ລິ້ງ ສຳຫລັບເຂົ້າຫາ

ໂທລະເລກ ຂອງ ສຫລ: ເກົາຫລີໃຕ້ເຊື່ອວ່າ ເກົາຫຼີເໜືອອາດພັງລົງໄດ້ ຫລັງຈາກກິມຈົງອິລ

  • ບົວສະຫວັນ

ໂທລະເລກ ຂອງ ສຫລ: ເກົາຫລີໃຕ້ເຊື່ອວ່າ ເກົາຫຼີເໜືອອາດພັງລົງໄດ້ ຫລັງຈາກກິມຈົງອິລ

ການນໍາເອົາໂທລະເລກທາງການທູດຂອງສະຫະລັດອອກມາແຜ່ແບ ໄດ້ສະແດງໃຫ້ເຫັນ ເຖິງ ອັນທີ່ອາດສາມາດເປັນເຫດຜົນທີ່ພາໃຫ້ເກົາຫລີເໜືອສະແດງອາການກະຫາຍສົງ ຄາມອອກມາຫວ່າງບໍ່ດົນມານີ້. ​ເອກະສານ​ລັບ​ເຫລົ່າ​ນີ້ ເປັນສ່ວນນຶ່ງຂອງການ​ເປີດເຜີຍ​ຂໍ້ ມູນລັບຄັ້ງໃຫຍ່ທີ່ພິມອອກທາງເວັບໄຊ້ທ໌ WikiLeaks.

ໂທລະເລກທາງການທູດຂອງສະຫະລັດ ທີ່​ສົ່ງ​ໄປມາໃຫ້​
ກັນນັ້ນ ສະແດງໃຫ້ເຫັນວ່າ ​ໃນ​ເດືອນກຸມພາປີ​ນີ້ ຮອງ
ລັດຖະມົນຕີກະຊວງ ການ​ຕ່າງປະ​ເທດ​ຂອງ​ເກົາຫລີ​ໃຕ້
ໄດ້ກ່າວຕໍ່​ເອກອັກຄະ​ລັດຖະທູດສະຫະລັດ ປະຈຳກຸງ​
ໂຊ​ລວ່າ ບັດ​ນີ້ ​ພວກເຈົ້າໜ້າທີ່ “ຫົວ​ທັນ​ສະ​ໄໝ” ຂອງ​
ຈີນ ພາກັນຄິດ​ວ່າ​ ​ເກົາຫລີ​ຄວນ​ຈະ​ເຕົ້າ​ໂຮມ​ເຂົ້າ​ເປັນ
ນຶ່ງ​ດຽວກັນ ​ໂດຍ​ຢູ່​ພາຍ​ໃຕ້​ການ​ຄຸ້ມຄອງຂອງລັດຖະ
ບານຂອງ​ກຸງ​ໂຊ​ລ ຖ້າເກົາຫລີ​ເໜືອຫາກພັງ​ທະລາ​ຍລົງ.

ໂທລະ​ເລກ​ອ້າງ​ຄໍາ​ເວົ້າ​ຂອງເຈົ້າໜ້າທີ່​ເກົາຫລີ​ໃຕ້ທ່ານນີ້ ຄື
ທ່ານ Chun Yung-woo ​ທີ່​ກ່າວວ່າ ເຖິງ​ແມ່ນ​ຈີນ​ຈະບໍ່
ຕ້ອງການ​ໃຫ້ມີກຳລັງທະຫານ​ສະ​ຫະລັດ ຢູ່​ໃນ​ດິນ​ແດນ
ທີ່​ແມ່ນ​ເກົາຫລີ​ເໜືອຢູ່​ໃນ​ປັດຈຸບັນ​ນີ້ ແຕ່​ພວກ​ເຂົາ​ເຈົ້າກໍ
ຈະຮັບ​ເອົາປະ​ເທດ​ເກົາຫລີ ທີ່ເຕົ້າ​ໂຮມ​ເຂົ້າເປັນອັນ​ນຶ່ງ
ອັນ​ດຽວກັນ​ ​ແລະເປັນ​ພັນທະ​ມິດ “ທີ່​ບໍ່​ມີບົດບາດ
ແຂງ​ຂັນຫ້າວຫັນ​” ກັບສະຫະລັດ.

