ລິ້ງ ສຳຫລັບເຂົ້າຫາ

ພະນັກງານເກົາຫລີໃຕ້ທັງໝົດ ອອກຈາກ ພູຕາກອາກາດ ໃນເກົາຫຼີເໜືອແລ້ວ

  • ສິງ ບູຣົມມະວົງ

ພູ Kumgang ທີ່ເກົາຫລີເໜືອ


















ເກົາຫລີ​ໃຕ້​ກ່າວ​ວ່າ ພວກ​ພະນັກງານ​ຂອງ​ຕົນ​ທັງ​ໝົດ​ໄດ້​ໜີ​ອອກ​ຈາກສະຖານ​ທີ່ຕາກ​ອາກາດ​ເທິງ​ພູ​ທີ່ເກົາຫຼີໃຕ້ບໍລິຫານ​ຮ່ວມ​ກັບ​ເກົາຫລີເໜືອ​ນັ້ນແລ້ວ ນຶ່ງ​ມື້​ຫລັງ​ຈາກ​ເກົາຫລີ​ເໜືອ​ສັ່ງ​ໃຫ້​ພວກ​ເຂົາ​ເຈົ້າ​ອອກຈາກ​ສະຖານ​ທີ່ດັ່ງກ່າວ​ແລະ​ຍຶດ​ເອົາ​ຊັບ​ສິນ​ທັງ​ໝົດ​ຂອງ​ເກົາຫລີ​ໃຕ້​ໃນສະຖານ​ທີ່​ແຫ່ງນັ້ນ.

ພວກ​ບໍລິຫານ​ງານ​ທີ່ບ່ອນຕາກ​ອາກາດ​ເທິງພູ Kumgang ກ່າວວ່າ ພວກ​ພະນັກງານ​ເກົາຫລີ​ໃຕ້ 14 ຄົນ​ພ້ອມ​ກັບ​ພວກ​ພະນັກງານ​ຈີນ 2 ຄົນ​ໄດ້​ຂ້າມ​ຊາຍ​ແດນ​ເຂົ້າ​ມາ​ໃນ​ເກົາຫລີ​ໃຕ້​ໃນ​ເຊົ້າ​ວັນ​ອັງຄານ​ມື້​ນີ້.

ກຸງ​ພຽງ​ຢ້າງ​ປະກາດ​ຍຶດ​ເອົາ​ຊັບ​ສິນ​ທັງ​ໝົດ​ຂອງ​ພວກ​ບໍລິສັດ​ເກົາຫລີ​ໃຕ້​ທີ່​ສະຖານທີ່​ຕາກ​ອາກາດໃນ​ວັນ​ຈັນ​ວານ​ນີ້ ​ໂດຍ​ກ່າວ​ອ້າງ​ວ່າ ລັດຖະບານ​ກຸງ​ໂຊນ​ບໍ່​ໄດ້​ເສັດ​ສິ້ນ​ການ​ແກ້​ໄຂ​ບັນຫາ​ຂັດ​ແຍ້​ງກັນ​ກ່ຽວ​ກັບ​ຊັບ​ສິນ​ດັ່ງກ່າວ​ໃຫ້​ແລ້ວ​ເສັດ​ຕາມ​ວັນ​ເສ້ນ​ຕາຍ​ໃນ​ສັບປະດາ​ຜ່ານ​ມາ.

ພູ Kumgang ຊຶ່ງ​ເທື່ອ​ນຶ່ງ​ເຄີຍ​ເປັນ​ສັນຍະລັກ​ແຫ່ງ​ການ​ຮ່ວມ​ມື​ກັນລະຫວ່າງ​ຄອມ​ມີ​ວນິດ​ເກົາຫລີ​ເໜືອ​ແລະ​ປະຊາທິປະ​ໄຕ​ເກົາຫລີ​ໃຕ້ ຊຶ່ງ​ໄດ້ແບ່ງ​ແຍກ​ກັນ​ຕັ້ງ​ແຕ່​ສົງຄາມ​ກາງ​ເມືອງ​ໃນ​ປີ 1950-53 ນັ້ນ.

XS
SM
MD
LG