ລິ້ງ ສຳຫລັບເຂົ້າຫາ

ເກົາຫຼີເໜືອ ຖອນຄຳຂູ່ ທີ່ຈະຍົກເລີກ ການພົບພໍ້ ຂອງ ຄອບຄົວ ທີ່ພັດພາກ (ວີດີໂອ)


ເກົາຫລີໃຕ້ ກ່າວວ່າ ຕົນໄດ້ຕົກລົງກັບເກົາຫຼີເໜືອແລ້ວ ທີ່ຈະດຳ
ເນີນການຕໍ່ໄປໃນການຈັດໃຫ້ມີການພົບພໍ້ລະຫວ່າງບັນດາຄອບ
ຄົວທີ່ໄດ້ພັດພາກຈາກກັນໃນປາງສົງຄາມເກົາຫຼີທັງໆທີ່ພຽງຢາງ ໄດ້ສະແດງຄວາມເປັນຫ່ວງກັງວົນກ່ຽວກັບການຊ້ອມລົບທາງທະ
ຫານຂອງກຸງໂຊລກັບສະຫະລັດ ຊຶ່ງຈະມີຂຶ້ນໃນໄວໆນີ້.

ກະຊວງທ້ອນໂຮມຊາດຂອງເກົາຫລີໃຕ້ ກ່າວວ່າ ການຕົກລົງດັ່ງ
ກ່າວໄດ້ບັນລຸກັນ ໃນວັນສຸກມື້ນີ້ ລະຫວ່າງການເຈລະຈາລະດັບ
ສູງຮອບທີສອງ ຊຶ່ງມີຂຶ້ນທີ່ບ້ານຊາຍແດນປັນມຸນຈອມ. ກະຊວງ
ທ້ອນໂຮມຊາດ ເວົ້າວ່າ ການເຈລະຈາຮອບ 3 ຈະມີຂຶ້ນຖ້າຫາກ ວ່າມີຄວາມຈຳເປັນແຕ່ຈະບໍ່ມີຂຶ້ນຖ້າທຸກຢ່າງດຳເນີນໄປຕາມປົກກະຕິ.

ນອກນັ້ນ ເກົາຫຼີທັງສອງຝ່າຍ ຍັງໄດ້ຕົກລົງກັນ ທີ່ຈະຍຸດຕິການໃຫ້ຄວາມເຫັນທີ່ເປັນການ
ໝິ່ນປະໝາດຕໍ່ກັນແລະກັນ ເພື່ອຈະຊ່ອຍປັບປຸງຄວາມສຳພັນລະຫວ່າງສອງຝ່າຍ.

ການເຈລະຈາທີ່ວ່ານີ້ ແມ່ນເປັນການສືບຕໍ່ໂອ້ລົມກັນ ໃນລະດັບສູງສຸດ ໃນຮອບ 7 ປີ ລະ ຫວ່າງຄູ່ປໍລະປັກທັງສອງ ຊຶ່ງໃນທາງເທັກນິກແລ້ວ ແມ່ນຍັງຢູ່ໃນພາວະສົງຄາມລະຫວ່າງ ກັນຢູ່ ຫລັງຈາກທີ່ໄດ້ເກີດບັນຫາຂັດແຍ້ງໃນຊຸມປີ 1950.

ໃນການເຈລະຈາຮອບທຳອິດ ໃນມື້ວັນພຸດຜ່ານມານີ້ ເກົາຫລີເໜືອໄດ້ທວງໃຫ້ເກົາຫຼີໃຕ້
ແລະສະຫະລັດເລື່ອນເວລາອອກໄປໃນການຊ້ອມລົບຊຶ່ງກຳນົດຈະມີຂຶ້ນໃນເວລາດຽວກັນ
ກັບການເຕົ້າໂຮມພົບພໍ້ຂອງຄອບຄົວທີ່ໄດ້ພັດພາກຈາກກັນຊຶ່ງຈະມີຂຶ້ນໃນທ້າຍເດືອນນີ້.

ເກົາຫລີເໜືອ ຊຶ່ງເຫັນວ່າການຊ້ອມລົບດັ່ງກ່າວນີ້ ເປັນການກະກຽມ ເພື່ອຮຸກຮານຕົນນັ້ນ ກ່ອນໜ້ານີ້ໄດ້ຮຽກຮ້ອງໃຫ້ຍົກເລີກການຊ້ອມລົບ. ສະຫະລັດແລະເກົາຫຼີໃຕ້ກ່າວວ່າການ ຊ້ອມລົບນີ້ ບໍ່ມີລັກສະນະແບບຮຸກຮານ ແລະຈະຕ້ອງດຳເນີນຕໍ່ໄປ.​
XS
SM
MD
LG