ລິ້ງ ສຳຫລັບເຂົ້າຫາ

ເກົາຫລີໃຕ້ປະຕິເສດຄໍາຮ້ອງຂໍ ຂອງຝ່າຍເກົາຫລີເໜືອ

  • ສິງ ບູຣົມມະວົງ

ຄະນະຜູແທນທະຫານເກົາຫລີເໜືອ ຍ່າງເຂົ້າໃນເກົາຫລີໃຕ້ ເພື່ອໂອ້ລົມສົນທະນາກັນເລື້ອງ ບັນຫາຊາຍແດນ ໃນວັນທີ 12 ເດືອນທັນວາ 2007



















ເກົາຫລີ​ໃຕ້​ກ່າວ​ວ່າ ຕົນ​ປະຕິ​ເສດ​ຕໍ່​ຄໍາຮ້ອງ​ຂໍຂອງ​ຝ່າຍ​ເກົາຫລີ​ເໜືອ​ທີ່ ຢາກ​ໃຫ້​ຍ້າຍ​ວັນ​ເວລາໃນການ​ພົບ​ປະ​ເຈລະຈາ​ຂັ້ນ​ຕົ້ນ​ລະຫວ່າງ​ຝ່າຍ​ທະຫານຂອງ​ສອງ​ປະ​ເທດ​ ​ໄວ​ຂຶ້ນ​ນັ້ນ.

ບັນດາ​ເຈົ້າ​ໜ້າ​ທີ່​ກ່າວ​ໃນ​ວັນ​ຈັນ​ມື້​ນີ້​ວ່າ ທາງ​ກຸງ​ພຽງ​ຢ້າງ​ໄດ້​ຂໍ​ຮ້ອງ​ໃຫ້ ຈັດການພົບ​ປະ​ເຈລະຈາ​ຂັ້ນ​ຕຽມ​ການ​ທີ່​ໝູ່​ບ້ານ Panmunjom ນັ້ນ ຂຶ້ນ​ໃນ​ວັນ​ອັງຄານ​ມື້​ອື່ນ​ນີ້ ຊຶ່ງແມ່ນ 10 ມື້​ໄວ​ກວ່າ​ກໍານົດ​ທີ່​ໄດ້​ວາງ​ໄວ້​ກ່ອນ​ແລ້ວ​ນັ້ນ. ພວກ​ເຈົ້າ​ໜ້າ​ທີ່ເວົ້າ​ວ່າ ການ​ຍ້າຍ​ມື້​ພົບ​
ປະ​ຂຶ້ນ​ມາ ຈະ​ບໍ່ໃຫ້​ເວລາ​ພຽງພໍ​ເພື່ອກະກຽມ​ສໍາລັບການ​ເຈລະຈາ​ກັນ​ເຊິ່ງໜ້າ​ຄັ້ງ​ທໍາ​ອິດ ນັບ​ແຕ່​ເກົາຫລີ​ເໜືອ​ໄດ້ຍິງ​ປືນ​ໃຫຍ່​ໂຈມ​ຕີ​ເກາະ​ນ້ອຍ​ແຫ່ງ​ນຶ່ງ​ຂອງ​ເກົາຫລີ​ໃຕ້​ ​ເມື່ອວັນ​ທີ 23 ພະຈິກ​ຜ່ານມາ​ນັ້ນ.

ບໍ່​ເປັນ​ຈະ​ແຈ້ງວ່າ ​ເປັນ​ຫຍັງ​ເກົາຫລີ​ເໜືອ​ຈຶ່ງ​ຢາກ​ປ່ຽນ​ເວລາ​ການ​ພົບ​ປະກັນ​ນັ້ນ​ໄວ​ຂຶ້ນ ​ແຕ່​ບັນດາ​ນັກວິ​ເຄາະ​ກ່າວ​ວ່າ ມັນ​ອາດ​ຈະ​ມີ​ສ່ວນ​ພົວພັນ​ກັບ​ວັນ​ຄ້າຍ​ວັນ​ເກີດ​ຂອງ​ທ່ານ​ກິ​ມຈົງອີລ ຜູ້ນໍາ​ເກົາຫລີ​ເໜືອ​ໃນ​ວັນ​ທີ 16 ກຸມພາ ​ເດືອນ​ໜ້າ​ນີ້.

XS
SM
MD
LG