ພວກນັກເຄື່ອນໄຫວເກົາຫຼີໃຕ້ ໄດ້ຫວ່ານໃບປິວໂຄສະນາຫຼາຍ
ສິບພັນໃບ ລົງໃສ່ຫົວເມືອງຊາຍແດນແຫ່ງນຶ່ງ ຂອງເກົາຫຼີເໜືອ
ເພື່ອໄວ້ອາໄລລະນຶກເຖິງວັນຄົບຮອບຫົກປີໃນການຍິງເຮືອລົບ
ເກົາຫຼີໃຕ້ລຳນຶ່ງຫລົ້ມທີ່ເຮັດໃຫ້ພວກລູກເຮືອ 46 ຄົນເສຍຊີວິດ
ໄປນັ້ນ.
ເກົາຫຼີໃຕ້ໄດ້ຖິ້ມໂທດໃສ່ເກົາຫຼີເໜືອ ເປັນຜູ້ຍິງເຮືອລຳດັ່ງກ່າວ
ຫລົ້ມ ແລະເພື່ອເປັນການຕອບໂຕ້ ກໍໄດ້ມີການໂຈະ ຄວາມສຳ
ພັນທາງດ້ານການຄ້າແລະການລົງທຶນກັບພຽງຢາງ.
ໃບປິວປະມານ 50,000 ໃບທີ່ຖືກຫວ່ານລົງຈາກປູມເປົ້າໃຫຍ່
ຫຼືບານລູນ ຢູ່ເມືອງປາຈູ ໃນວັນເສົາມື້ນີ້ ຊຶ່ງມີຂໍ້ຄວາມ ປະນາມການກຳອຳນາດແບບຜະເດັດການ ທີ່ມີມາເປັນປະເພນີຂອງເກົາຫຼີເໜືອຊຶ່ງມີຈຸດສູນກາງຢູ່ໃນຄອບຄົວນຶ່ງ. ພວກ
ເຂົາເຈົ້າຮຽກຮ້ອງໃຫ້ຈອມຜະເດັດການກິມຈົງອຸນລາອອກແລະຢຸດເຊົາໃນການຂົ່ມຂູ່ປະ
ເທດຕາເວັນຕົກດ້ວຍສົງຄາມນິວເຄລຍ.
ວັນເສົາມື້ນີ້ ເປັນວັນຄົບຮອບ ໃນການຍິງເຮືອລົບ Cheonan ຫລົ້ມ ທີ່ເກົາຫຼີໃຕ້ ໄດ້ຖິ້ມ
ໂທດໃສ່ວ່າ ເປັນລະເບີດທໍປີໂດ ຈາກເຮືອດຳນ້ຳເກົາຫລີເໜືອ.
ເກົາຫລີເໜືອໄດ້ຕອບໂຕ້ດ້ວຍການຖິ້ມໃບປິວລົງໃສ່ເກົາຫຼີໃຕ້ເຊັ່ນດຽວກັນໃນວັນເສົາມື້
ນີ້ໂດຍຕຳໜິຕິຕຽນລັດຖະບານປະຊາທິປະໄຕຂອງເກົາຫຼີໃຕ້ແລະປະທານາທິບໍດີ Park
Geun-hye.
