ປະທານາທິບໍດີຢູເຄຣນ ທ່ານ Petro Poroshenko ໄດ້ກ່າວ
ຫາວັງ Kremlin ໃນວັນສຸກວານນີ້ວ່າພົວພັນໂດຍກົງໃນການ
ໃຊ້ມືປຶນຍິງສັງຫານ ພວກປະທ້ວງ ຕ້ານຣັດເຊຍ ໃນປີກາຍນີ້
ຢູ່ຈະຕຸລັດ Maidan ໃນນະຄອນ Kyiv.
ທ່ານໄດ້ກ່າວຫາ ຢູ່ໃນວັນຄົບຮອບປີທຳອິດຂອງການຍິງສັງ
ຫານ ໂດຍກ່າວວ່າ ກຳລັງຮັກສາຄວາມປອດໄພ ຢູເຄຣນ ມີ
ຫລັກຖານ.
ທ່ານ Poroshenko ກ່າວຕໍ່ບັນດາຍາດຕິພີ່ນ້ອງ ຈຳນວນນຶ່ງ
ຂອງຜູ້ຖືກສັງ ຫານວ່າ “ພຽງບໍ່ເທົ່າໃດມື້ທີ່ຜ່ານມານີ້ ຫົວໜ້າ
ຮັກສາຄວາມປອດໄພແຫ່ງຊາດ ໄດ້ບອກຂ້າພະເຈົ້າວ່າ ກຳລັງປະຕິບັດງານພິເສດ ໄດ້
ມອບຫລັກຖານທີ່ວ່າ ຜູ້ຊ່ວຍປະທານາທິບໍຣັດເຊຍ ທ່ານ Vladishav Surkov ໄດ້ນຳ
ພາຈັດຕັ້ງກຸ່ມ ມືປືນຕ່າງດ້າວ ຍິງສັງຫານຢູ່ຈະຕຸລັດ Maidan.”
ກະຊວງຕ່າງປະເທດຣັດເຊຍ ຮ້ອງການກ່າວຫາວນີ້ວ່າ “ບ້າຄັ່ງ” ແລະ “ເສຍ ຈິດ.”
ທຳນຽບຂາວໄດ້ກ່າວອີກໃນວັນສຸກວານນີ້ວ່າ ມົສກູປະເຊິນໜ້າກັບຄວາມເສຍຫາຍຮ້າຍ
ແຮງຕື່ມຂຶ້ນ ແລະຖືກໂດດດ່ຽວຫຼາຍ ຖ້າຫາກວ່າ ພວກແບ່ງແຍກດິນແດນທີ່ຣັດເຊຍໜູນ
ຫລັງ ຍັງສືບຕໍ່ລະເມີດການຢຸດຍິງຢູ່ພາກຕາເວັນອອກຂອງຢູເຄຣນ ທີ່ໄດ້ລົງນາມໃນອາ
ທິດແລ້ວນິ້.
ປະທານາທິບໍດີຝຣັ່ງ ທ່ານ Francois Hollande ແລະນາຍົກລັດຖະມົນຕີ ເຢຍຣະມັນ
ທ່ານນາງ Angela Merkel ຜູ້ທີ່ໄດ້ເຈລະຈາຢຸດຍິງ ໄດ້ພົບປະກັນທີ່ນະຄອນຫຼວງປາຣີ ໃນວັນສຸກວານນີ້ ແລະຍັງໄດ້ເຕືອນເຖິງການລົງໂທດເພີ້ມຂື້ນອີກ.
ທ່ານ Hollande ກ່າວວ່າ ທ່ານເອງແລະທ່ານນາງ Merkel ພາກັນເຊື່ອໝັ້ນ ຂື້ນກວ່າແຕ່
ກ່ອນວ່າ ການຕົກລົງທັງໝົດຕ້ອງໄດ້ມີການຈັດຕັ້ງປະຕິບັດ ຮວມ ທັງການຖອນອາວຸດໜັກ
ອອກ ຂອງທັງສອງຝ່າຍ.
ພວກແບ່ງແຍກດິນແດນນິຍົມຣັດເຊຍ ແລະລັດຖະບານຢູເຄຣນ ຕ່າງກໍກ່າວຫາຊຶ່ງກັນ
ແລະກັນວ່າ ເປັນຜູ້ລະເມີດການຢຸດຍິງ ຮວມທັງການເຂົ້າຍຶດເອົາເມືອງ Debaltseve ສູນ
ທາງລົດໄຟທີ່ສຳຄັນຂອງພວກກະບົດໃນອາທິດນີ້.
ໂຄສົກທະຫານຢູເຄຣນ ຄົນນຶ່ງກ່າວວ່າ ພວກແບ່ງແຍກດິນແດນນິຍົມຣັດເຊຍ ໄດ້ຍິງປືນ
ໃຫຍ່ໂຈມຕີຊຳ້ແລ້ວຊຳ້ອີກໃສ່ທີ່ຕັ້ງຂອງຢູເຄຣນ ໃນຄືນວັນພະຫັດຕໍ່ ໃສ່ວັນສຸກວານນີ້.
ນອກນັ້ໜທ່ານຍັງກ່າວວ່າ ຣັດເຊຍຍັງໄດ້ຂົນອຸບປະກອນທາງທະຫານ ເຂົ້າມາໃນຢູເຄຣນ
ຮວມທັງບັນດາລົດຖັງ ໄປໃນທິດທາງເມືອງ Novoazovsk ທີ່ພວກກະບົດຄວບຄຸມຢູ່ ໃກ້
ກັບເມືອງທ່າ Mariupol ນັ້ນ.