ທ່ານ Chun ​ຊຶ່ງ​ເວລາ​ນີ້ ເປັນທີ່​ປຶກສາ​ດ້ານ​ຄວາມໝັ້ນຄົງແຫ່ງຊາດ​ຂອງປະທານາທິບໍດີ​
ເກົາຫລີ​ໃຕ້ເວົ້າວ່າ ພວກ​ຜູ້ນຳໜຸ່ມນ້ອຍ​ທັງ​ຫລາຍ​ໃນພັກຄອມ​ມີ​ວນີສຈີນປັດຈຸບັນ​ນີ້ ​ແມ່ນ
ບໍ່​ເຕັມ​ໃຈທີ່​ຈະສ່ຽງ​ໃຫ້ເກີດສົງ ຄາມຢູ່ໃນແຫລມເກົາຫລີ ​ເພື່ອ​ຊ່ວຍເກົາຫລີ​ເໜືອທີ່​ເຂົາ​ເຈົ້າ
ເຫັນ​ວ່າບໍ່ມີ​ປະ​ໂຫຍ​ດຫຍັງ ​ຫລື​ບໍ່ສາມາດກາງ​ຕໍ່ອາ​ໃສ​ຫຍັງ​ໄດ້ອີກ​ແລ້ວ​ນັ້ນ.

ຜູ້ນໍາເກົາຫລີເໜືອ ທ່ານ Kim Jong Il ເດີນທາງ ໄປຢ້ຽມຢາມຈີນ ໃນ ເດືອນເມສາ 2010 ນີ້.
ຜູ້ນໍາເກົາຫລີເໜືອ ທ່ານ Kim Jong Il ເດີນທາງ ໄປຢ້ຽມຢາມຈີນ ໃນ ເດືອນເມສາ 2010 ນີ້.

ນອກນີ້ ທ່ານ Chun ຍັງ​ເວົ້າວ່າ ລັດຖະບານ​ຂອງ​ທ່ານ
ຄິດ​ວ່າ ລັດຖະບານ​ເກົາຫລີ​ເໜືອ ອາດສາມາດພັງ​ທະລາ​ຍ
ລົງ​ໄດ້ພາຍ​ໃນ 2 ຫລື 3 ປີ​ ພາຍຫລັງ​ທີ່​ຜູ້​ນໍາ​ເກົາຫ​ລີ
ເໜືອ ທ່ານ Kim Jong Il ​ເສຍ​ຊີວິດ​ໄປ​ແລ້ວ.

ທ່ານ Brian Myers ອາຈານສອນທີ່​ມະຫາວິທະຍາ​ໄລ Dongseo ​ໃນ​ເມືອງ Busan ເປັນຊ່ຽວຊານ​ດ້ານ​ອຸດົມ​ການ​ຂອງເກົາຫລີ​ເໜືອ. ທ່ານກ່າວ​ວ່າ ​ຄະນະ​ນຳພາຂອງເກົາຫລີ​ເໜືອບໍ່ເຄີຍ​ໄວ້​ວາງ​ໃຈ​ຈີນ​ຈັກ​ເທື່ອ​. ທ່ານ​ກ່າວດັ່ງນີ້:

"ຂ້
າພະເຈົ້າບໍ່ຄິດວ່າການເປີດເຜີຍເຫລົ່ານີ້ ຈະມາສ້າງ
ຄວາມຕົກຕະລຶງ ຢ່າງສິ້ນເຊີງໃຫ້ແກ່ລັດຖະບານທີ່ມັກ
ຈະຄິດ ໃນທາງລົບທີ່ສຸດກ່ຽວກັບພວກຊາວຕ່າງປະເທດຢູ່ແລ້ວນັ້ນ. ມັນຈະສ້າງ
ຄວາມສະເທືອນໃຈຕໍ່ປະຊາຊົນເກົາຫລີເໜືອ ເວລາຂ່າວນັ້ນໄປຮອດໄປເຖິງພວກ
ປະຊາຊົນ ແລະມັນກໍຈະໄປຮອດໄປເຖິງແທ້ ເນື່ອງຈາກວ່າເວລານີ້ພວກປະຊາຊົນ ສາມາດເຂົ້າເຖິງແຫລ່ງຂໍ້ມູນ ຈາກພາຍນອກໄດ້ຫລາຍທີ່ສຸດ ຊຶ່ງມັນກໍຈະໄປເສີມ
ຕື່ມໃສ່ສິ່ງທີ່ປາກົດວ່າ ເປັນວິກິດການດ້ານຄວາມເຊື່ອໝັ້ນ ທີ່ກຳລັງເຕີບໃຫຍ່
ຂະຫຍາຍຕົວຂຶ້ນນັບມື້ ຢູ່ພາຍໃນເກົາຫລີເໜືອນັ້ນ.”

