ເກົາຫຼີເໜືອຂູ່ວ່າ ຈະເປີດສາກເຮັດສົງຄາມສັກສິດ ຖ້າເກົາຫຼີໃຕ້ແລະສະຫະລັດ ຍັງດຳເນີນ
ການຕໍ່ໄປກ່ຽວກັບການຊ້ອມລົບທາງທະຫານປະຈຳປີທີ່ໄດ້ມີການວາງແຜນໄວ້ແລ້ວນັ້ນ.
ຄະນະກຳມະການປ້ອງກັນຊາດຂອງເກົາຫຼີເໜືອເອີ້ນການຊ້ອມລົບດັ່ງກ່າວນັ້ນວ່າເປັນການ
ທ້າທາຍຕໍ່ສັນຕິພາບແລະຄວາມໝັ້ນຄົງໃນແຫຼມເກົາຫຼີ ແລະເປັນການດຳເນີນການເພື່ອທຳ
ລາຍຢ່າງຈະແຈ້ງ.
ນອກນັ້ນ ຖະແຫຼງການຂອງຄະນະກຳມະການປ້ອງກັນຊາດຂອງເກົາຫຼີເໜືອ ຍັງໃຫ້ຮ່ອງ
ຮອຍກ່ຽວກັບຄວາມເປັນໄປໄດ້ທີ່ອາດຈະມີການຕອບໂຕ້ທາງດ້ານນິວເຄລຍນຳດ້ວຍໂດຍ
ເວົ້າວ່າ ອາວຸດນິວເຄລຍບໍ່ແມ່ນສະຫະລັດເປັນຜູ້ຜູກຂາດແຕ່ພຽງຝ່າຍດຽວແລະພຽງຢາງ
ມີວິທີທີ່ຮ້າຍແຮງໄປກວ່າອາວຸດນິວເຄລຍຂອງສະຫະລັດອີກ.
ສະຫະລັດ ມີແຜນການທີ່ຈະທຳການຊ້ອມລົບທາງທະຫານ ຮ່ວມກັບເກົາຫຼີໃຕ້ ທີ່ເອີ້ນວ່າ
“Key Resolve” ແຕ່ວັນທີ 27 ກຸມພາຫາວັນທີ 9 ມີນາແລະ “Foal Eagle” ແຕ່ວັນ
ທີ 1 ມີນາຫາວັນທີ 30 ເມສາ. ການຊ້ອມລົບແຕ່ລະຄັ້ງຈະມີທະຫານສະຫະລັດແລະເກົາ
ຫຼີໃຕ້ເຂົ້າຮ່ວມຫຼາຍພັນຄົນ ເພື່ອທຳການຝຶກແອບໃນກົນລະຍຸດທີ່ອາດຈະມີການນຳໃຊ້ເພື່ອ
ປົກປ້ອງເກົາຫຼີໃຕ້ຈາກການຮຸກຮານຂອງເກົາຫຼີເໜືອ.
