ລັດຖະມົນຕີປ້ອງກັນປະເທດເກົາຫລີໃຕ້ໄດ້ລາອອກຈາກຕໍາແໜ່ງເພື່ອຕອບສະໜອງຕໍ່
ການຕໍາໜີຕິຕຽນທ່ານ ກ່ຽວກັບການຮັບມືຂອງທ່ານໃນການໂຈມຕີດ້ວຍປືນໃຫຍ່ຂອງ
ເກົາຫລີເໜືອຕໍ່ເກາະນຶ່ງຂອງເກົາຫລີໃຕ້ໃນວັນອັງຄານຜ່ານມານີ້.
ລັດຖະບານໄດ້ປະກາດຄໍາຕັດສິນໃຈຂອງລັດຖະມົນຕີປ້ອງກັນປະເທດໃຫ້ຊາບໃນຕອນ
ບ່າຍວັນພະຫັດມື້ນີ້ ທ່າມກາງຄວາມເຄັ່ງຕຶງທີ່ເພີ່ມທະວີຂຶ້ນ. ກ່ອນໜ້ານັ້ນ ລັດຖະບານ
ກຸງໂຊນກ່າວວ່າ ຕົນຈະເພີ່ມທະຫານຂອງຕົນຂຶ້ນຢ່າງຫລວງຫລາຍໃນເກາະ Yeonp
yeong ແລະທົບທວນຄືນເບິ່ງກົດລະບຽບຕ່າງໆຂອງການພົວພັນຂອງຕົນ ເພື່ອອໍາ
ນວຍໃຫ້ມີການຕອບໂຕ້ທີ່ຂັນແຂງຂຶ້ນກວ່າເກົ່າ ຕໍ່ການໂຈມຕີໃດໆໃນອະນາຄົດນັ້ນ.
ໃນຂະນະດຽວກັນ ທາງຝ່າຍເກົາຫລີເໜືອກໍເຕືອນວ່າ ຈະທໍາການໂຈມຕີຂຶ້ນອີກ ຄືກັນ
ກັບການໂຈມຕີດ້ວຍປືນໃຫຍ່ຕໍ່ເກາະນຶ່ງໃນເຂດຊາຍແດນທີ່ມີປະຊາຊົນອາໄສຢູ່ຢາງໜາ
ແໜ້ນນັ້ນ ຖ້າຫາກທາງເກົາຫລີໃຕ້ສືບຕໍ່ໃນອັນທີ່ເກົາຫລີເໜືອເອີ້ນວ່າ ການເກາະຜິດ
ທາງທະຫານແບບບໍ່ຢ້ານບໍ່ກົວຫຍັງນັ້ນ.
ການລາອອກຈາກຕໍາແໜ່ງຂອງລັດຖະມົນຕີປ້ອງກັນປະເທດ ທ່ານ Kim Tae-young ມີ
ຂຶ້ນຫລັງຈາກມີການຕໍາໜິຕິຕຽນທ່ານຢ່າງເຜັດຮ້ອນໃນສະພາແຫ່ງຊາດ ກ່ຽວກັບການຕອບ
ໂຕ້ຂອງລັດຖະບານຕໍ່ການໂຈມຕີໃນວັນອັງຄານຜ່ານມານີ້ ຊຶ່ງໄດ້ເອົາຊີວິດທະຫານເຮືອ 2
ຄົນແລະພົນລະເຮືອນອີກ 2 ຄົນແລະສ້າງຄວາມເສຍຫາຍຢ່າງຫລວງຫລາຍໃຫ້ແກ່ເກົາຫລີ
ໃຕ້. ທາງເກົາຫລີໃຕ້ໄດ້ທໍາການຕອບໂຕ້ຄືນດ້ວຍປືນໃຫຍ່ ແຕ່ພວກສະມາຊິກພັກຝ່າຍຄ້ານ
ກ່າວຫາວ່າ ຄວນຈະທໍາການຕອບໂຕ້ຢ່າງໄວຂຶ້ນກວ່ານັ້ນ.
ຫລັງຈາກທໍາການພົບປະກັນພາວະສຸກເສີນໃນວັນພະຫັດມື້ນີ້ ລັດຖະບານກ່າວວ່າ ກົດລະ
ບຽບໃນການພົວພັນທີ່ມີຢູ່ໃນປັດຈຸບັນນີ້ ຊຶ່ງເຫັນວ່າ ອ່ອນແອຫລາຍນັ້ນ ຈະຖືກທົບທວນ
ຄືນເບິ່ງຢ່າງສິ້ນເຊີງ.