ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມືລະເບີດສະຫຼະຊີບ ຢູ່ວັດອິສລາມ ຄູເຫວດ ແມ່ນຊາຍຊາວ ຊາອຸ


ກຳລັງປ້ອງກັນຄວາມສະຫງົບ ແລະ ເຈົ້າໜ້າທີ່ຕຳຫຼວດ ໄປເຕົ້າໂຮມກັນຢູ່ວັດອິສລາມ ນິກາຍຊີໄອທ໌ ຫຼັງຈາກ ການລະເບີດທີ່ຮ້າຍແຮງ ທີ່ອ້າງໂດຍກຸ່ມຫົວຮຸນແຮງ ລັດອິສລາມ ທີ່ໄດ້ໂຈມຕີບັນດາຜູ້ນະມັດຊະການທີ່ເຂົ້າຮ່ວມໃນການໄຫວ້ບູຊາໃນວັນສຸກທີ່ຜ່ານມາ ຢູ່ປະເທດ ຄູເຫວດ. 26 ມິຖຸນາ 2015.
ກຳລັງປ້ອງກັນຄວາມສະຫງົບ ແລະ ເຈົ້າໜ້າທີ່ຕຳຫຼວດ ໄປເຕົ້າໂຮມກັນຢູ່ວັດອິສລາມ ນິກາຍຊີໄອທ໌ ຫຼັງຈາກ ການລະເບີດທີ່ຮ້າຍແຮງ ທີ່ອ້າງໂດຍກຸ່ມຫົວຮຸນແຮງ ລັດອິສລາມ ທີ່ໄດ້ໂຈມຕີບັນດາຜູ້ນະມັດຊະການທີ່ເຂົ້າຮ່ວມໃນການໄຫວ້ບູຊາໃນວັນສຸກທີ່ຜ່ານມາ ຢູ່ປະເທດ ຄູເຫວດ. 26 ມິຖຸນາ 2015.

ຄູ​ເຫວດ​ກ່າວ ໃນ​ວັນອາທິດ​ມື້​ນີ້​ວ່າ ຕົນ​ໄດ້​ລະ​ບຸ​ໂຕ ​ຄົນສັນ​ຊາດ
ຊາ​ອຸ ​ຄົນ​ໜຶ່ງ ວ່າ​ເປັນມື​ລະ​ເບີດ​ສະຫຼະ​ຊີບ​ທີ່​ໄດ້​ໂຈມ​ຕີ​ວັດ ອິສລາມ ນິກາຍ​ຊີ​ໄອທ໌ ທີ່ແອອັດ​ແຫ່ງ​ໜຶ່ງ, ​ເຮັດ​ໃຫ້​ມີ​ຄົນ​ຕາຍ​ຢ່າງ​ໜ້ອຍ 26 ຄົນ ​ແລະ ບາດ​ເຈັບ​ອີກ​ຫຼາຍ​ຄົນ.

ກະຊວງ​ພາ​ຍ​ໃນ ຖະ​ແຫຼງ​ວ່າ ທ້າວ Fahd Suleiman Abdulmohsen al-Qaba’a ເປັນ​ຜູ້ທຳ​ການ​ໂຈມ​ຕີ​ ວັດອິສລາມ ​ໃນ​ວັນ​ສຸກ​ທີ່​ຜ່ານ​ມາ ​ໃນ​ລະຫວ່າງ​ເດືອນ​ສັກສິດ​ຖື​ສິນ​ອົດ​ຂອງ​ຊາວ​ມຸສລິ​ມ ຫຼື ຣາມາດາ​ນ.

​ເຫດຮ້າຍ​ດັ່ງ​ກ່າວ​ໃນປະ​ເທດຄູ​ເຫ​ວດ ​ແມ່ນ​ໜຶ່ງໃນ​ການ​ກໍ່​ການ​ຮ້າຍ​ສາມ​ຄັ້ງ​ ​ໃນ​ມື້ວັນ​ສຸກ ຢູ່​ສາມທະວີບ.

