ປະທານາທິບໍດິເກົາຫລີໃຕ້ສະເໜີອີກຄັ້ງໃໝ່ໃຫ້ມີການໂອ້ລົມສົນທະນາກັນກັບເກົາຫລີເໜືອ
ແລະສະເໜີໃຫ້ການຊ່ອຍເຫລືອດ້ານການເງິນ ຖ້າຫາກລັດຖະບານກຸງພຽງຢາງຍົກເລີກໂຄງ
ການຜະລິດອາວຸດນີວເຄລຍແລະລູກສອນໄຟຂອງຕົນ.
ແຕ່ໃນຄໍາປາໄສໃນວັນອັງຄານມື້ນີ້ ເພື່ອໃຫ້ກຽດ ແກ່ການດີ້ນຮົນຕໍ່ສູ້ ສຳລັບຄວາມເປັນເອກກະລາດຂອງເກົາຫລີໃຕ້ນັ້ນ ປະທານາທິບໍດີຫລີມິອອງພັກ ກ່າວເຊ່ນກັນວ່າ ເກົາຫລີເໜືອຈະຕ້ອງເອົາມາດຕະການຮັບຜິດຊອບຕ່າງໆກ່ຽວກັບການໂຈມຕີດ້ວຍອາວຸດໃສ່ເກົາຫລີໃຕ້ໃນປີແລ້ວນີ້.
ຄວາມພະຍາຍາມຄັ້ງຫລ້າສຸດໃນການໂອ້ລົມເຈລະຈາກັນສອງຝ່າຍໄດ້ພັງທະລາຍລົງໃນເດືອນແລ້ວນີ້ ເວລາຝ່າຍເກົາຫລີໃຕ້ຢືນຢັດວ່າເກົາຫລີເໜືອຕ້ອງຍອມຮັບວ່າຕົນເປັນຜູ້ເຮັດໃຫ້ກໍາປັ່ນລົບຂອງເກົາຫລີໃຕ້ລໍານຶ່ງຫຼົ້ມໃນເດືອນມີນາໃນປີແລ້ວນີ້ ແລະຂໍຂະມາໂທດໃນການຍິງປືນໃຫຍ່ໃສ່ເກົາຫລີໃຕ້ໃນເດືອນພະຈິກປີແລ້ວນີ້ ຊຶ່ງການໂຈມຕີ 2 ຄັ້ງໄດ້ເຮັດໃຫ້ມີຜູ້ເສຍຊີວິດໄປ 50 ຄົນນັ້ນ.
ຄວາມເຄັ່ງຕຶງເພີ່ມທະວີຂຶ້ນອີກເວລາການຊ້ອມລົບປະຈໍາປີທີ່ພົວພັນກັບກຳລັງຂອງສະຫະ
ລັດແລະຂອງເກົາຫລີໃຕ້ຫລາຍພັນຄົນເລີ້ມຂຶ້ນໃນສັບປະດານີ້. ເກົາຫລີເໜືອເອີ້ນການຊ້ອມ
ລົບດັ່ງກ່າວວ່າເປັນການເຝິກຊ້ອມເພື່ອການຮຸກຮານ ແລະທາງກຸງພຽງຢັ້ງຂົ່ມຂູ່ວ່າຈະເຮັດໃຫ້
ເກົາຫລີໃຕ້ກາຍເປັນທະເລໄຟໄປ.
