ເກົາຫລີເໜືອຂົ່ມຂູ່ໃນວັນອາທິດມື້ນີ້ ທີ່ຈະຍິງປືນໃຫຍ່ໃສ່
ເກົາຫລີໃຕ້ ຖ້າຫາກເກົາ ຫລີໃຕ້ສືບຕໍ່ປ່ອຍໃຫ້ພວກນັກ
ເຄື່ອນໄຫວຖິ້ມໃບປິວໂຄສະນາຊວນເຊື່ອເຂົ້າໄປໃນເກົາ
ຫລີເໜືອ ທີ່ນິຍົມລັດທິ Stalin ນັ້ນ. ສູນກາງຂ່າວເກົາ
ຫລີ ຫລື KCNA ຊຶ່ງເປັນອົງການຂ່າວທາງການຂອງ
ເກົາຫລີເໜືອກ່າວວ່າ ໄດ້ມີການສົ່ງຄໍາເຕືອນດັ່ງກ່າວໄປ
ໃຫ້ທາງກອງທັບຂອງເກົາຫລີໃຕ້ໃນເຊົ້າວັນອາທິດມື້ນີ້.
ການຂົ່ມຂູ່ທີ່ວ່ານີ້ມີຂຶ້ນໃນເວລາບໍ່ເທົ່າໃດມື້ ຫລັງຈາກມີລາຍງານອອກມາວ່າ ລັດຖະບານເກົາຫລີໃຕ້ໄດ້ເອົາໃບປິວ ໄປສັບປົນໃສ່ນໍາຫີບຫໍ່ສະບຽງຊ່ອຍເຫລືອບັນເທົາທຸກດ້ານມະນຸດສະທໍາ ທີ່ພວກນັກເຄື່ອນໄຫວເອກະຊົນ ມັດຕິດລູກໂປ່ງ helium ແລ້ວປ່ອຍໃຫ້ລອຍຂ້າມຊາຍແດນເຂົ້າໄປໃນເກົາຫລີເໜືອນັ້ນ.
ອົງການຂ່າວ KCNA ຍັງກ່າວຫາລັດຖະບານກຸງໂຊນວ່າ ທໍາສົງຄາມຈິດຕະວິທະຍາໃຫ້ເກີດຂຶ້ນພ້ອມໆກັນກັບການຊ້ອມລົບປະຈໍາປີລະຫວ່າງສະຫະ ລັດແລະເກົາຫລີໃຕ້ ຊຶ່ງຈະເລີ້ມຂຶ້ນໃນວັນຈັນມື້ອື່ນນີ້ ແລະຈະດໍາເນີນໄປເປັນເວລາ 11 ມື້.
ກຸງພຽງຢ້າງໄດ້ກ່າວມາເປັນປະຈໍາວ່າ ການຊ້ອມລົບປະຈໍາປີລະຫວ່າງສອງປະເທດນີ້ ເປັນການເຝິກຊ້ອມເພື່ອທໍາການຮຸກຮານເກົາຫລີເໜືອ. ທາງກຸງວໍຊິງຕັນແລະກຸງໂຊລກ່າວວ່າ ພວກຕົນບໍ່ມີເຈດຕະນາທີ່ຈະທໍາການຮຸກຮານເກົາຫລີເໜືອ.