ຢູ່ຕູ​ນີ​ເຊຍ ໃນ​ວັນ​ເສົາ​ວານ​ນີ້ ນາຍົກລັດຖະມົນ​ຕີ Habib Essid ​ໄດ້ ຮີ​ບ​ຮ້ອນ​ເພີ່ມ​ການ​ຮັກ
ສາ​ຄວາມ​ປອດ​ໄພຂຶ້ນ ​ໃນ​ຂະ​ນະ​ທີ່ນັກ​ທ່ອງ​ທ່ຽວ​ຕ່າງຊາ​ດ​ ຫຼາຍພັນ​ຄົນ ພາກັນ​ໜີ​ອອກຈາກ​
ປະ​ເທດຫຼັງ​ຈາກ​ການ​ໂຈມ​ຕີ​ກໍ່​ການ​ຮ້າຍ​ຢູ່ຣີສອດ ​ແຄ​ມທະ​ເລ.

ທ່ານ Essid ໄດ້ອອກຄຳສັ່ງໃຫ້ທະຫານກອງໜຸນ ໄປເຝົ້າຍາມຢູ່​ຕາມໂຮງແຮມ ແລະ ສະຖານ ທີ່ທ່ອງທ່ຽວອື່ນໆ, ແລະກ່າວວ່າ ວັດອິສລາມ ເກືອບ 80 ແຫ່ງໃນປະເທດ ທີ່ເປັນທີ່ຮູ້ຈັກວ່າ ສັ່ງສອນກ່ຽວກັບຄວາມ ຮຸນແຮງ ຈະຖືກປິດລົງ.

ສົບຂອງນັກທ່ອງທ່ຽວທີ່ ຖືກຍິງເສຍຊີວິດໂດນມືປືນ ນອນຢູ່ໃກ້ກັບໂຮງແຮມແຄມທະເລ ໃນເມືອງ Sousse ປະເທດ ຕູນີເຊຍ 26 ມິຖຸນາ 2015
ສົບຂອງນັກທ່ອງທ່ຽວທີ່ ຖືກຍິງເສຍຊີວິດໂດນມືປືນ ນອນຢູ່ໃກ້ກັບໂຮງແຮມແຄມທະເລ ໃນເມືອງ Sousse ປະເທດ ຕູນີເຊຍ 26 ມິຖຸນາ 2015

​ຢ່າງໜ້ອຍ 38 ຄົນ ຖືກຂ້າຕາຍແລະ ອີກຫຼາຍສິບຄົນບາດເຈັບ ໃນວັນສຸກທີ່ຜ່ານມາ ເວລາ ຊາຍໜຸ່ມຫົວຮຸນແຮງຊາວ ຕູນີເຊຍ ຄົນ​ໜຶ່ງ ທີ່ປອມຕົວເປັນນັກທ່ອງທ່ຽວ ໄດ້ຍິງຖະລົ່ມໃສ່ ຫາດຊາຍສ່ວນຕົວ ແລະ ສະຖານທີ່ອື່ນໆຂອງໂຮງແຮມ ຫ້າດາວ Imperial Marhaba ໃນເມືອງ Sousse.

ຢູ່​ພາກ​ໃຕ້​ຂອງ​ປະ​ເທດ ຝຣັ່ງ, ຊາຍ​ຄົນ​ໜຶ່ງ​ໄດ້​ບຸກ​ໂຈມ​ຕີ​ໂຮງງານ ​ເຄມີ ທີ່​ເປັນ​ຂອງຊາວ
ອາ​ເມຣິກັນ, ​ໂດຍໄດ້​ຕັດ​ຫົວຊາ​ຍຄົນ​ໜຶ່ງ ​ແລະ ​ໄດ້​ຂຽນ​ໂຕ​ໜັງສື ອາຣັບ ​ໃສ່​ສົບ ​ແລະ​ພະຍາຍາມ​ທີ່​ຈະລະ​ເບີດ​ໂຮງງານດັ່ງກ່າວ. ​ເຈົ້າ​ໜ້າ​ທີ່​ໄດ້​ຈັບຜູ້​ຕ້ອງ​ສົງ​ໃສຄົນ​ໜຶ່ງ​.

Terror attacks
please wait
Embed

No media source currently available

0:00 0:00:48 0:00

XS
SM
MD
LG