ລິ້ງ ສຳຫລັບເຂົ້າຫາ

ການເລືອກຕັ້ງສະພາ ໃນກຽກກີສຖານ

  • ທອງປານ ເທບວົງສາ

ການເລືອກຕັ້ງເອົາສະມາຊິກສະພາ ຂອງປະເທດກຽກກີສຖານ ເມື່ອວັນທີ 10 ເດືອນຕຸລາ ຜ່ານມານີ້

ປາກົດວ່າ ກຽກກີສຖານຈະ​ຕ້ອງໄດ້ປະກອບລັດຖະບານ ຜະສົມ ຫລັງຈາກການເລືອກຕັ້ງເອົາສະພາ​ແຫ່ງ​ຊາດເທື່ອ ທຳອິດ ພາຍໃຕ້ລັດຖະທໍາມະນູນສະບັບໃໝ່. ການ ເລືອກຕັ້ງ ໃນກຽກກີສຖານໃນວັນອາທິດວານນີ້ ແມ່ນຈັດ ຂື້ນພຽງ​ບໍ່​ເທົ່າ​ໃດ​ເດືອນ ຫລັງການເກີດຄວາມວຸ້ນວາຍ ທາງ​ ການ​ເມືອງ ທີ່ຍັງຜົນໃຫ້ມີຜູ້ເສຍຊີວິດຫລາຍຮ້ອຍຄົນ.

ຈາກການນັບບັດລົງຄະແນນເກືອບວ່າທັງໝົດ​ແລ້ວນັ້ນ ພັກ ຊາດນິຍົມ Ata-Zhut ມີຄະແນນນໍາໜ້າພັກອື່ນເກືອບ 9 ເປີເຊັນ. ສ່ວນພັກການເມືອງອື່ນ ອີກສີ່ພັກ ກໍປາກົດວ່າ​ໄດ້​ຮັບຄະແນນກາຍ 5 ເປີເຊັນ ທີ່ຕ້ອງການເພື່ອຈະມີສິດເຂົ້າ ໄປນັ່ງໃນສະພາ​ແຫ່ງ​ຊາດ.

ທາງການກຽກກີສຖານກ່າວວ່າ ຫລາຍກວ່າ 56 ເປີເຊັນ ຂອງປະຊາຊົນຜູ້ມີສິດປ່ອນບັດ ຈໍານວນ 2 ລ້ານ 8 ​ແສນ ຄົນ ​ໄດ້​ໄປປ່ອນບັດເລືອກເອົາຜູ້​ສະມັກ ​ແຂ່ງຂັນ​ຈາກ 29 ພັກ ​ເພື່ອເລືອກ​ເຜູ້​ແທນ​ເຂົ້າ​ນັ່ງ​ໃນສະພາຊຸດໃໝ່ ທີ່​ມີ​ບ່ອນ​ນັ່ງ 120 ບ່ອນ​ ຊຶ່ງ​ມີ ກໍານົດຈະຈັດຕັ້ງລັດຖະບານຊຸດໃໝ່ ແລະ​ແຕ່ງ​ຕັ້ງນາຍົກລັດຖະມົນຕີຄົນໃໝ່.

ເມື່ອເດືອນມິຖຸນາຜ່ານມາ ​ການກໍ່​ຈະລາ​ຈົນລະຫວ່າງຊາວ​ພື້ນ​ເມືອງກຽກກີສ ທີ່​ເປັນຊົນ ເຜົ່າກຸ່ມໃຫ​ຍ່ ແລະ ຊົນເຜົ່ານ້ອຍ ອູສເບກສ໌ ໃນເຂດພາກໃຕ້ຂອງປະເທດ ​ໄດ້ຍັງຜົນ ໃຫ້ມີຜູ້ເສຍຊີວິດຫລາຍຮ້ອຍຄົນ ຊຶ່ງສ່ວນຫລາຍແມ່ນຊາວອູສເບກສ໌ ແລະປະຊາຊົນອີກ ສີ່ແສນຄົນ ຕ້ອງ​ໄດ້​ຫລົບໜີ​ຈາກ​ເຮືອນ​ຊານ​ບ້ານ​ຊ່ອງ.

XS
SM
MD
LG