ເກົາຫຼີໃຕ້ໄດ້ຂໍຮ້ອງໃຫ້ມີການຕອບໂຕ້ຢ່າງເຂ້ມງວດຕໍ່ການຈົມກຳປັ່ນລົບ ລຳນຶ່ງຂອງຕົນ
ທີ່ພາໃຫ້ມີທະຫານເສຍຊີວິດຫລາຍຄົນນັ້ນ ຊຶ່ງການສືບສວນຂອງນາໆຊາດໄດ້ເຊື່ອມ
ໂຍງໃສ່ເກົາຫຼີເຫນືອວ່າ ເປັນຜູ້ກະທຳນັ້ນ.
ປະທານາທີບໍດີເກົາຫຼີໃຕ້ ທ່ານ Lee Myung-bak ໄດ້ຖະແຫຼງຕໍ່ປະຊາຊົນທາງໂທ
ລະພາບໃນວັນຈັນມື້ນີ້ວ່າການໂຈມຕີອີກຄັ້ງນຶ່ງອາດເກີດຂຶ້ນອີກໄດ້ທຸກເມື່ອ ຖ້າຫາກ
ເກົາຫຼີໃຕ້ແລະປະຊາຄົມນາໆຊາດ ບໍ່ຕອບໂຕ້ຕໍ່ເຫດການຄັ້ງນີ້.
ເກົາຫຼີເຫນືອໄດ້ປະຕິເສດວ່າ ຕົນບໍ່ໄດ້ມີສ່ວນພົວພັນນຳການຫຼົ້ມຂອງກຳປັ່ນລົບເກົາຫຼີ
ໃຕ້ຄັ້ງນີ້ ແລະໄດ້ກ່າວວ່າ ການຕອບໂຕ້ຄືນແນວໃດກໍຕາມ ຈະນຳໄປສູ່ສົງຄາມ.
ທັງສອງເກົາຫຼີ ມີກຳໜົດຈະຖະແຫຼງຕໍ່ສະພາຄວາມຫມັ້ນຄົງຂອງອົງການສະຫະປະຊາ
ຊາດ ໃນວັນຈັນມື້ນີ້ ເພື່ອເວົ້າກ່ຽວກັບການຫຼົ້ມຂອງກຳປັ່ນລົບທີ່ພາໃຫ້ ມີທະຫານເສຍ
ຊີວິດເຖິງ 46 ຄົນນັ້ນ.
ທ່ານ Lee ຍັງໄດ້ກ່າວອີກວ່າ ທ່ານຈະນຳເອົານາຍທະຫານຂອງທ່ານບາງຄົນ ມາຮັບ
ຜິດຊອບຕໍ່ເຫດການດັ່ງກ່າວນີ້ດ້ວຍ ຊຶ່ງຄຳຖະແຫຼງຂອງທ່ານ ໄດ້ມີຂຶ້ນນຶ່ງມື້ ຫຼັງຈາກ
ປະທານເສນາທິການຮວ່ມຂອງກອງທັບເກົາຫລີໃຕ້ ທ່ານLee Sang-eui ໄດ້ສະເນີທີ່
ຈະລາອອກຈາກຕຳແຫນ່ງ.