ທ່ານ Myers ກ່າວ​ຕໍ່​ໄປ ແລະ​ສິ່ງ​ນັ້ນ​ແຫລະ ອາດສາມ​າດ​ກາຍ​ເປັນ​ໄພ​ຂົ່ມຂູ່ໂຕ​ຈິງ ຕໍ່ການ​ຢູ່​ລອດ​ຂອງ​ເກົາຫລີ​ເໜືອ​ໄດ້.

“ຂ້າພະເຈົ້າຄິດວ່າ ຊາວເກົາຫລີເໜືອທໍາມະດາສາມັນແມ່ນຮູ້ດີວ່າ ຖ້າຫາກວ່າເຮົາ
ກໍາຈັດຄອບຄົວກິມ ໃຫ້ພົ້ນຈາກອໍານາດໄປ ສາທາລະນະລັດ ກໍແມ່ນສູນເສຍເຫດ
ຜົນທັງໝົດທີ່ຈະດໍາລົງຄົງຢູ່ອີກຕໍ່ໄປ. ຄວາມຖືກຕ້ອງຊອບທໍາຂອງປະເທດນີ້ ແມ່ນ
ມາຈາກຄວາມ ເຊື່ອຖືຢ່າງງົມງາຍຂອງຊາວເກົາຫລີເໜືອ ໃນຄວາມເປັນວີລະບຸລຸດ
ຂອງກິມອິລຊຸງ ແລະ ຄວາມຮັກອັນຍິ່ງໃຫຍ່ສໍາລັບປະຊາຊົນຂອງລາວນັ້ນ.”

ມື້ລາງທ່ານ Kim Il Sung, ບິດາ​ຂອງ​ ທ່ານ Kim Jong Il ຜູ້ນຳ​ຄົນປັດຈຸບັນ​ ເປັນ​ຜູ້ນຳ​ຄົນ​ທຳ​ອິດ​ຂອງເກົາຫລີ​ເໜືອ.

ທ່ານ Myers ​ແລະ ຄົນ​ອື່ນໆທີ່​ຄອຍ​ຕິດຕາມ​ເບິ່ງ​ການ​ເຄື່ອນ​ໄຫວ​ຂອງລັດຖະບານພຽງຢາ​ງ
ເວົ້າວ່າ ວິກິດ​ການ​ດ້ານ​ຄວາມ​ເຊື່ອໝັ້ນຕໍ່ການ​ນໍາພາຢູ່​ໃນເກົາຫລີ​ເໜືອ ອາດ​ກະ​ຕຸ້ນ​ໃຫ້ທ່ານ
Kim Jong Il ທໍາການ​ເຄື່ອນ​ໄຫວ​ແບບ​ຮຸກ​ຮານ​ຫລາຍ​ຂຶ້ນ ຕໍ່ເກົາຫລີ​ໃຕ້ ໃນ​ຂະນະ​ທີ່​ທ່າ​ນ
ສ້າງຕັ້ງລູກ​ຊາຍ​ຫລ້າ, ທ້າວ Kim Jong Un ຂຶ້ນມາ​ເປັນ​ສືບ​ທອດອຳນາດ​ແທນທ່ານ​.

ເຈົ້າໜ້າທີ່ທ່າ​ນນຶ່ງ​ປະ​ຈໍາສະຖານທູດສະຫະລັດ​ໃນ​ກຸງ​ໂຊ​ລ ​ເວົ້າວ່າມັນ​ເປັນ​ເລື້ອງນະ​ໂຍບາຍ
ຂອງ​ສະຫະລັດ ທີ່​ບໍ່​ໃຫ້​ພະນັກງານ​ອອກ​ຄຳ​ເຫັນ​ກ່ຽວ​ກັບເອກະສານ ທີ່​ອາດ​ບັນຈຸ​ຂໍ້ມູນ​ລັບ.

