ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ດິນ​ເຈື່ອນ​ຫຼັງ​ຈາກ​​ຝົນ​ຕົກ​ໜັກ​ເຮັດ​ໃຫ້ 8 ຄົນ​ເສຍ​ຊີ​ວິດ ໃນ​ແຂວງ ຮູ​ໜານ ທາງ​ພາກ​ກາງ​ຂອງ ຈີນ


​ພາບ​ຖ່າຍ​ຈາກ​ອາ​ກາດ​ສະ​ແດງ​ໃຫ້​ເຫັນ​ຕຶກ​ທີ່​ພັງ​ລົງ​ຫຼັງ​ຈາກ​ນ້ຳ​ຖ້ວມ​ໃນ​ເມືອງ ເມ​ຊູ, ແຂວງ ກວາງ​ຕຸ້ງ, ຈີນ, 21 ມິ​ຖຸ​ນາ 2024
​ພາບ​ຖ່າຍ​ຈາກ​ອາ​ກາດ​ສະ​ແດງ​ໃຫ້​ເຫັນ​ຕຶກ​ທີ່​ພັງ​ລົງ​ຫຼັງ​ຈາກ​ນ້ຳ​ຖ້ວມ​ໃນ​ເມືອງ ເມ​ຊູ, ແຂວງ ກວາງ​ຕຸ້ງ, ຈີນ, 21 ມິ​ຖຸ​ນາ 2024

ເຫດ​ດິນ​ເຈື່ອນ​ໃນ​ເຂດ​ພູ​ຜາ​ຂອງ​ພາກ​ກາງ ຈີນ ໄດ້​ເຮັດ​ໃຫ້ 8 ຄົນ​ເສຍ​ຊີ​ວິດ, ສື່ມວນ​ຊົນ​ລັດ​ຖະ​ບານ ​ກ່າວ​ໃນ​ວັນ​ອາ​ທິດ​ວານນີ້, ໃນ​ຂະ​ນະ​ທີ່ຫຼາຍ​ພາກ​ສ່ວນ​ຂອງ​ປະ​ເທດ​ຖືກ​ເຕືອນ​ໃຫ້​ລະມັດ​ລະ​ວັງ​ເປັນ​ຢ່າງ​ສູງ ກ່ຽວ​ກັບ ສະ​ພາບ​ອາ​ກາດບໍ່​ດີ ອີງຕາມອົງການຂ່າວເອແອັຟພີ.

ຝົນ​ຕົກ​ໜັກ​ໄດ້​ເຮັດ​ໃຫ້​ເກີດ​ດິນ​ເຈື່ອນ​ທີ່​ຮ້າຍ​ແຮງ​ໃນ​ບ້ານ​ແຫ່ງ​ນຶ່ງ​ຢູ່​ແຂວງ ຮູໜານ, ອີງ​ຕາມ​ໂຄສົກໂທ​ລະ​ພາບ CCTV ຂອງ​ລັດ​ຖະ​ບານ.

ຊ່ອງ​ໂທ​ລະ​ພາບ​ນັ້ນ ​ໄດ້​ກ່າວ​ວ່າ ເຮືອນ 4 ຫຼັງ​ໄດ້​ພັງ​ລົງ​ເມື່ອ​ຕອນ​ເຊົ້າ​ວັນ​ອາ​ທິດ​ວານນີ້ ແລະ ທັງ​ໝົດ 8 ຄົນ​ທີ່​ຫາຍ​ສາບ​ສູນ “ແມ່ນບໍ່​ຖືກ​ພົບ​ເຖິງ​ສັນ​ຍານ​ຂອງ​ການ​ມີ​ຊີ​ວິດ.”

ຈີນ ໄດ້​ປະ​ສົບ​ກັບ​ສະ​ພາບ​ອາ​ກາດ​ທີ່​ຮ້າຍ​ແຮງ ແລະ ອຸນ​ຫະ​ພູມ​ສູງ​ຜິດ​ປົກ​ກະ​ຕິ​ໃນ​ສອງ​ສາມ​ເດືອນ​ທີ່​ຜ່ານ​ມາ.

ສະ​ພາບ​ອາ​ກາ​ດ​ປ່ຽນ​ແປງ​ຈາກ​ການ​ປ່ອຍ​ອາຍ​ແກັ​ສ​ເຮືອນ​ແກ້ວ​ໂດຍ​ມະ​ນຸດ ໄດ້​ເຮັດ​ໃຫ້​ເກີດ​ເຫດ​ການ​ສະ​ພາບ​ອາ​ກາດ​ຮ້າຍ​ແຮງ​ເປັນ​ປະ​ຈຳ ແລະ ໃຫຍ່​ໂຕກວ່າ​ເກົ່າ, ແລະ ຈີນ ແມ່ນ​ຜູ້​ປ່ອຍ​ອາຍ​ແກັ​ສ​ນັ້ນ ຫຼາຍກວ່າ​ໝູ່​ໃນ​ໂລກ.

ບັນ​ດາ​ເຈົ້າ​ໜ້າ​ທີ່​ກົມ​ອຸ​ຕຸ​ນິ​ຍົມ ​ໄດ້​ອອກ​ຄຳ​ເຕືອນ​ສີ​ແດງຫຼາຍ​ຄັ້ງ, ເຊິ່ງ​ແມ່ນ​ສູງ​ທີ່​ສຸດ​ຂອງ​ລະ​ບົບ​ເຕືອນ​ໄພທີ່ມີ​ສີ່​ລະ​ດັບ​ຂອງ ຈີນ ສຳ​ລັບ​ຝົນ​ຕົກ​ໜັກ, ລວ​ມ​ທັງ​ໃນ​ແຂວງ ຮູ​ເບ ແລະ ອານ​ຮຸຍ.

ຝົນ​ຕົກ​ໜັກ​ໃນ​ພ​າກ​ໃຕ້ ແລະ ແຂວງ ກວາງ​ຕຸ້ງ ທີ່​ມີ​ປະ​ຊາ​ກອນ​ໜາ​ແ​ໜ້ນ​ໄດ້​ເຮັດ​ໃຫ້​ເກີດ​ນ້ຳ​ຖ້ວມ ແລະ ດິນ​ເຈື່ອນ, ດ້ວຍ​ຢ່າງ​ໜ້ອຍ 38 ຄົນ​ໄດ້​ເສຍ​ຊີ​ວິດ​ໃນ​ເຂດ​ໃຈ​ກາງ​ໂຮງ​ຈັກ​ໂຮງ​ງານ​ຂອງ ຈີນ ນັ້ນ, ອີງ​ຕາມ​ການ​ກ່າວ​ຂອງ​ສື່ມວນ​ຊົນ​ລັດ​ຖະ​ບານ​ ໃນ​ວັນ​ສຸກ​ທີ່​ຜ່ານ​ມາ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG