ລິ້ງ ສຳຫລັບເຂົ້າຫາ

ກຽກກິດສະຖານ

  • ໄພສານ ວໍຣະຈັກ

ປະທານາທິບໍດີ ທີ່ຖືກໂຄ່ນລົ້ມ ຂອງກຍກກິດສະຖານ ທ່ານ KURMANBEK BAKIYEV ໄດ້ລາອອກ ຢ່າງເປັນທາງການ ລຸນຫລັງທີ່ທ່ານ ໄດ້ເດີນທາງ ອອກຈາກປະເທດ ເຮັດໃຫ້ການປະເຊີນໜ້າ ກັບລັດຖະບານຊົ່ວຄາວ ທີ່ມີມາເປັນເວລານຶ່ງອາທິດ ສິ້ນສຸດລົງ. ເຈົ້າໜ້າທີ່ ກຍກກິດສະຖານກ່າວວ່າ ທ່ານ BAKIYEV ໄດ້ສົ່ງໜັງສືລາອອກ ຂອງທ່ານໂດຍທາງແຟັກ ໄປໃຫ້ລັດຖະບານຊົ່ວຄາວ ຈາກກາຊັກສະຖານ ບ່ອນທີ່ທ່ານ ໄດ້ໄປລີ້ໄພ ລຸນຫລັງທີ່ໄດ້ເດີນທາງ ໄປຈາກເມືອງ JALAL-ABAD ທີ່ຢູ່ໃນພາກໃຕ້ ກຍກກິດສະຖານນັ້ນ. ທີ່ປະເທດບຣາຊິນ ປະທານາທິບໍດີຣັດເຊຍ ທ່ານ DMITRI MEDVEDEV ກ່າວວ່າ ທ່ານຫວັງວ່າ ການຈາກໄປ ຂອງທ່ານ BAKIYEV ແມ່ນໝາຍຄວາມວ່າ ກຍກກິດສະຖານ ອາດຈະລອດພົ້ນ ຈາກສົງຄາມກາງເມືອງໄດ້. ທ່ານໄດ້ກ່າວຫາ ລັດຖະບານ ທ່ານ BAKIYEV ວ່າ ບໍ່ມີປະສິດທິພາບ ຍ້ອນມີການ ສໍ້ລາດບັງຫລວງ. ການເດີນທາງ ອອກໄປຕ່າງປະເທດ ຂອງທ່ານ BAKIYEV ໄດ້ມີການສົນ ທະນາຫາຣືກັນ ໃນຕົ້ນສັບປະດານີ້ ໂດຍປະທານາທິບໍດີ ຂອງສະຫະລັດ ຣັດເຊຍ ກາຊັກສະຖານ ຕລອດທັງ ສະຫະພາບຢູໂລບ ທີ່ເປັນຜູ້ໄກ່ເກ່ຍ. ຂະນະດຽວກັນ ຮອງຫົວໜ້າ ຂອງລັດຖະບານຊົ່ວຄາວ ກຍກກິດສະຖານ ທ່ານ OMURBEK TEKEBAYEV ກ່າວວ່າ ກຍກກິດສະຖານ ຈະຕໍ່ອາຍຸ ຂໍ້ຕົກລົງ ກັບສະຫະລັດ ຕື່ມອີກນຶ່ງປີ ທີ່ອະນຸຍາດໃຫ້ ສະຫະລັດ ໃຊ້ຖານທັບອາກາດ ທີ່ສຳຄັນນີ້ ໃຫ້ການສະໜັບສະໜຸນ ຕໍ່ກຳລັງທະຫານ ສະຫະລັດ ໃນອັບການິສະຖານນັ້ນ. ການເຊົ່າຖານທັບອາກາດດັ່ງກ່າວ ມີກຳນົດ ຈະໝົດອາຍຸລົງ ໃນເດືອນມິຖຸນາ ຈະມານີ້.

XS
SM
MD
LG