ລັດຖະບານສະຫະລັດ ​ໄດ້ກ່າວ​ປະນາມ​ເວັບ​ໄຊ WikiLeaks ທີ່​ໄດ້ຂົນຂວາຍ​ເອົາມາ ​ແລະນຳ​ອອກພິມ​ເຜີຍ​ແຜ່ ເອກະສານ​ທາງ​ການ​ທູດລັບ ​250,000 ສະບັບ ​ໃນ​ອາທິດ​ນີ້.

ທຳນຽບຂາວ ​ແລະ ກະຊວງ​ການ​ຕ່າງປະ​ເທດສະຫະລັດເວົ້າວ່າ ການເປີດເຜີຍຂໍ້​ມູນ​ດັ່ງ ກ່າວອາດ​ທຳລາຍສາຍສຳພັນ​ລະຫວ່າງ​ຊາດ ​ແລະເຮັດ​ໃຫ້​ພວກ​ນັກ​ການ​ທູດ​ ​ແລະສາຍ​ ຕິດຕໍ່ຂອງພວກ​ເຂົາ​ເຈົ້າ ຕົກຢູ່​ໃນ​ພາວະອັນຕະລາຍ.

ແຜນທີ່ຂອງບໍລິເວນໃກ້ໆ ເຂດຊາຍແດນທາງທະເລ ທີ່ເປັນຫົວຂໍ້ຜິດຖຽງກັນ ລະຫວ່າງສອງເກົາຫລີນັ້ນ.
ແຜນທີ່ຂອງບໍລິເວນໃກ້ໆ ເຂດຊາຍແດນທາງທະເລ ທີ່ເປັນຫົວຂໍ້ຜິດຖຽງກັນ ລະຫວ່າງສອງເກົາຫລີນັ້ນ.

ຄວາມ​ເຄັ່ງ​ຕຶ່ງ ຢູ່​ໃນ​ແຫລມ​ເກົາ
ຫລີ ​ໄດ້​ເພີ້ມຂຶ້ນຢ່າງ​ວ່ອງ​ໄວ​ໃນ
ປີ​ນີ້ ຫລັງ​ຈາກ​ທີ່​ເຮືອລົບ​ຂອງ
ເກົາຫລີ​ໃຕ້​ລໍາ​ນຶ່ງ ໄດ້​ລະ​ເບີດ
ຂຶ້ນ ​ແລະຈົມ​ລົງ​ໃນເຂດທະ​ເລ
ເຫລືອງ​ໃນ​ເດືອນມີນາ ​ແລະ
ພວກ​ນັກ​ສືບສວນສາກົນເວົ້າ
ວ່າ ກໍາ​ປັນ​ລໍາ​ນັ້ນ​ໄດ້​ຖືກ​ຍິງ​
ໂດຍລະ​ເບີດ​ຕໍ​ປີ​ໂດຂອງເກົາ
ຫລີ​ເໜືອ ​ແຕ່ລັດຖະບານ
ພຽງ​ຢາງໄດ້​ປະຕິເສດຄວາມ
ຮັບຜິດ​ຊອບຕໍ່ເຫດການນັ້ນ.

ໃນ​ວັນ​ທີ 23 ພະຈິກ​ຜ່ານ​ມາ​ນີ້ເກົາຫລີ​ເໜືອ​ໄດ້​ຍິງປືນ​ໃຫຍ່​ໂຈມຕີພົນລະ​ເຮືອນຂອງ​ເກົາ
ຫລີ​ໃຕ້ ເປັນຄັ້ງທຳອິດນັບ​ແຕ່​ສົງຄາມ​ເກົາຫລີໃນຕົ້ນຊຸມ​ປີ 1950ເປັນຕົ້ນມາ ຊຶ່ງ​ເຮັດ​ໃຫ້​
4 ຄົນ​ໃນ​ເກາະ Yeonpyeong ​ເສຍຊີວິດ. ລັດຖະບານພຽງຢາງກ່າວ​ວ່າ ພວກ​ຕົນ​ເຮັດ
ແນ​ວນັ້ນ ກໍແມ່ນເພື່ອ​ຕອບ​ໂຕ້ຕໍ່ການ​ຍິງ​ປືນໃຫຍ່​ຂອງເກົາຫລີ​ໃຕ້ໃສ່ບໍລິ​ເວນ​ໃກ້ໆ​ເຂດ
ຊາຍແດນທາງທະເລທີ່ເປັນຫົວຂໍ້ຜິດຖຽງກັນລະຫວ່າງສອງເກົາຫລີນັ້ນ.

