ອົງການສໍາພັນທະມິດລາວ-ອະເມຣິກັນ ຈະຈັດກອງປະຊຸມຫຼວງຂຶ້ນໃນວັນທີ 5-6 ເດືອນ
ສິງຫາ ທີ່ຈະມາເຖິງນີ້ ຊຶ່ງມື້ນີ້ທາງປະທານຈັດງານ ນາງສາວອະນະສອນ ສີລິວົງໄຊ ໄດ້
ມາອະທິບາຍເຖິງການຈັດກອງປະຊຸມຫຼວງຄັ້ງທີ່ 2 ເຕົ້າໂຮມນັກວິຊາການ, ນິສິດ, ນັກ
ສຶກສາ ເຍົາວະຊົນຊາວລາວໃນທົ່ວສະຫະລັດ ໃຫ້ເຫັນເຖິງບົດບາດແລະຄວາມປະພຶດຕົວ
ເປັນຊາວນຸ່ມທີ່ດີຫຼືບໍ່ ເຊັ່ນການດື່ມເຫຼົ້າຫຼື ຕິດຢາເປັນຕົ້ນ ນີ້ແມ່ນເປົ້າໝາຍຫຼັກທີ່ຕັ້ງໃຈຈັດ
ໃຫ້ຊາວນຸ່ມລາວມາຮຽນຮູ້ຊຶ່ງກັນແລະກັນ ຮຽນຮູ້ນໍາຜູ້ໃຫຍ່, ຜູ້ອະວຸໂສ ຊຶ່ງອະນະສອນ
ໄດ້ອະທິບາຍໃຫ້ຟັງ ດັ່ງບົດສໍາພາດຂ້າງລຸ່ມນີ້:
ບຸກຄົນສໍາຄົນທີ່ຢູ່ເບື້ອງຫຼັງທີ່ເປັນທີ່ປຶກສາໃຫ້ອົງການດັ່ງກ່າວ ກໍຄືທ່ານ ຫຸມແພງ ເພັງສົມພອນ ຫຼື Howard ທີ່ເປັນສະມາຊິກສະພາອໍານວຍການກໍໄດ້ເວົ້າເຖິງບົດບາດແລະຄວາມສໍາຄັນຂອງອົງການ LANA ສໍາພັນທະມິດລາວອະເມຣິກາລະດັບຊາດນີ້ວ່າ:
ທາງອົງການ LANA (Lao American National Aliance) ແມ່ຖືວ່າເປັນອົງການ
ລະດັບຊາດທີ່ທໍາໜ້າທີ່ເປັນຕົວກາງເຊື່ອມໂຍງແລະປະສານງານ ຕາງໜ້າໃຫ້ອົງການ
ນ້ອຍໃຫຍ່ຂອງແຕ່ລະຂົງເຂດທ້ອງຖິ່ນ ຕາມຫົວເມືອງນ້ອຍໃຫຍ່ ຊຶ່ງທ່ານຫຸມແພງໄດ້ ອະທິບາຍເພີ່ມຕື່ມວ່າ:
ກ່ອນຈົບກັບການສໍາພາດທັງສອງທ່ານກໍໄດ້ຊວນເຊີນ ຊາວລາວ, ນຸ່ມນ້ອຍ ເຍົາວະຊົນ ພ້ອມທັງບັນດາຜູ້ນໍາຂອງອົງການຈັດຕັ້ງ, ສະມາຄົມຕ່າງໆໃນທົ່ວສະຫະລັດ ໃຫ້ມາມີສ່ວນໃນກອງປະຊຸມຫຼວງຄັ້ງນີ້ ເພື່ອຈະໄດ້ຮຽນຮູ້ ເຖິງຄວາມຕ້ອງການແລະຈໍາເປັນຂອງແຕ່ລະໜ່ວຍງານ, ຮວມທັງສະມາຄົມນ້ອຍໃຫຍ່ທັງຫຼາຍ ເພື່ອຄວາມຢູ່ດີກິນດີແລະມີວັດທະນະທໍາແລະສັງຄົມອັນດີ ໃນປະເທດສະຫະລັດອະເມຣິກາ ດັ່ງບົດສະຫຼຸບຕໍ່ໄປນີ້ ໂດຍການເປີດ audio file ຂ້າງເທິງຂວາມືນີ້ ເພື່ອຟັງການສໍາພາດທັງໝົດໄດ້.
