ເກົາຫລີເໜືອໄດ້ກ່າວຫາເກົາຫລີໃຕ້ ໃນວັນເສົາມື້ນີ້ວ່າ ໃຊ້ພົນລະເຮືອນເປັນກຳບັງ ຢູ່ໃນເກາະທີ່ເກົາຫລີເໜືອຍິງໂຈມຕີໃນອາທິດນີ້.
ອົງການຂ່າວທາງການຂອງເກົາຫລີເໜືອເວົ້າວ່າ ຖ້າຫາກມີພົນລະເມືອງຢູ່ໃນເກາະແຫ່ງ ນັ້ນເສຍຊີວິດ ພວກເຂົາເຈົ້າກໍໜ້າເສຍໃຈນຳຫລາຍ ແຕ່ວ່າຜູ້ທີ່ຄວນຖືກຕຳໜິ ແມ່ນເກົາຫລີໃຕ້.
ແຫລມເກົາຫລີ ແມ່ນຢູ່ໃນສະພາບທີ່ເຕືອນໄພລະດັບສູງ
ນັບແຕ່ເກົາຫລີເໜືອໄດ້ລະດົມຍິງປືນໃຫຍ່ໃສ່ເກາະ ຢອນ
ປີຢອງຂອງເກົາຫລີໃຕ້ ໃນວັນອັງຄານຜ່ານມານີ້ ຊຶ່ງໄດ້ເຮັດ
ໃຫ້ທະຫານເຮືອເກົາຫລີໃຕ້ 2 ຄົນແລະພົນລະເຮືອນ 2 ຄົນ ເສຍຊີວິດ.
ພິທີສົ່ງສະການຂອງທະຫານເຮືອ 2 ຄົນນັ້ນໄດ້ຖືກຈັດຂຶ້ນທີ່ໂຮງໝໍທະຫານ ໃກ້ນະຄອນ
ຫລວງໂຊລໃນວັນເສົາມື້ນີ້. ພິທີດັ່ງກ່າວໄດ້ມີນັກການເມືອງຂັ້ນສູງ, ນາຍພົນ, ຜູ້ນຳທາງ
ສາສະໜາຕ່າງໆ ແລະພົນລະເຮືອນ ເຂົ້າຮ່ວມເປັນຫລາຍຮ້ອຍຄົນ.
ຜູ້ບັນຊາການທະຫານເຮືອ ທ່ານນາຍພົນໂທ Yoo Nak-joon ໄດ້ກ່າວຄຳໝັ້ນສັນຍາວ່າ
ຈະທຳການແກ້ແຄ້ນ “ພັນເທື່ອ”. ທ່ານໄດ້ໃຫ້ຄຳໝັ້ນສັນຍາດັ່ງກ່າວໃນພິທີສົ່ງສະການ ທີ່
ໄດ້ຖ່າຍທອດອອກອາກາດ ໄປທົ່ວປະເທດ.