ບັນດານັກລົບເຄີດ ທີ່ໜູນຫລັງໂດຍ ການໂຈມຕີທາງອາກາດ
ຂອງ ສະຫະລັດ ກ່າວວ່າ ພວກເຂົາເຈົ້າໄດ້ເຂົ້າໄປເຖິງ ແລະ
ນຳເອົາພາກສ່ວນຂອງເມືອງ Sinjar ທາງພາກເໜືອອີຣັກຄືນ
ມາ ໃນຂະນະທີ່ພວກເຂົາເຈົ້າດຳເນີນການໂຈມຕີຄັ້ງໃຫຍ່
ເພື່ອເອົາເມືອງຍຸດທະສາດ ຈາກພວກຫົວຮຸນແຮງລັດອິສລາມ.
ກຳລັງ Peshmerga ໄດ້ເຂົ້າໄປເຖິງໂຕເມືອງ “ຈາກທຸກທິດ
ທາງເພື່ອຂັບໄລ່ພວກນັກລົບລັດອິສລາມ ທີ່ຍັງຕົກຄ້າງຢູ່ນັ້ນ
ນັ້ນອອກໄປ” ອີງຕາມ ຂໍ້ຄວາມທີ່ຂຽນຜ່ານທາງ Twitter ທີ່
ນຳອອກມາເຜີຍແຜ່ໃນຕອນເຊົ້າວັນສຸກມື້ນີ້ໂດຍ ສະພາ
ຄວາມໝັ້ນຄົງໃນຂົງເຂດເຄີດ. ບັນດານັກລົບເຄີດ ບັດນີ້ໄດ້
ຄວບຄຸມເອົາສາງເກັບເຂົ້າ ໂຮງງານຊິມັງ ໂຮງໝໍ ແລະຕຶກສາທາລະນະຕ່າງໆໃນເມືອງ
Sinjar ກຸ່ມດັ່ງກ່າວ ໄດ້ກ່າວວ່າ ໃຫ້ສັງເກດເອົາວ່າກຸ່ມ IS ນັ້ນແມ່ນ “ປະລາໄຊ ແລະກຳລັງແລ່ນໜີຢູ່.”
ຂໍ້ຄວາມໃນ Twitter ໄດ້ລະບຸວ່າ ປະທານາມິບໍດີ Masoud Barani ຜູ້ນຳພາ ລັດຖະ
ບານ ອີຣັກເຄີດໃນຂົງເຂດ ຈະຈັດປະຊຸມນັກຂ່າວ ໃນແລງວັນສຸກມື້ນີ້ “ເພື່ອປະກາດ
ຜົນສຳເລັດຂອງການປະຕິບັດງານ.”
ສະຫະລັດ ທີ່ໜູນຫລັງກອງກຳລັງພັນທະມິດ ຍັງບໍ່ທັນໄດ້ໃຫ້ລາຍລະອຽດແລະຂໍ້ມູນ
”ຄືບໜ້າເພີ້ມເຕີມກ່ຽວກັບການຢືນຢັນຂອງການປະຕິບັດງານ ທີ່ປະສົບຜົນສຳເລັດນັ້ນ ແຕ່ວ່າ ອົງການຂ່າວ Associates Press ໄດ້ອ້າງຄໍາເວົ້າຂອງ ພວກທີ່ເຫັນເຫດການ
ວ່າພວກນັກລົບ Peshmegerga ໄດ້ເຂົ້າຄວບຄຸມເອົາສູນກາງເມືອງ Sinja ແລ້ວ.
ເສັ້ນທາງຂົນສົ່ງທີ່ສຳຄັນຖືກຍຶດ
ໃນ ວັນພະຫັດວານນີ້ ເປັນມື້ທຳອິດຂອງການໂຈມຕີແບບປົກປ້ອງຕົວເອງ ບັນດາເຈົ້າໜ້າ
ທີ່ເຄີດ ໄດ້ກ່າວວ່າ ພວກເຂົາເຈົ້າໄດ້ເຂົ້າຄວບຄຸມເອົາໝູ່ບ້ານຢູ່ແຕ່ລະຟາກຂອງເມືອງ
Sinjar ແລະໄດ້ຄວບຄຸມເອົາຖະໜົນສາຍສຳຄັນ ໃນການຂົນສົ່ງ ລະຫວ່າງ ເມືອງ Mosul ທີ່ ລັດອິສລາມຍຶດຄອງຢູ່ທາງຕາເວັນອອກ ແລະເມືອງຫລວງທີ່ກຸ່ມຕັ້ງຂຶ້ນດ້ວຍ
ຕົນເອງ ຢູ່ທາງພາກຕາເວັນຕົກເມືອງ Raqqa ຂອງ ຊີເຣຍ.
ເສັ້ນທາງ ທີ່ຮູ້ວ່າເສັ້ນທາງທີ່ 47 ທີ່ໃຊ້ໂດຍລັດອິສລາມ ໃນການຂົນສົ່ງອາວຸດ ພວກນັກ
ລົບ ນໍ້າມັນທີ່ຜິດກົດໝາຍ ແລະເຄື່ອງຂອງຕ່າງໆ ທີ່ຊ່ວຍໃນການປະຕິບັດງານຂອງກຸ່ມ
ຫົວຮຸນແຮງ ອີງຕາມ ສູນກາງກອງບັນຊາການທະຫານສະຫະລັດ. ລາຍງານກ່າວວ່າ
ສະຫະລັດ ທີ່ນຳພາກຳລັງປະສົມ ມີຄວາມຕັ້ງໃຈທີ່ຈະເພີ່ມຄວາມກົດດັນບັນດານັກລົບ
ອິສລາມ ແລະການແບ່ງແຍກການທ້ອນໂຮມເຂົາເຈົ້າອອກຈາກກັນ.