ຊາກຫັກພັງຢູ່ເກາະ Yeonpyeong ທີ່ຖືກເກົາຫລີເໜືອຍິງປືນໃຫຍ່ໃສ່ ເມື່ອວັນທີ 23 ພະຈິກຜ່ານມານີ້.
ຊາກຫັກພັງຢູ່ເກາະ Yeonpyeong ທີ່ຖືກເກົາຫລີເໜືອຍິງປືນໃຫຍ່ໃສ່ ເມື່ອວັນທີ 23 ພະຈິກຜ່ານມານີ້.

ຕໍ່​ມາ ​ໃນວັນ​ອາທິດ​ ທີ 28 ພະຈິກ ກອງ​ກຳລັງ​ທະຫານ​ເຮືອຂອງ​ສະຫະລັດ ​ແລະ​ເກົາ ຫລີ​ໃຕ້ ​ໄດ້​ເລີ້ມທຳ​ການ​ຊ້ອມ​ລົບຮ່ວມ​ກັນ​ ​ເປັນ​ເວລາ 4 ວັນ ຢູ່​ໃນ​ເຂດທະ​ເລ​ເຫລືອງ​.

ໂຄສົກ​ປະຈຳກອງທັບ​ເຮືອສະຫະລັດ ຢູ່​ເທິງ​ກໍ່າປັ່ນບັນທຸກເຮືອບິນ USS George Washington ເວົ້າວ່າການ​ຊ້ອມ​ລົບ​ດັ່ງກ່າວ ບໍ່​ໄດ້​ມີ​ເປົ້າ​ໝາຍ​ທີ່ຈະ​ທຳ​ການ​ເກາະຜິດ ​ກັບ ລັດຖະບານນະຄອນພຽງ​ຢາງ​ແຕ່​ຢ່າງ​ໃດ.

ແຕ່ຝ່າຍເກົາຫລີເໜືອ​ເວົ້າວ່າ ການ​ຊ້ອມ​ລົບ​ດັ່ງກ່າວນັ້ນ ໄດ້ນຳ​ເອົາ​ແຫລມ​ເກົາຫລີ ກ້າວ​ເຂົ້າ​ໄປ​ໄກ້​ສົງຄາມຍິ່ງ​ຂຶ້ນ.

ໂທລະເລກທາງການທູດ ທີ່​ຖືກ​ເຜີຍ​ແບ ​ໃນ​ເວັບ​ໄຊ WikiLeaks ຍັງ​ສະ​ແດງ​ໃຫ້​ເຫັນ​ວ່າ ສະຫະລັດ ຄິດ​ວ່າເກົາຫລີເໜືອ ​ໄດ້​ຂາຍເທັກ​ໂນ​ໂລ​ຈີ​ລູກ​ສອນ​ໄຟ ໃຫ້​ແກ່ Iran ຊຶ່ງ​ເຮັດ​ໃຫ້​ລັດຖະບານ Tehran ມີ​ຄວາມ​ສາມາດ​ທີ່​ຈະທໍາ​ການໂຈມຕີ ໄປ​ຮອດຢູ​ໂຣບ​ໄດ້​.

ໃນ​ວັນ​ອັງຄານ​ອາທິດ​ແລ້ວ​ນີ້ ໜັງສື​ພິມທາງ​ການຂອງເກົາຫລີເໜືອ ສະບັບ​ນຶ່ງ ​ກໍໄດ້ເວົ້າ ອວດ​ອ້າງວ່າ ປະ​ເທດ​ຂອງ​ຕົນ​ດຽວນີ້ ​ແມ່ນ​ສາມາດ​ເຄື່ອງ​ກັ່ນ​ທາດ​ຢູ​ເຣນຽມ​ຫລາຍ​ພັນ​ອັນ ​ເພື່ອ​ເພີ້ມສະ​ມັດ​ຕະພາບ​ທາດ uranium ຂຶ້ນ​ສູ່​ເກຣດ ທີ່​ສາມາດ​ຜະລິດ​ໄຟຟ້າ​ໄປຮັບ​ໃຊ້​ປະ​ເທດ​ທີ່​ທຸກ​ຈົນ​ແຫ່ງ​ນັ້ນ ​ໄດ້​ໃນ​ທີ່​ສຸດ.

XS
SM
MD
LG