ນາຍົກໂກໂຊໂວ ຊະນະ ການເລືອກຕັ້ງສະພາ ເປັນຄັ້ງທີສາມ

ພັກ​ຂອງ​ລັດຖະບານ ​ໂກ​ໂຊ​ໂວ ຂອງ ນາຍົກລັດຖະມົນຕີ
Hashim Thaci ​ໄດ້​ອ້າງ​ວ່າ​ຕົນ​ຊະນະ​ ການ​ເລືອກ​ຕັ້ງ​ສະ
ພາ​ຂອງ​ປະ​ເທດ.

​ໃນ​ການ​ນັບຄະ​ແນນ​ສຽງ​ 70 ​ເປີ​ເຊັນ​ແລ້ວ​ນັ້ນ ຜົນ​ການ​
ເລືອກ​ຕັ້ງຂັ້ນ​ຕົ້ນທີ່​ເປັນທາງ​ການ ​ໄດ້​ສ​ະແດງ​ໃຫ້​ເຫັນ​ວ່າ
ພັກປະຊາທິປະ​ໄຕ​ຂອງ ​ໂກ​ໂຊ​ໂວ ​ໄດ້​ຮັບ 30 ​ເປີ​ເຊັນ​ ລື່ນ
ພັກ​ຝ່າຍ​ຄ້ານທີ່​ສຳຄັນ ຄື​ພັກສັນນິບາດ​ປະຊາທິປະ​ໄຕ​ຂອງ
​ໂກ​ໂຊ​ໂວ ທີ່​ໄດ້ ຮັບ 25 ​ເປີ​ເຊັນ. ບັນດາ​ເຈົ້າ​ໜ້າ​ທີ່ກ່າວ​ວ່າ
43 ​ເປີ​ເຊັນ ຂອງຜູ້​ທີ່​ມີ​ສິດ​ປ່ອນ​ບັດ​ໄດ້​ໄປ​ລົງ​ຄະ​ແນນ​ສຽງ​ໃນ​
ວັນ​ອາທິດວານ​ນີ້.

ທ່ານ Thaci ຄົງ​ຈະ​ໄດ້​ເປັນ ນາຍົກລັດຖະມົນຕີ ອີກ​ເປັນ​ເທີ​ມທີ່​ສາມ. ທ່ານ ​ໄດ້​ກ່າວ​ຕໍ່​ບັນ
ດາ​ຜູ້​ສະໜັບສະໜູນ​ ໃນ​ວັນ​ຈັນ​ມື້​ນີ້​ທີ່​ເມືອງ Pristina ວ່າ ປະຊາຊົນ ​ໂກ​ໂຊ​ໂວ ຄວນ
​ພາກພູ​ມ​ໃຈ​ຕໍ່​ຜົນການ​ລົງ​ຄະ​ແນນ​ສຽງນີ້ ​ໂດຍ​ເວົ້າ​ວ່າ.

ທ່ານປະຊົນ ​ແຫ່ງສາທາລະນະ​ລັດ ​ໂກ​ໂຊ​ໂວ ​ໂກ​ໂຊ​ໂວທັງຫຼາຍ ທ່ານ ຄວນ​ພາກພູມ​ໃຈ
ໃນການ​ປ່ອນ​ບັດຄັ້ງ​ນີ້ ​ແລະ​ໂກ​ໂຊ​ໂວ ກໍຄວນ​ພາກພູມ​ໃຈ. ການ​ເລືອກຕັ້ງ​ເຫລົ່າ​ນີ້​ແມ່ນ​
ໄດ້​ເນັ້ນ​ໜັກ​ໃສ່​ປະຊາກອນ​ຂອງ​ພວກ​ເຮົາ. ​ແມ່ນ​ການ​ເລືອກ​ຕັ້ງ​ທີ່​ປະຊາກອນ​ ເຂົາ​ເຈົ້າ​
ເອງ ​ເປັນ​ຜູ້​ເລືອກ​ເອົາ​ລັດ​ທີ່​ເຂົາ​ເຈົ້າ​ຕ້ອງການອາ​ໄສ​ຢູ່. ນີ້ໄດ້ເປັນ​ການ​ເລືອກ​ຕັ້ງ​ແບບ
ປະຊາ​ທິປະ​ໄຕ ທ່ຽງ​ທຳ ​ແລະ​ການ​ເລືອກ​ຕັ້ງ​ທີ່ ເສ​ຣີີ.”