ປະທານາທິບໍດີ Lee Myung-bak ແຫ່ງເກົາຫລີໃຕ້ກ່າວ
ວ່າທ່ານມີຄວາມຮູ້ສຶກຮັບຜິດຊອບຢ່າງເລິກເຊິ່ງ ຕໍ່ຄວາມ
ລົ້ມແຫລວໃນການປ້ອງກັນການໂຈມຕີດ້ວຍປືນໃຫຍ່ຂອງ
ເກົາຫລີເໜືອ ໃສ່ເກາະນຶ່ງຂອງເກົາຫລີໃຕ້ໃນສັບປະດາ
ແລ້ວນີ້.
ໃນການກ່າວຖ້ອຍຖະແຫລງສັ້ນໆທາງໂທລະພາບໃນວັນຈັນ
ມື້ນີ້ ທ່ານຫລີເອີ້ນການໂຈມຕີຂອງເກົາຫລີເໜືອວ່າ ເປັນອາ
ຊະຍາກໍາທີ່ໄຮ້ມະນຸດສະທໍາ ແລະວ່າ ທາງເກົາຫລີເໜືອຈະ
ໄດ້ຮັບໃຊ້ໂທດກໍາ ຖ້າຫາກມີການເກາະຜິດຕື່ມອີກໃນອະນາ
ຄົດ ແຕ່ທ່ານບໍ່ໄດ້ໃຫ້ລາຍລະອຽດໃດໆ.
ກ່ອນໜ້ານີ້ ທ່ານຫລີ ໄດ້ຮຽກຮ້ອງໃຫ້ຈີນໃຊ້ອິດທິພົນຂອງຕົນກັບເກົາຫລີເໜືອ ເພື່ອຊຸກ
ຍູ້ໃຫ້ເກົາຫລີເໜືອ ທໍາການຍັບຍັ້ງນັ້ນ.
ໃນວັນອາທິດວານນີ້ ກະຊວງການຕ່າງປະເທດສະຫະລັດກ່າວວ່າ ທາງກຸງວໍຊິງ ຕັນກໍາລັງພິ
ຈາລະນາເບິ່ງຄໍາຮຽກຮ້ອງຂອງຈີນ ເພື່ອໃຫ້ມິການພົບປະເຈລະຈາສຸກເສິນກັນ ກ່ຽວກັບເກົາ
ຫລີນັ້ນ. ແຕ່ໂຄສົກກະຊວງການຕ່າງປະເທດ ກ່າວວ່າການ ພົບປະເຈລະຈາ 6 ຝ່າຍ ຈະບໍ່
ສາມາດທົດແທນພຶດຕິກໍາຂອງເກົາຫລີເໜືອ ທີ່ຈະຕ້ອງປະຕິບັດຕາມພັນທະທັງຫລາຍຂອງ
ຕົນແລະປະຕິບັດຕາມຂໍ້ຕົກລົງສະຫງົບເສິກເກົາຫລີ ສະບັບປີ 1953 ນັ້ນ.
ກໍາລັງຂອງສະຫະລັດແລະເກົາຫລີໃຕ້ ໄດ້ເລີ່ມທໍາການຊ້ອມລົບກັນເປັນເວລາ 4 ມື້ແລ້ວ
ຢູ່ນອກຝັ່ງທະເລເກົາຫລີໃນມະຫາສະໝຸດປາຊີຟິກ ທີ່ຈະຮວມທັງອັນທີ່ທໍານຽບຫ້າແຈ
ເອີ້ນວ່າ ການຊ້ອມລົບທີ່ໃຊ້ລູກປືນແທ້ໆນັ້ນ.
ການຊ້ອມລົບດັ່ງກ່າວໄດ້ມີການວາງແຜນໄວ້ລ່ວງໜ້າແລ້ວ ກ່ອນເກີດຄວາມເຄັ່ງຕຶງບັ້ນ
ຫລ້າສຸດລະຫວ່າງເກົາຫລີເໜືອແລະໃຕ້ນັ້ນ ແຕ່ເກົາຫລີເໜືອກໍໄດ້ປະນາມການຊ້ອມລົບ
ດັ່ງກ່າວວ່າ ເປັນຄວາມພະຍາຍາມອັນນຶ່ງ ເພື່ອເລີ່ມຕົ້ນກໍ່ສົງຄາມຂຶ້ນ.
ປ. ເກົາຫລີໃຕ້ກ່າວວ່າ ເກົາຫລີເໜືອຈະຕ້ອງ ຮັບໃຊ້ໂທດກໍາ ຖ້າທໍາການໂຈມຕີຕື່ມອີກ
- ສິງ ບູຣົມມະວົງ
