ສະຫະລັດແລະເກົາຫລີໃຕ້ໄດ້ຢືນຢັນອີກຄັ້ງໃໝ່ເຖິງຄວາມ
ສາມັກຄີກັນຂອງພວກຕົນ ໃນຂະນະທີ່ເກົາຫລີໃຕ້ທໍາການ
ເພື່ອນໄຫວໃກ້ເຂົ້າເພື່ອທໍາການໂອ້ລົມສົນທະນາກັນທາງ
ທະຫານໂດຍກົງກັບເກົາຫລີເໜືອນັ້ນ.
ໃນລະຫວ່າງການກ່າວປາໄສປະຈໍາປີຕໍ່ລັດຖະສະພາແລະ
ປະຊາຊົນອະເມຣິກັນໃນຄືນວັນອັງຄານວານນີ້ ປະທາ
ນາທິບໍດີບາຣັກ ໂອບາມາແຫ່ງສະຫະລັດປະກາດວ່າ
ທ່ານແລະລັດຖະບານຂອງທ່ານ ແມ່ນຢືນຢູ່ຄຽງຂ້າງກັບ
ພັນທະມິດເກົາຫລີໃຕ້ຂອງພວກເຮົາຢູ່ສະເໝີ.
ໃນເວລາບໍ່ເທົ່າໃດຊົ່ວໂມງຕໍ່ມາ ທ່ານ James Steinburg ຮອງລັດຖະມຸນຕີປ້ອງກັນປະ
ເທດສະຫະລັດ ໄດ້ກ່າວຢູ່ທີ່ກຸງໂຊນ ຊົມເຊີຍການປະສານງານແລະຄວາມຮ່ວມໄມ້ຮ່ວມມື
ທີ່ແຂງແຮງລະຫວ່າງສອງປະເທດວ່າ ເປັນສິ່ງທີ່ເຮັດໃຫ້ເກົາຫລີເໜືອເຊື່ອວ່າ ຕົນຈະບໍ່ສາ
ມາດບັນລຸເປົ້າໝາຍຂອງຕົນໄດ້ ໂດຍຜ່ານການຂົ່ມຂູ່ແລະໃຊ້ອໍານາດ ບີບບັງຄັບນັ້ນ.
ທ່ານ Kim Sung-hwan ລັດຖະມຸນຕີການຕ່າງປະເທດເກົາຫລີໃຕ້ ສະແດງຄວາມຍິນ
ດີນໍາຖ້ອຍຖະແຫລງຂອງປະທານາທິບໍດີສະຫະລັດ ວ່າເປັນຮ່ອງຮອຍໃນທາງບວກ ແລະ
ໃຫ້ກໍາລັງໃຈຫລາຍສໍາລັບເກົາຫລີໃຕ້.
