ ດັ່ງ​ Dahli ໄດ້​ໂອ້​ລົມ​ກ່ຽວ​ກັບ
ການ​ຫ້າງ​ຫາ ​ປຸງແຕ່ງໄກ່​ງວງມື້​ນີ້ວ່າ : ​

ລິງໂດຍກົງ

ອ້າງ​ອິງ​ຕາມ​ສະຖິຕິ​ຂອງ ກະ​ຊວງ​ກະ​ເສດ​ ສະຫະລັດ
ການ​ສະຫລອງບຸນ Thanksgiving ແຕ່ລະ​ປີປະຊາກອນ ສະຫະລັດພາກັນ​
ບໍລິ​ໂພ​ກ ​ໄກ່ງວງເຖິງ 40ລ້ານ​ໂຕ.
ຊາວລາວ-ອາເມຣິກັນ ສະຫລອງບຸນ ຂອບຄຸນພະເຈົ້າ
ຊາວລາວ-ອາເມຣິກັນ ສະຫລອງບຸນ ຂອບຄຸນພະເຈົ້າ

ໃນ​ວາ​ລະ​ໂອ​ກາດ​ດຽວ​ກັນ​ນີ້ ບັນດາປະຊາກອນ​ລາວ-ອາ​ເມຣິກັນ ກໍແມ່ນຊົນຊາດນຶ່ງທີ່ພາກັນ​ຖື​ເອົາ​ບັນ​ຍາ​ກາດ​ນີ້​ ສະແດງຄວາມ
ຂອບໃຈ​ຕໍ່ປະເທດ ສະຫະລັດ ອາເມຣິກາ ທີ່ໄດ້ໃຫ້ຄວາມອຸບ
ປະກາຣະ ຫລັງ​ຈາກເຂົາ​ເຈົ້າໄດ້ຜ່ານ​ຜ່າ ປະ​ສົບກັບ ຄວາມຍາກ
ລໍາບາກຫລາຍໆຢ່າງ ໃນ​ການມາ​ຕັ້ງ​ຊີ​ວິດ ຢູ່ແຜ່ນ​ດິນ​ໃໝ່ ໃນ​
ຕອນ​ທ້າຍ​ສັດຕະ​ວັດ ທີ່ 20 ​ອັນໄດ້​ນຳ​ມາ​ສູ່ຜົນ​ສຳ​ເລັດແລະ​ ໄດ້
​ກາຍ​ມາເປັນປະ​ຊາ​ກອນ​ຂອງປະເທດ.

American Indian Museum Celebrates Thanksgiving
please wait

No media source currently available

0:00 0:02:02 0:00
ລິງໂດຍກົງ

ວິດີໂອ ການປຸງແຕ່ງໄກ່ງວງ ທີ່ຮ້ານອາຫານ ຫໍພິພິດທະພັນ ອິນເດຍແດງ ຫລື National Museum of American Indian ທີ່ນະຄອນຫລວງ ວໍຊິງຕັນ
XS
SM
MD
LG